Yohana 13:8 - Eriiraghano Eriihë

⁸ Bheetero akamugharokeri akabhugha, “Iye tookonyishaabhi amaghoro naabha!” Yesu akamugharokeri akabhugha, “Aribha nteeghoghwishaabhi, toghotora kubha haghirohamu na neeni wiiki.”

Yohana 13:8 Iomraidhean Croise

Mataayo 16:22

Niho Bheetero akamobherekera rubhareka, aghasëëma komoshaangʼi, arabhugha, “Oo Omutëmi, Eryobha reghaheteri ghayo kurë! Ghataacha ghayo ghotubhöna!”

Mataayo 21:29

Omoona uyo akamugharokeri akabhugha, ‘Nteeghuye.’ Amare akamara aghagharura amiihëëbhö ghaache, aghaye aghaköra.

Mataayo 26:33

Akamara Bheetero akamobhoorera Yesu akabhugha, “Koru erabha abhaghëndi bhaane bhoose bhaghoghotigha, eni nteeghoghotigha naabha!”

Mataayo 26:35

Bheetero akamugharokeri akabhugha, “Koru aribha ekwëndëru kubha neku haghirohamu na niiye, eni nteghokwanga naabha!” Abhaanabheegha abhande bhoose bhaghasiikëra hangʼu hangʼu.

Yohana 13:6

Hano Yesu amohikiire Simiyooni Bheetero, Bheetero akamobhoori akabhugha, “Oo Omutëmi, nokwënda konyishaabhi amaghoro ghaane?”

Yohana 13:9

Simiyooni Bheetero akamugharokeri akabhugha, “Oo Omutëmi, erabha hangʼu, otanyishaabhi amaghoro agheene, amare na amabhökö ghaane haghirohamu no omutu waane.”

Yohana 3:5

Yesu akamugharokeri akabhugha, “Mahëënë ˆneghakobhoorera, taanyi‑ho omooto uno aghotora ghusöha mo‑bhutëmi bho Ryobha aribha atibhwiru kwo manche na gho Akörö e Ryobha.

Amaköri gha Bhatomu 22:16

Ibheere neke oghughanya? Imeerera! Ubhatiisu, usabhe Eryobha reghotoori, rekwabhërë amasari ghaacho.’

1 Abhakorinto 6:11

Abhande ghate yaanyu hangʼu moore. Amare ibheere, gho kohetera kwo Mutëmi wiito Yesu Kirisito, na gho changuru che Körö e Ryobha, obhobhe bhoonyu mbweghuru, mbomusuru, na kubhareru obhuhëënë ambërë e Ryobha.

Abhaebheeso 5:26

꞉Naaköriri hangʼu, kubha amuse eriikanisa, gho koryeghi kwo manche gha bhubhatiiso, na kwo ngʼana e Ryobha.

Abhakorosaayi 2:18

Motatëghëërëra omooto wowoose uno akwiyëërëki gho nche kubha m‑munyööhu no omusëngëri o bhamarayika. Omooto kinya uyo atabhahöka atuho yaanyu e miishe ghyose. Uyo naghwitoora mo‑marighi ghaache, wiiki akiiraghaani kwo miihëëbhö ghaache gha simoka e masari.

Abhakorosaayi 2:23

M‑mahëënë, bhano bhaghutambana emeghiro ghiyo, mbakorighibhu kubha mbaanyi na amangʼiini. Mbaghutambana kuhëërana kuno ꞉bhiitooriire abheene, no obhunyööhu bho bhuröngö na kowukangata omobhere kwo bhuhaari. Amare emeghiro ghiyo ghetaaghotora kuhööchërëra amiigha amabhe gha mobhere.

Tiito 3:5

Retaaköriri hangʼu gho kubha amaköri ghiito ango n‑gha hëënë ꞉ghaare, amare n‑gho changori cheeche okwene. Ndetomusiri obhobhe bhwito, kuyo niko okwibhoru okuhë. Wiiki ndetoheere eriimanya eriihë gho nchëra e Körö Ahörëëru.

Abheebhuraaniya 10:22

Mbe, tubhe toraghe ambërë e Ryobha ne emetema myero ghino ghekomokumi kwo bhuhëënë, gho kubha Eryobha ndetomusiri emetema ghiito emebhe gho nchëra e masaahë gha Yesu na ghoghyeghi emebhere ghiito na amanche ameero.

Obhohunyurëru 1:5

na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se. Yesu niwe atosiighiri aghatusaasura koru mo‑masari ghiito gho nchëra e masaahë ghaache.

Obhohunyurëru 7:14

Nekamugharokeri nekabhugha, “Oo omutëmi waane, iye niiye weeche.” Akamboorera akabhugha, “Abhaato bhayo mbakindiri anyaako yiire ankoro. ꞉Mbaahuriri chandachana cheebho kwo masaahë gha Moona o Ngʼöndu, cheekabha cheero chayi.