Yohana 11:25 - Eriiraghano Eriihë

²⁵ Yesu akamugharokeri akabhugha, “Eni neeni obhoryoki bhuyo, no obhuhöru. Omooto wowoose uno aghonkumi eni, koru nangabha akuure, naakubha muhöru.

Yohana 11:25 Iomraidhean Croise

Ruuka 23:43

Yesu akamugharokeri akabhugha, “ˆNeghakobhoorera obhuhëënë, reero ino nookubha haghirohamu na neeni mo‑Chaasare.”

Yohana 1:4

Niwe simoka e bhuhöru, no obhuhöru bhuyo mbokurëëta obhwero kwo bhaato bhoose.

Yohana 14:19

Rekeere eriibhagha isuuhu abhaato bha mo‑se ino bhataakondighi wiiki. Amare inyu mokondighi, gho kubha eni m‑muhöru, na niinyu mookubha abhahöru.

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Yohana 3:16

Mbe, gho kubha Eryobha ꞉ndeebhasiighiri abhaato bhoose bha mo‑se ino, koru rekamoruusi Omoona waache omwene chiri, kubha omooto wowoose uno akomokumi atarumëëra, amare abhe no obhuhöru bho miishe ghyose.

Yohana 3:36

Omooto wowoose uno akomokumi Omoona o Ryobha naanyi no obhuhöru bho miishe ghyose. Amare omooto wowoose uno akomwanga taanyi no obhuhöru, gho kubha ghukarara kwo Waryobha ngokwëndërëra kubha ighoro yaache.

Yohana 5:21

Kebhuno Taata akobharyoki abhaku na kobhaha obhuhöru bho miishe ghyose, hangʼu hangʼu Omoona nahaabhaha obhuhöru abhaato bhano asiighiri kobhaha.

Yohana 5:26

Kinya bhuno Taata anyi no obhuhöru moose yaache, hangʼu hangʼu nibhu amoheere Omoona kubha no obhuhöru moose yaache.

Yohana 6:35

Yesu akabhagharokeri akabhugha, “Eni neeni ekiinyakurë kino ghekobhaha abhaato obhuhöru. Omooto wowoose uno akuucha ghokoone, taakooghu anchëra inkongʼorimu, wiiki uno aghonkumi taakooghu anyööta naabha.

Yohana 6:44

Taanyi‑ho omooto uno aghotora kuucha ghokoone, aribha Taata uno antomiri atamurahuuniri. Eni nekuucha komoryoki omooto uyo mo‑rosiko ro ntenero.

Amaköri gha Bhatomu 3:15

Mbe, mokamwita uno anyi omutangi o bhuhöru! Amare Eryobha rekamoryoki koru mo‑bhaku, na niitu n‑abhiibhateri bha koryoka kooche toonyi.

Abharuumi 4:17

N‑kinya bhuno Eryobha ꞉reebhooriire Abhurahamu mo‑Mandëkö Amatööbhiyu kubha, “Neghuköriri kubha ishe o matöngö maaru.” Abhurahamu ꞉nooghwire amangʼana ghayo anyi ambërë e Ryobha, akarekumi Eryobha rino rehaabhaha abhaku obhuhöru, na rino rehaahatëka ebheghiro bhibhe‑ho bhino bhetaamara bhibha‑ho.

Abharuumi 8:2

Gho nchëra e ghughöötana na Kirisito Yesu, changuru che Körö Ahörëëru chino chekurëëta obhuhöru bho miishe ghyose, ncheghontoori koruusibhu koru mo‑kibhöhö ke masari, kubha netighe ghukangatu na changuru che masari no oroko.

1 Abhakorinto 15:18

Ghokera ghayo, bhoose bhano bhakuure bharamokumi Kirisito, mbarumeeriri.

1 Abhakorinto 15:29

Ibheere, abhaato bhano bhakubhatiisu gho ghiri e bhaato bhano bhakuure mbaghwitëngʼëra kubhöna ke? Aribha abhaku bhataakoryokibhu naabha, ngwake abhaato bhakubhatiisu gho ghiri yaabho?

2 Abhakorinto 4:14

Ntoghosiikëra hangʼu, gho kubha ntweche kubha Eryobha rino remoryokiri Omutëmi Yesu, ndeghotoryoki na niitu. Iryo ndeghototoora haghirohamu na niinyu, kubha twikare na Yesu.

Abhabhiribhi 1:23

Nekorutu ghate e mangʼana abhere. Neghwighomba koru mo‑se ino, niikare haghirohamu na Kirisito. Rino niryo nekorighi ichömu chwee ghokoone.

Abhabhiribhi 3:10

Nekwënda nemumënyë Kirisito chwee na kubha na changuru ghe chino are nacho Kirisito eriibhagha re koryoka kooche. Nekwënda kubhöna anyaako kinya iwe ꞉anyaakiibhu, wiiki nekwënda neku kinya akuure.

1 Abhatesaronike 4:14

Itu, ntweche kubha Yesu ꞉naakuure, akaryoka. Hangʼu hangʼu ntoghwitëngʼëra kubha Eryobha ndekobharyoki abhaato bhoose bhano bhakuure mo‑bhokumi, mbakuucha haghirohamu nawe.

Obhohunyurëru 1:18

Eni neeni obhuhöru! Neere nekuure amare ibheere, umööhi, muhöru neenyi koru emiishe ne emiishe! Wiiki eni neenyi na chahunguru che roko na nyaari.

Obhohunyurëru 20:5

Abhaku abhande bhataakoryoka mbagha emeeka egheku kimu ghehikeerane.

Obhohunyurëru 21:4

Ndeghutareki changishori cheebho choose. Eriibhagha riyo, abhaato bhataaghoku koru kwihiinyërëra. Hataakubha ne eriirera koru kubhabhara, gho kubha amangʼana gha kare ngaakubha ghahetiri.”

Obhohunyurëru 22:1

Akamara marayika uyo akanyëërëki orooche ro manche gha bhuhöru, ndoore rorabhari kinya ekiröri na ndorweriire irungu re ghetumbe ghe ghitëmi ke Ryobha no Omoona o Ngʼöndu.

Obhohunyurëru 22:17

Akörö e Ryobha no omokwiru mbakomobherekera Omutëmi bharabhugha, “Nuuche!” Na abhaato bhoose bhano bhakooghu amangʼana ghayo bhabhughe, “Nuuche!” Wowoose uno anyi na anyööta, uno akwënda amanche, ache anyo amanche gha bhuhöru bhoowa.