Yohana 14:16 - Eriiraghano Eriihë

¹⁶ Mbe, na neeni nekomusabha Taata kubha abhahë Omotoorereri owonde, kubha ikare na niinyu emiishe ghyose.

Yohana 14:16 Iomraidhean Croise

Mataayo 28:20

Wiiki mobheeghi ghoghaghööta ghoose ghano nebherekeriiri inyu. Mööhi! Neekubha haghirohamu na niinyu eriibhagha ryose mbagha mo‑ntenero e se.”

Yohana 14:14

Morasabha egheghiro ghyokyose kwo riina reene, neghuköra.

Yohana 14:18

“Nteekobhatigha inyu bheene kinya abhaana abhahabhe, amare neghugharuka wiiki ghokoonyu.

Yohana 14:26

Amare Omotoorereri uyo, egheteemoro keeche n‑Akörö Ahörëëru, ino Taata akoyetoma ghokoonyu kwo riina reene, nekobheeghi na kobhahiiti ghoose ghano neere nebhabhooriire.

Yohana 15:26

“Hano akuucha ghokoonyu Omotoorereri, uno nekomotoma ghokoonyu koru o‑Taata, niyo Akörö Ahörëëru e hëënë ino ekoru o‑Taata, neghungambëra obhuhëënë ighoro yaane.

Yohana 16:22

Inyu moonyi na amacheeche kwo riibhagha rino. Amare nekuucha wiiki ghokoonyu, na niinyu mookubha na ghuchömëru mo‑metema gheenyu. Taanyi‑ho uno akoruusi ghuchömëru kuyo mo‑metema gheenyu.

Yohana 17:15

Oo Taata, nteeghusabha kubha obharuusi mo‑se ino, amare kubha obhatoori no Omobhisa wuure.

Yohana 17:20

“Nteekobhasabhera abheene hangʼu, amare nekobhasabhera bhoose bhano bhakuucha ghonkumi gho ghiri e ghano abhaanabheegha bhaane bhakweghi.

Yohana 4:14

Amare omooto aranyo amanche ghano nekomuha eni, taakooghu anyööta emiishe ghyose. Amanche ghano nekomuha eni ngaakubha kinya ekerika ke manche moose yaache, ghataakooma naabha, ngaakubha gharamuha obhuhöru bho miishe ghyose.”

Yohana 7:39

Yesu naare arasiikërëra ighoro e Körö Ahörëëru, ino abhaato bhoose bhano bhakomokumi Yesu, mbakoyesongʼaana. Eriibhagha riyo, Eryobha ndeere rekeere ghotoma Akörö yaache ghokoobho, gho kubha Eryobha ndeere rekeere kwërëki haheero obhokumi obhokoro bho Yesu.

Amaköri gha Bhatomu 1:4

Orosiko rumu, hano Yesu atëmëriine haghirohamu na abhatomu bhaache, akabharaghereri akabhugha, “Motaru mo‑moghya o Yerusareemu, mwikare‑mu, mbagha hano mokuhaabhu Akörö ino Taata ꞉abharaghiire inyu, kinya bhuno neere nebhabhooriire.

Amaköri gha Bhatomu 13:52

Amare abhaghëndi bha Yesu bhano ꞉bhaasaaghiri iyo Antiyokiya e Bhisitiya bhaghachömëru chwee, bhaghiichoribhu Akörö Ahörëëru.

Amaköri gha Bhatomu 9:31

Mbe, chaasiko chiyo, abhaato bha mo‑kanisa haghiro hoose ha Yuteya, na Ghariraaya, na Samaariya bhaakabha no omurëmbë. Abhaato bhayo bhakabhöna changuru na ghotooru omukörö na Akörö Ahörëëru. Bhaakabha bharamosooka Omutëmi, ne ekirëngërë ke bhano ꞉bhaakumiri ghëkëëngëra chwee.

Abharuumi 14:17

Amangʼana amachömu mo‑bhaato bha bhutëmi bho Ryobha taanyi ighoro e kurë hamu kunyo, amare n‑ghuköra ghano Eryobha rekwënda, kubha no omurëmbë na kumanya gho ghuchömëru. Ghayo ghoose ngaakubha kwo bhotoorereri bho Körö Ahörëëru.

Abharuumi 15:13

Eryobha niryo toghwitëngʼëra kubha ndeghuköra ghoose ghano ꞉reeturaghiri. Gho ghayo, nekobhasabhera kubha, rebhahë omurëmbë chwee na ghuchömëru kwaru hano mokwëndërëra korekumi. Hayo niho mookubha ne eriitëngʼërö ikoro, rino moonyi naryo gho changuru che Körö Ahörëëru.

Abharuumi 5:5

Amiitëngʼërö ghayo ghataaghotora ghotosooki, gho kubha Eryobha ndehomiri obhosiighi bhooche mo‑metema ghiito, kohetera Akörö yaacheAhörëëru.

Abharuumi 8:34

Wiiki taanyi‑ho uno aghotora kobhatenera ekiina kubha m‑bha masari moonyi, gho kubha Kirisito Yesu, niwe akuure na koryoka koru mo‑bhaku. Wiiki niikeere eribhaara re kwiro re Ryobha, niwe aghotusabhera.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Abhabhiribhi 2:1

Mbe, erabha motooruru omukörö kubha inyu na abhaato bha Kirisito moonyi, erabha wiiki moghughambisanu no obhosiighi bhooche, wiiki erabha moonyi no obhughöötani na Akörö Ahörëëru, ne erabha wiiki mosiighiru na korigheru changori na Kirisito,

2 Abhatesaronike 2:16

Taata wiito Waryobha natosiighiri, na gho ghareeya yaache aghatughambisani emiishe ghyose na ghotuha amiitëngʼërö amachömu. Iwe ntokomusabha, haghirohamu no Omutëmi wiito Yesu Kirisito kubha,

Abheebhuraaniya 7:25

Gho ghiri iyo, iwe naanyi na changuru che kobhatoori kimu kimu abhaato bhoose bhano bhaaghuye kwo Waryobha kohetera ghokooche, gho kubha iwe muhöru emiishe ghyose, nakobhasabhera kwo Waryobha eriibhagha ryose.

1 Yohana 2:1

Abhaana bhaane abhasiighani, ˆnekabhaandëkëra amangʼana ghayo, kubha motaköra amasari. Amare koru aribha omooto wowoose araköra amasari, ntughöötë uno aghotusabhera o‑Taata Waryobha, uyo niwe Yesu Kirisito, uno anyi obhuhëënë.

1 Yohana 2:27

Inyu motakongʼiinu, gho kubha Kirisito nabhaheere Akörö Ahörëëru, ino eghwikara moose yaanyu. Iyo niyo ekobheeghi ghoose, ameeghi ghaache n‑gha mahëënë, ghataanyi gha bhuröngö. Gho ghayo, teekwëndëru kubha omooto abheeghi. Kinya bhuure Akörö ebheeghiri, ibheere mwëndërërë kubha no obhumu na Kirisito.

2 Yohana 1:2

Nebhasiighiri gho kubha eni na niinyu ntweche obhuhëënë, wiiki ntokwëndërëra kobhumënya miishe ghyose.