Yohana 10:15 - Eriiraghano Eriihë

¹⁵ kinya bhuno Taata anyeche eni, na neeni nemweche. Na neeni nekobhoruusi obhuhöru bhoone, gho ghiri e changʼöndu cheene.

Yohana 10:15 Iomraidhean Croise

Mataayo 11:27

Yesu akëëndërëra kweghi abhaato bhayo arabhugha, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.

Mataayo 20:28

Gho nchëra iyo iyo, eni uno neenyi Omoona o Mooto ntiichiri kuhökëru, amare niichiri nebhahökëri abhaato na koruusi obhuhöru bhoone kubha nebhatingori abhaato bhaaru.”

Ruuka 10:21

Eriibhagha riyo, Yesu aghachömëru chwee kwo bhotoro bho Körö Ahörëëru, akabhugha, “Oo Taata, ˆoghachömi, iye Omutëmi o Mwishaaro na ase yoose, gho kubha, amangʼana ghano, nobhabhisiri bhano bhaanyi na amangʼiini na abhasömi, amare okabhahunyurera abhaato bhano bhakwinyööhi ghokoocho kinya abhaana abhasuuhu. Oo Taata, ghano ghoose n‑kurëngʼaana na amënda ghaacho.”

Ruuka 10:22

Akamara akabhabhoorera, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.”

Yohana 1:18

Taanyi‑ho omooto wowoose uno arerooche Eryobha. Amare n‑Omoona omwene chiri, uno anyi Eryobha, wiiki naanyi haghirohamu na Taata Waryobha, niwe atohunyuriire Eryobha kinya reenyi.

Yohana 10:11

“Eni n‑omoriishi omuhöriicho. Omoriishi omuhöriicho nakobhoruusi obhuhöru bhooche gho ghiri e changʼöndu cheeche.

Yohana 15:13

Taanyi‑ho omooto uno anyi no obhosiighi bhokoro ghokera bhuno, bho mooto koruusi obhuhöru bhooche gho ghiri e bhasaani bhaache.

Yohana 17:25

Oo Taata uno onyi no obhuhëënë, abhaato bha se ino bhatakweche. Amare eni nekweche, wiiki abhaanabheegha bhaane mbeeche kubha n‑iye ontomiri.

Yohana 6:46

Taanyi‑ho uno amorooche Waryobha Taata, nanyinga eni mwene uno neruure ghokooche.

Yohana 8:55

Inyu motaryeche Eryobha, amare eni neryeche. Erabha neghosiikëra kubha nteryeche Eryobha, mbe, neekubha muröngö kinya inyu. Amare eni neryeche Eryobha, wiiki ghano rekobhugha, neghoghatambana.

Abhagharatiya 1:4

Kirisito ꞉naaruusiri eriimanya reeche, gho ghiri e masari ghiito, kubha atotoori koru mo‑mabhe ghoose gha se ino yi ibheere. ꞉Naaköriri hangʼu kurëngʼaana na amënda gha Waryobha Taata wiito.

Abhagharatiya 3:13

Kirisito natotingwiri koru mo‑riihiimo re meghiro gho kwimoki eriihiimo riyo gho ghiri yiito. Amandëkö Amatööbhiyu ngakobhugha, “Wowoose uno amamburu mo‑musarabha, niihiimuru.”

Abhaebheeso 5:2

Mumanye eriimanya re bhosiighi, kinya bhuure Kirisito ꞉atosiighiri itu, akiiruusi aghaku gho ghiri yiito, akabha kinya eriruusi re keneeso ghichömu kino ghekoretegheri Eryobha.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

1 Bheetero 2:24

Kirisito omwene ꞉niimokiri amasari ghiito mo‑mobhere waache ighoro e musarabha. ꞉Naaköriri hangʼu, kubha itu toku mo‑mangʼana gha amasari, amare tubhe abhahöru mo‑mangʼana gha bhuhëënë. Na gho ghutëmu kooche, inyu muhöruru.

1 Bheetero 3:18

Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.

1 Yohana 2:2

Iwe niwe amaruusi gha ghosinchu na gho nchëra iyo, naruusiri amasari ghiito na ghotutëmëërani ne Eryobha. Wiiki ghataanyi amasari ghiito agheene, amare na amasari gha bhaato bhoose bha mo‑se ino.