Yohana 10:1 - Eriiraghano Eriihë

¹ Yesu akëëndërëra ghosiikëra akabhugha, “Mahëënë ˆnekabhabhoorera, omooto wowoose uno ataaghusöha mo‑kehita ke mowaara o changʼöndu, amare n‑ahande aghusöhëra, uyo n‑omwibhi wiiki n‑erinyangara.

Yohana 10:1 Iomraidhean Croise

Mataayo 7:15

“Mubhe miisho na abharööti bha bhuröngö. Ibho hano bhakobhatambana, mbaghwiköri kubha kinya changʼöndu. Amare mo‑metema gheebho n‑chasuuche ihaari.

Yohana 10:7

Mbe, Yesu akabhabhoorera wiiki akabhugha, “Mahëënë ˆnekabhabhoorera, eni neeni ekehita ghe changʼöndu.

Yohana 3:3

Yesu akamugharokeri akabhugha, “Mahëënë ˆneghakobhoorera, taanyi‑ho omooto uno aghotora ghusöha mo‑bhutëmi bho Ryobha aribha atibhwiru mara e kabhere.”

Abharuumi 10:15

Wiiki nibhu abhaato bhaghotora ghuye kuraghani angʼana iyo aribha bhatatomuru? N‑kinya bhuno Amandëkö Amatööbhiyu ghakobhugha kubha, “Kuucha kwo mooto uno akurëëta Angʼana Anchömu, ngoghotegheri abhaato bhano bhakomutëghëërëra!”

Abharuumi 16:18

Abhaato kinya bhayo bhataakomuhökëri Kirisito, Omutëmi wiito, amare mbaghukörëra chanda cheebho abheene. Mbaghosiikëra amangʼana amachömu gha ghotegheri, amare bharangʼiina abhakumi bhano bhakeere bhataamara bhaköngʼëri mo‑bhokumi.

Tiito 1:11

gho kubha mbakorumeeri abhaato mo‑chanyumba chaaru. Mbakweghi amangʼana ghano ghatanchekiine, mbaghutabhara kwibhönëra chambiiri gho nchëra ambe.

Abheebhuraaniya 5:4

Taanyi‑ho omooto uno are ariitoora omwene kubha Omuchaama Omokoro, amare Eryobha eryene niryo rehaamwahura, kinya bhuno ryahwire Haruuni.

1 Bheetero 1:10

Abharööti bha kare ꞉mbiiköngʼiri ghwisuncha obhotoori bhuyo, nabho ꞉mbaaröötiri ighoro e ghareeya e Ryobha ino ebhahikiire inyu.

2 Bheetero 2:1

Amare mo‑riibhagha re bharööti, ꞉mbaarweriire abharööti bha bhuröngö ghate e Abhiisiraeri, kinya bhuno abheeghi bha bhuröngö bhaakubha ghate yaanyu. Abhaato bhayo mbaghusöhi kwo bhobhe ameeghi gha korumeeri abhaato, na mbakomwanga Omutëmi Yesu, uno abhatingwiri. Gho ghuköra hangʼu mbakwirëëtëra ghosireekerera koobho abheene kwo bhwango.

2 Bheetero 2:3

Kwo miigha ghaabho amabhe gha kubhöna obhwëra koru ghokoonyu, mbaakubha bharabhabhoorera amaghano gha bhuröngö. Amare korwera kare, Eryobha ndiisëëmiri kobhatenera ekiina na retaamara ryebhu kobhasireekereri!

1 Yohana 4:1

Abhasiighani bhaane, motamokumi omooto woose uno akobhugha naanyi na Akörö e Ryobha. Amare mumööhi bhoheene aribha omooto uyo naghukangatu na Akörö e Ryobha hamu tiyaanyi. Nekwëndëru mumööhi gho kubha abharööti bhaaru bha bhuröngö mbarweriire mo‑se.