Yohana 10:16 - Eriiraghano Eriihë

¹⁶ Eni neenyi na changʼöndu echende chino chetaanyi che mo‑mowaara uno, choose nekwëndëru nechirëëtë. Changʼöndu chiyo choose nchekorimënya eriiraka reene. Gho nchëra iyo, ndeekubha erikinda rimu, no omoriishi umu.

Yohana 10:16 Iomraidhean Croise

Mataayo 17:5

Hano Bheetero are akeere arasiikëra, mööhi, rekaacha erishaaro rerarëngaari na kobhakundekeri. Bhakamara bhakooghu eriiraka koru Mwishaaro riyo rerabhugha, “Uno n‑Omoona waane omosiighani, neghuchömëru nawe, momutëghëërërë!”

Ruuka 15:8

“Ibheere, mutëghëërërë eghetuubhaani ekende, tobhughe omukari umu naanyi na chambiiri ikomi che riighori ikoro, na arabhori imu. Tigha naghughööti oromore, na ghutareki anyumba yoose, arayitabhara gho changuru mbagha ayibhönë?

Yohana 10:11

“Eni n‑omoriishi omuhöriicho. Omoriishi omuhöriicho nakobhoruusi obhuhöru bhooche gho ghiri e changʼöndu cheeche.

Yohana 10:2

Amare uno aghusöha gho kohetera mo‑kehita ke mowaara, uyo niwe omoriishi o changʼöndu.

Yohana 10:27

Changʼöndu cheene nchehooghu eriiraka reene. Eni necheeche bhoheene, nacho cheghuntambana.

Yohana 10:3

Omochongi o mowaara nahaamoshokorera ekehita na changʼöndu nchehooghu eriiraka reeche. Omoriishi nahaachebherekera changʼöndu cheeche kwo mariina ghaabho na ghochikangata ghuye anche.

Yohana 10:4

Aramara ghochehoroki anche changʼöndu cheeche choose, nahaachikangata ambërë, nacho chehamuntambana gho kubha ncheeche eriiraka reeche.

Yohana 10:5

Changʼöndu chetaaghotora komuntambana omughëni, amare nchekomungʼösa gho kubha cheteeche eriiraka reeche.”

Yohana 11:52

Wiiki Yesu taaghoku gho ghiri e ritöngö riyo eryene chiri, amare kubha abhakome abhaana bha Ryobha bhano bhasanchiri, kubha bhabhe haghirohamu.

Yohana 17:20

“Nteekobhasabhera abheene hangʼu, amare nekobhasabhera bhoose bhano bhakuucha ghonkumi gho ghiri e ghano abhaanabheegha bhaane bhakweghi.

Yohana 6:37

Abhaato bhoose bhano Taata aheere, mbakuucha ghokoone na ghonkumi. Wiiki nteekomwanga naabha koru umu uno akuucha ghokoone.

Amaköri gha Bhatomu 15:14

Bheetero namariri ghotobhoorera kinya Eryobha ꞉riinyaakiire abhaato bha matöngö, kubha ryahure ghate yaabho bhabhe abhaato bhaache.

Amaköri gha Bhatomu 18:10

gho kubha eni neenyi haghirohamu na niiye, wiiki taanyi‑ho mooto iyo uno aghoghoturi kubha akunyahaare. Mo‑moghya uno neenyi na abhaato bhaaru bhano bhakuucha ghokoone.”

Amaköri gha Bhatomu 22:14

“Akamboorera, ‘Eryobha re bhasookoro bhiito ndekwahwire, gho ghiri umënyë amiigha ghaache, na wirigheri Yesu uno anyi omuhëënë ambërë yaache, na koritëghëërëra eriiraka reeche omwene.

Abharuumi 11:25

Abhahiiri bhaane, nekwënda mumënyë ighoro e obhorwachi bho Ryobha bhuno bhoore bhobhisuru korwera kare, kubha motaacha ghwitëngʼëra obhongo bhoonyu inyu bheene. Abhiisiraeri abhamu mbaakubha ne emetema miköngʼu, mbagha hano omubharo o bhaato bha matöngö bhano Eryobha rekwënda ohikeerane.

2 Abhatesaronike 2:13

Mbe, itu ntokwëndëru koriitabheri Eryobha eriibhagha ryose gho ghiri yaanyu bhahiiri bhiito, inyu bhano mosiighiru no Omutëmi Yesu. Ntokwëndëru ghuköra hangʼu, gho kubha, nabhaahwire inyu korwera simoka, kubha mubhönë obhotoori. Obhotoori bhuyo mobhobhwine gho nchëra e Körö Ahörëëru ino ekobhamusa, na gho ghokumi obhuhëënë.

Abheebhuraaniya 13:20

Mbe, Eryobha re murëmbë ꞉ndeemoryokiri Omutëmi wiito Yesu, Omoriishi Omokoro o changʼöndu, gho ghiri ekubha ꞉niitiri amasaahë ghaache ghano ghahëënëhiri eriiraghano re miishe ghyose.

1 Bheetero 2:10

Hayo ekeenyuma, motaare abhaato bha Ryobha, amare ibheere inyu n‑abhaato bhaache moonyi. Wiiki motaare morochiiru changori ne Eryobha, amare ibheere, morochiiru changori.

1 Bheetero 2:25

Moore mobhoriri kinya changʼöndu chino chetighuru mo‑nchëra, amare ibheere, momugharokiire Omoriishi waanyu uno akobhachonga.

1 Bheetero 5:4

Hano Omoriishi Omokoro o riikanisa akuucha korighibhu haheero, nakobhatuha chaatuho che bhokumi obhokoro. Chaatuho chiyo chetaakobhusha naabha.

Obhohunyurëru 3:20

Mööhi! Eni niimeeriire mo‑ghisëku neghuköngööta eghisëku. Omooto arooghu eriiraka reene na konyiighorera orwighe, neghusöha mo‑nyumba yaache niraaghërë haghirohamu nawe.