Yohana 13:5 - Eriiraghano Eriihë

⁵ Akahoma amanche mo‑ghetibha. Mbe, aghasëëma kobhiishaabhi abhaanabheegha bhaache amaghoro na kobhasangura ne eghitambara kino are inatiri.

Yohana 13:5 Iomraidhean Croise

Ruuka 7:38

Akiimeerera anyuma e Yesu, haghuhe na amaghoro ghaache. Aghasëëma korera, changishori cheeche cheekabha cheramutöönyëra Yesu mo‑maghoro. Akabha aramutareki na chanchweri cheeche, akamutahata amaghoro ghaache, na ghoghahaka amaghuta gha keneeso.

Ruuka 7:44

Hayo hayo, Yesu akamwishororeri omukari uyo, akamobhoorera Simiyooni akabhugha, “Okamorighi omukari uno? Nisöhiri awaacho, amare tungënëhiri gho kuuha amanche gha ghwishaabhi amaghoro ghaane. Amare iwe, naachachiri amaghoro ghaane na changishori cheeche, na ghoghatareki gho chanchweri cheeche.

Yohana 13:10

Yesu akamugharokeri akabhugha, “Omooto uno ishaabhiri, taakwëndëru ghwishaabha wiiki, amare ngwishaabha amaghoro okwene. Uyo niyeriri inkongʼorimu. Inyu m‑bheero, amare taanyi bhoose.”

Yohana 13:6

Hano Yesu amohikiire Simiyooni Bheetero, Bheetero akamobhoori akabhugha, “Oo Omutëmi, nokwënda konyishaabhi amaghoro ghaane?”

Yohana 13:8

Bheetero akamugharokeri akabhugha, “Iye tookonyishaabhi amaghoro naabha!” Yesu akamugharokeri akabhugha, “Aribha nteeghoghwishaabhi, toghotora kubha haghirohamu na neeni wiiki.”

Yohana 19:34

Amare omoshirikare umu akamongʼuuta Yesu eriitimo mo‑rubharu. Mbe, amasaahë na amanche bheekaru.

Amaköri gha Bhatomu 22:16

Ibheere neke oghughanya? Imeerera! Ubhatiisu, usabhe Eryobha reghotoori, rekwabhërë amasari ghaacho.’

1 Abhakorinto 6:11

Abhande ghate yaanyu hangʼu moore. Amare ibheere, gho kohetera kwo Mutëmi wiito Yesu Kirisito, na gho changuru che Körö e Ryobha, obhobhe bhoonyu mbweghuru, mbomusuru, na kubhareru obhuhëënë ambërë e Ryobha.

Abhaebheeso 5:26

꞉Naaköriri hangʼu, kubha amuse eriikanisa, gho koryeghi kwo manche gha bhubhatiiso, na kwo ngʼana e Ryobha.

1 Timotewo 5:10

Abhe omooto uno aghoghongibhu gho ghiri e maköri kinya ghano, abhe omooto uno arëriri abhaana bhoheene, na uno aghënëhiri abhaghëni, na uno abhahökiiri abhakumi gho kobheeghi amaghoro ghaabho, na uno abhasakiiri bhano bhakunyaakibhu. Gho ghayo, abhe omooto uno iruusiri ghuköra amaköri ghoose amachömu.

Abheebhuraaniya 10:22

Mbe, tubhe toraghe ambërë e Ryobha ne emetema myero ghino ghekomokumi kwo bhuhëënë, gho kubha Eryobha ndetomusiri emetema ghiito emebhe gho nchëra e masaahë gha Yesu na ghoghyeghi emebhere ghiito na amanche ameero.

1 Yohana 1:7

Aribha toghwikara mo‑bhwero, kinya bhuure Eryobha reghwikara, niho tookubha no obhumu itu bheene kwo bheene. Wiiki masaahë gha Moona waache Yesu ngaghotweri amasari ghiito ghoose.

1 Yohana 5:6

Mbe, Yesu Kirisito niwe ichiri kwo manche gha bhubhatiiso na kwo masaahë gha roko rooche. Taanyi kwo manche agheene, amare na kwo masaahë ghaache ghano ꞉ghiitëkiri mo‑musarabha.

Obhohunyurëru 1:5

na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se. Yesu niwe atosiighiri aghatusaasura koru mo‑masari ghiito gho nchëra e masaahë ghaache.

Obhohunyurëru 7:14

Nekamugharokeri nekabhugha, “Oo omutëmi waane, iye niiye weeche.” Akamboorera akabhugha, “Abhaato bhayo mbakindiri anyaako yiire ankoro. ꞉Mbaahuriri chandachana cheebho kwo masaahë gha Moona o Ngʼöndu, cheekabha cheero chayi.