Yohana 10:5 - Eriiraghano Eriihë

⁵ Changʼöndu chetaaghotora komuntambana omughëni, amare nchekomungʼösa gho kubha cheteeche eriiraka reeche.”

Yohana 10:5 Iomraidhean Croise

Maariko 4:24

Wiiki akabhabhoorera akabhugha, “Mutëghëërërë bhoheene! Ekirëngërë kino mokurëngëra abhande, nikyo kiyo kiyo na niinyu Eryobha rekobharëngëra, na köbhëëngërëërëri,

Ruuka 8:18

“Mbe, ghano mooghwire, moghatëghëërërë bhoheene, gho kubha, uno anyi ne egheghiro nakuhaabhu, na wuure ataanyi ne egheghiro nakuhöku koru kiire are ararighi kubha naanyi nakyo.”

Yohana 10:16

Eni neenyi na changʼöndu echende chino chetaanyi che mo‑mowaara uno, choose nekwëndëru nechirëëtë. Changʼöndu chiyo choose nchekorimënya eriiraka reene. Gho nchëra iyo, ndeekubha erikinda rimu, no omoriishi umu.

Yohana 10:4

Aramara ghochehoroki anche changʼöndu cheeche choose, nahaachikangata ambërë, nacho chehamuntambana gho kubha ncheeche eriiraka reeche.

2 Timotewo 4:3

ˆNeghakobhoorera hangʼu, gho kubha ndekuucha eriibhagha rino abhaato bhataakubha bharatëghëërëra ameeghi gha bhuhëënë. Mbakwënda ghutambana amiigha ghaabho abheene, na gho ghayo mbakwiyaahurera abheeghi bhaaru gho kubha mbasiighiri ghutëghëërëra amangʼana aghande ghande amahë.

1 Yohana 2:19

Abhaato bhayo ꞉mbaaruure mo‑makanisa ghiito, amare bhataare no obhumu bho hëënë na niitu, gho kubha aribha bhangabheere bha wiito mbangasaaghiri na niitu. Amare kohoroka koobho, n‑kwërëkiri haheero kubha, bhataare no obhumu na niitu kimu kimu.

1 Yohana 2:21

Gho ghayo, ˆnekabhaandëkëra anyaarubha ino, teenyi gho kubha moteeche obhuhëënë, amare n‑gho kubha mobhweche. Wiiki mweche kubha obhuröngö bhobhoose bhuure bhotaakoru mo‑bhuhëënë.

Obhohunyurëru 2:2

Nyeeche amaköri ghaanyu, na ghwiköngʼi koonyu no obhoghumereri bhoonyu. Wiiki nyeeche kubha motaaghughöötana na abhaato abhabhe. Mobhisunchiri bhano bhakwibherekera n‑abhatomu ino tiyaanyi, mokobhamënya kubha m‑bharöngö.