Yohana 10:10 - Eriiraghano Eriihë

¹⁰ Omwibhi nahaacha a‑mowaara kubha ibhe changʼöndu, na ghochiita na ghochisari. Amare eni niichiri kubha bhabhe no obhuhöru, wiiki bhabhe nabho kwo bhwaru.

Yohana 10:10 Iomraidhean Croise

Mataayo 18:10

Yesu akëëndërëra kobhabhoorera, “Mubhe amiisho, motataraaha umu mo‑bhasuuhu bhano! Gho kubha ˆnekabhabhoorera kubha, bhamarayika bhaabho bha Mwishaaro eriibhagha ryose mbaanyi ambërë e Taata waane uno anyi Mwishaaro. [

Mataayo 18:11

Eni uno neenyi Omoona o Mooto ꞉niichiri mo‑se kubha nebhatoori bhano bhabhoriri.]

Mataayo 20:28

Gho nchëra iyo iyo, eni uno neenyi Omoona o Mooto ntiichiri kuhökëru, amare niichiri nebhahökëri abhaato na koruusi obhuhöru bhoone kubha nebhatingori abhaato bhaaru.”

Mataayo 21:13

Yesu akabhabhoorera akabhugha, “Yandëkuru mo‑Mandëkö Amatööbhiyu kubha, ‘Anyumba yaane neekubha anyumba e masabhi.’ Amare inyu ˆmokayiköra kubha akööbhö e manyangara.”

Mataayo 23:13

“Horeera mokorighi, inyu abheeghi bha meghiro na niinyu Amabharisaayo, inyu chaghughuuti, gho kubha mokobharëki abhaato ghusöha mo‑bhutëmi bho Mwishaaro gho nchëra e meeghi ghaanyu. Amare inyu bheene motaaghusöha‑mu, wiiki motaakobhiisherereri abhaato abhande bhano bhakwënda ghusöha, bhasöhë. [

Maariko 11:17

Akamara Yesu akabheeghi, arabhugha, “Kana, tyandëkuru mo‑Mandëkö Amatööbhiyu, kubha, ‘Anyumba yaane neekubha anyumba e masabhi kwo bhaato bha matöngö ghoose’? Amare inyu, ˆmokayiköra kubha akööbhö e manyangara!”

Ruuka 19:10

Eni Omoona o Mooto niichiri ghutabhara na ghotoori bhano bhabhoriri.”

Yohana 10:1

Yesu akëëndërëra ghosiikëra akabhugha, “Mahëënë ˆnekabhabhoorera, omooto wowoose uno ataaghusöha mo‑kehita ke mowaara o changʼöndu, amare n‑ahande aghusöhëra, uyo n‑omwibhi wiiki n‑erinyangara.

Yohana 10:11

“Eni n‑omoriishi omuhöriicho. Omoriishi omuhöriicho nakobhoruusi obhuhöru bhooche gho ghiri e changʼöndu cheeche.

Yohana 12:47

“Omooto wowoose uno aghutëghëërëra amangʼana ghaane, amare taaghoghatambana, eni nteekuucha komotenera ekiina, gho kubha ntiichiri mo‑se ino kobhatenera ekiina abhaato, amare niichiri kobhatoori.

Yohana 12:6

Yuuta taabhughiri hangʼu gho ghiri e kobhaghwera ebheghongi abhahabhe, amare n‑gho kubha are omwibhi. Iwe niwe are aratindeka eriighöchi re chambiiri. Naare ariibha chambiiri chino chetooruru mo‑riighöchi riyo.

Yohana 3:17

Eryobha retaamotomiri Omoona waache kubha atenere abhaato ekiina, amare abhaato bhatooribhu gho kohetera iwe.

Yohana 5:40

Amare inyu motaakwënda kuucha ghokoone, kubha mubhönë obhuhöru bho miishe ghyose.

Yohana 6:33

Ekiinyakurë ke Ryobha n‑uno ikiri koru Mwishaaro, kubha abhahë abhaato bhoose bha mo‑se obhuhöru.”

Yohana 6:51

Eni n‑ekiinyakurë kino gheghwika koru Mwishaaro, kino ghekobhaha abhaato obhuhöru. Omooto wowoose uno akurë ekiinyakurë kiyo, naakubha no obhuhöru bho miishe ghyose. Ekiinyakurë kiyo n‑omobhere waane uno nekoworuusi gho ghiri e bhaato bhoose, kubha bhabhe no obhuhöru bho miishe ghyose.”

Abharuumi 2:21

Mbe, iye uno okweghi abhaato abhande, amare ngwake otaaghuköra ghano okweghi? Iye uno okweghi abhande kubha bhatiibha, amare ngwake iye okwibha?

1 Timotewo 1:15

Angʼana e hëënë ino ekwëndëru abhaato bhayiishereri n‑kubha, “Kirisito Yesu ꞉niichiri mo‑se, kubha atoori abhaato bha masari.” Ghate e bhaato bha masari, eni niköriri amasari ghokera bhoose.

Abheebhuraaniya 6:17

Hangʼu hangʼu, Eryobha ryose ꞉ndiihëënëhiri eriiraghano reeche gho nchëra e kuraheri, gho kubha ndeere rërëënda kwërëki haheero kwo bhaato bhano bhaghosongʼaana ghaare ꞉riiraghiri kubha, retaaghoghagharura.

Abheebhuraaniya 7:25

Gho ghiri iyo, iwe naanyi na changuru che kobhatoori kimu kimu abhaato bhoose bhano bhaaghuye kwo Waryobha kohetera ghokooche, gho kubha iwe muhöru emiishe ghyose, nakobhasabhera kwo Waryobha eriibhagha ryose.

2 Bheetero 1:11

Gho ghuköra hangʼu, moghughënëhu bhoheene mo‑bhutëmi bho miishe ghyose bho Mutëmi no Omotoori wiito Yesu Kirisito.