Yohana 10:14 - Eriiraghano Eriihë

¹⁴ “Eni n‑omoriishi omuhöriicho. Necheeche bhoheene changʼöndu cheene, nacho nchenyeche,

Yohana 10:14 Iomraidhean Croise

Yohana 10:11

“Eni n‑omoriishi omuhöriicho. Omoriishi omuhöriicho nakobhoruusi obhuhöru bhooche gho ghiri e changʼöndu cheeche.

Yohana 10:13

Omooto uyo nakungʼösa gho kubha, iwe n‑omooto o mareho, taaghochetereera changʼöndu chiyo.

Yohana 10:27

Changʼöndu cheene nchehooghu eriiraka reene. Eni necheeche bhoheene, nacho cheghuntambana.

Yohana 17:3

Obhuhöru bho miishe ghyose nibho bhuno, abhaato bhakumënyë iye mwene uno onyi Eryobha re hëënë, wiiki bhamënyë eni Yesu Kirisito, uno ontomiri.

Yohana 17:8

gho kubha nebhabhooriire ghoose ghano ombooriire, nabho mbaghasongʼaaniri. Mbeeche hëënë kubha neruure ghokoocho, wiiki mbakumiri kubha n‑iye ontomiri.

2 Abhakorinto 4:6

Eryobha rino ꞉reebhughiri kubha, “Obhwero bhurëngaari mo‑kengʼuuri,” niryo riyo rirëngaariri mo‑metema ghiito, na ghotuköra tumënyë obhokumi bhooche obhokoro bhuno bhokurëngaari mo‑bhosho bho Yesu Kirisito.

Abhaebheeso 1:17

Nekwëndërëra korisabha Eryobha re Mutëmi wiito Yesu Kirisito, Taata o bhokumi obhokoro, abhahë inyu Akörö yaache kubha mubhe na amangʼiini no obhohunyurëru, motore korimënya bhoheene.

Abhaebheeso 3:19

Hëënë mokohikera kumënya obhosiighi bho Kirisito bhuno bhoghokera amangʼiini ghoose gha bhaato, mwichoribhu mbagha mohikere obhohikeerani bhuno bhookoru kwo Waryobha.

Abhabhiribhi 3:8

Koru taanyi ghayo agheene, amare nerighi ghoose kubha ghataanyi no obhwëra bho ghokera obhwëra obhokoro bho komumënya Kirisito Yesu, Omutëmi waane. Gho ghiri yaache, netighiri aghande ghoose. Neghoghabhara ghayo kinya abhuusa, kubha nibhe omooto o Kirisito,

2 Timotewo 1:12

Kiyo nikyo gheghughëri nerabhöna anyaako ino. Amare nteekorighi chaasoni, gho kubha nemweche uno neghokumi. Wiiki neenyi no obhuhëënë kubha, iwe naanyi no obhotoro bho ghochonga bhoheene angʼana e bhuhëënë ino aheere mbagha orosiko ruure ro ghugharuka kooche.

2 Timotewo 2:19

Amare abhaato bhano bhiimeeriire bhaköngʼiiri, n‑kinya obhoroso obhuchömu bhuno bhotooruru ne Eryobha. Ni ighoro e obhoroso bhuyo ꞉ngaandëkuru amangʼana ghano kubha, “Omutëmi Waryobha neeche abhaato bhaache,” wiiki, “Omooto wowoose uno ahaamusabha Omutëmi Waryobha kubha amotoori, atighe ghuköra amabhe.”

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.

Obhohunyurëru 2:13

Eni nyeeche hano moghwikara, n‑ahaghiro hano Erishambu reghukangata. Koru hangʼu, mokwëndërëra ghonkumi. Koru eriibhagha riire omwibhateri waane omuhëënë Antibha ituru mo‑moghya waanyu uno Erishambu reghwikara, motanyangiri kubha m‑bhaghëndi bhaane moonyi.

Obhohunyurëru 2:19

Nyeeche amaköri ghaanyu, no obhosiighi bhoonyu, no obhokumi bhoonyu, ne emeremo gheenyu, no obhoghumereri bhoonyu. Wiiki nekobharighi inyu kubha, ibheere moghuköra bhoheene, ghokera hayo ekeenyuma.

Obhohunyurëru 2:2

Nyeeche amaköri ghaanyu, na ghwiköngʼi koonyu no obhoghumereri bhoonyu. Wiiki nyeeche kubha motaaghughöötana na abhaato abhabhe. Mobhisunchiri bhano bhakwibherekera n‑abhatomu ino tiyaanyi, mokobhamënya kubha m‑bharöngö.

Obhohunyurëru 2:9

Nyeeche anyaako yaanyu no obhuhabhe bhoonyu. Amare mahëënë inyu m‑bhaame moonyi! Wiiki nyeeche amatoki ghano bhaghughamba ighoro yaanyu na bhano bhakwibherekera kubha n‑Abhayahuuti, abhaato bha Ryobha, amare tiyaanyi. Bhayo n‑abhaghëndi bha Rishambu.

Obhohunyurëru 3:1

Niho omooto uyo kinya Omoona o Mooto akëëndërëra komboorera arabhugha, “Omwandëkërë marayika o riikanisa re Sariti, no omobhoorere obhughe, ‘Eni neghukangata Chaakörö mohungate che Eryobha na neenyi na chanchöta chiire mohungate. Mutëghëërërë ghano nekobhabhoorera! Nyeeche amaköri ghaanyu. Mokorighibhu kubha m‑bhahöru moonyi, amare mokuure.

Obhohunyurëru 3:15

Nyeeche amaköri ghaanyu. Nyeeche kubha m‑bha bhyowa moonyi. Amare ngʼoni mubhe omororo hamu obhomititu!

Obhohunyurëru 3:8

Nyeeche amaköri ghaanyu. Mööhi! Eni nebhighoriire orwighe, koru taanyi‑ho omooto uno aghotora korwighara. Koru nangabha changuru cheenyu cheenyi insuuhu, amare mughöötiri ameeghi ghaane, motanyangiri kubha m‑bhaghëndi bhaane moonyi.