Yohana 12:16 - Eriiraghano Eriihë

¹⁶ Eriibhagha riyo, abhaanabheegha bha Yesu bhataamënyiri ghayo. Amare hano Yesu aryokiri, bhakahiita kubha ghano ghaandëkuru ighoro yaache, nibhu abhaato ꞉bhaamuköriire.

Yohana 12:16 Iomraidhean Croise

Maariko 16:19

Hano Omutëmi Yesu amariri ghosiikëra nabho, Eryobha rekamwimoki rekamohiki Mwishaaro. Aghiikara eribhaara re kwiro re Ryobha.

Maariko 9:32

Abhaanabheegha bhaache bhataamënyiri ghano asiikiire, ibho bhaghatiina komobhoori.

Ruuka 18:34

Ibheere amangʼana ghano Yesu ꞉abhabhooriire abhatomu bhaache, bhataaghamënyiri. Angʼana iyo neere ebhisuru ghokoobho. Wiiki bhataamënyiri neke aghosiikërëra.

Ruuka 24:25

Yesu akabhabhoorera akabhugha, “Aa! Inyu m‑bhaghëëghë moonyi! Neke moonyi bhaköngʼu mo‑chaakörö cheenyu ghokumi koru ghano ꞉ghaasiikiiru na abharööti?

Ruuka 24:45

Mbe, Yesu akabhaköra bhamënyë Amandëkö Amatööbhiyu ghoose.

Ruuka 9:45

Amare, ghayo Yesu ꞉abhabhooriire, bhataaghamënyiri, gho kubha angʼana iyo neere ekeere ebhisuru ghokoobho, bhataayimënya. Bhaghatiina komobhoori ighoro e ngʼana iyo.

Yohana 12:23

Yesu akabhagharokeri akabhugha, “Eriibhagha reene eni, uno neenyi Omoona o Mooto, kubhöna obhokumi obhokoro ˆrekahika.

Yohana 14:26

Amare Omotoorereri uyo, egheteemoro keeche n‑Akörö Ahörëëru, ino Taata akoyetoma ghokoonyu kwo riina reene, nekobheeghi na kobhahiiti ghoose ghano neere nebhabhooriire.

Yohana 16:4

Amare ˆnekabhabhoorera ghayo, kubha eriibhagha reebho re ghuköra ghayo reraacha kohika, mohiite kubha ꞉neebhabhooriire. “Ntebhabhooriire amangʼana ghayo korwera ekeenyuma gho kubha, neere haghirohamu na niinyu.

Yohana 17:5

Oo Taata, neghusabha wërëki obhokumi bhoone obhokoro, obhokumi obhokoro bhuno neere nabho eriibhagha toonyi haghirohamu, eriibhagha ore okeere ghutëëma ase.

Yohana 2:22

Hano aryokiri koru mo‑bhaku, abhaanabheegha bhaache bhakahiita amangʼana ghano ꞉abhughiri. Gho ghayo, bhaghakumi amangʼana ghano ghaandëkuru mo‑Mandëkö Amatööbhiyu, na amangʼana ghano Yesu ꞉abhughiri.

Yohana 7:39

Yesu naare arasiikërëra ighoro e Körö Ahörëëru, ino abhaato bhoose bhano bhakomokumi Yesu, mbakoyesongʼaana. Eriibhagha riyo, Eryobha ndeere rekeere ghotoma Akörö yaache ghokoobho, gho kubha Eryobha ndeere rekeere kwërëki haheero obhokumi obhokoro bho Yesu.

Amaköri gha Bhatomu 2:33

Eryobha riyo rekamoghongi na komuha omweya, niikeere eribhaara reeche re kwiro. Akamara Taata Waryobha akamuha Yesu Akörö Ahörëëru kinya bhuure are amuraghiri, Yesu woose aghatwikeri Akörö iyo. Ibheere ghano gharweriire, nigho ghano moghogharighi na ghoghooghu.

Amaköri gha Bhatomu 2:36

Bheetero akamareereri gho kobhugha, “Gho ghayo, inyu na Abhiisiraeri bhoose mokwëndëru mumënyë obhuhëënë kubha, Eryobha ꞉ndeemuköriri Yesu, uno inyu ꞉moomumambiri mo‑musarabha, kubha Omutëmi na Kirisito.”

Amaköri gha Bhatomu 3:13

Eryobha re bhasookoro bhiito, Abhurahamu, Isaka, na Yakobho, ꞉ndeemoghongiri omutamishi waache Yesu. Wiiki Yesu niwe uno inyu momoruusiri ateneru ekiina aku! Koru hano Bhiraato ëndiri abhiighorere Yesu, ꞉mwaangiri,

Abheebhuraaniya 12:2

Tubhe toramumööhërëri Yesu, gho kubha niwe asëëmiri obhokumi bhwito, wiiki nakobhohikeerani. Iwe ꞉naaghumeriiri oroko ro musarabha, tarooche chaasoni gho ghiri e ghuchömëru kuno koore ambërë yaache. Ibheere niikeere eribhaara re kubhökö gho kwiro re ghetumbe ghe ghitëmi ke Ryobha.

Abheebhuraaniya 8:1

Mbe, angʼana ankoro mo‑ghoose ghayo niyo ino. Itu ntoonyi nawe Omuchaama Omokoro anga uyo, iwe niikeere eribhaara re kubhökö gho kwiro kwo Mutëmi Waryobha, ahaghiro ha sooko chwee iyo Mwishaaro.