23 Yesu akabhagharokeri akabhugha, “Eriibhagha reene eni, uno neenyi Omoona o Mooto, kubhöna obhokumi obhokoro ˆrekahika.
Yesu akëëndërëra kobhabhoorera abhaanabheegha bhaache akabhugha, “Hano eni uno neenyi Omoona o Mooto nekuucha mo‑bhokumi bhoone obhokoro haghirohamu na bhamarayika bhoose, niho neghwikara mo‑ghetumbe keene ke bhutëmi.
Akamara aghagharuka kwo bhaanabheegha bhaache, akabhabhoorera akabhugha, “Mokeere momisiri chandöörö na koweera? Mööhi! Eriibhagha re nyaako yaane ndehikiri. Eni Omoona o Mooto neghotooru mo‑mabhökö gha abhaköri bha masari.
Yesu aghiishuka ambërë hasuuhu, akiirëkëra haase kebhuuma. Aghasabha arabhugha, “Aribha ekubha, netahetera eriibhagha rino re nyaako.”
Yesu aghaye wiiki ghusabha, aghagharuka, akabhabhoorera akabhugha, “Kana mokeere momisiri chandöörö na koweera? Eriibhagha riyo reghiisha, eriibhagha re nyaako yaane ndehikiri. Ibheere eni Omoona o Mooto neghotooru mo‑mabhökö gha abhaköri bha masari.
Eriibhagha riyo, abhaanabheegha bha Yesu bhataamënyiri ghayo. Amare hano Yesu aryokiri, bhakahiita kubha ghano ghaandëkuru ighoro yaache, nibhu abhaato ꞉bhaamuköriire.
“Ibheere ˆneghasëëma kubha na amacheeche chwee mo‑körö yaane. Nebhughe ke? Kana, nebhughe, ‘Oo Taata, ˆneghaghusabha ontoori kwo riibhagha re nyaako ino?’ Tiyaanyi, nteeghotora ghusabha hangʼu, gho kubha niichiri kunyaaka mo‑se ino.
Mbe, eriibhagha anyangi e Bhaasaka ere ekeere kohika, Yesu akamënya kubha eriibhagha reeche ˆrekahika re ghutanura mo‑se ino ghuye ghwi Ishe. Yesu naare asiighiri abhaato bhaache bhano ꞉bhaare mo‑se, wiiki ꞉naabhasiighiri koheta ekirëngërë.
Yesu naare arasiikërëra ighoro e Körö Ahörëëru, ino abhaato bhoose bhano bhakomokumi Yesu, mbakoyesongʼaana. Eriibhagha riyo, Eryobha ndeere rekeere ghotoma Akörö yaache ghokoobho, gho kubha Eryobha ndeere rekeere kwërëki haheero obhokumi obhokoro bho Yesu.