Yohana 1:51 - Eriiraghano Eriihë

⁵¹ Mahëënë ˆnekabhabhoorera, mokuucha korighi Mwishaaro hiighokiri, na mokobharighi bhamarayika bha Ryobha bharatiira na ghwika ighoro yaane eni uno neenyi Omoona o Mooto.”

Yohana 1:51 Iomraidhean Croise

Mataayo 25:31

Yesu akëëndërëra kobhabhoorera abhaanabheegha bhaache akabhugha, “Hano eni uno neenyi Omoona o Mooto nekuucha mo‑bhokumi bhoone obhokoro haghirohamu na bhamarayika bhoose, niho neghwikara mo‑ghetumbe keene ke bhutëmi.

Mataayo 26:24

Eni Omoona o Mooto neghwitu kinya bhuno yandëkuru mo‑Mandëkö Amatööbhiyu. Amare horeera nakorighi omooto uno akuhaana eni mo‑mabhökö gha bhabhisa. Nengabheere ngʼoni omooto uyo atiibhoru!”

Mataayo 3:16

Hano Yesu abhatiisuru na kohoroka mo‑rooche, mööhi, hayo hayo erishaaro reghiighoka, akarighi Akörö e Ryobha eriika kinya egheghuuti na ghwikara ighoro yaache!

Mataayo 4:11

Niho Erishambu rekamotigha Yesu hayo, hayo hayo bhamarayika bha Ryobha bhakaacha komuhökëri.

Mataayo 8:20

Yesu akamugharokeri akabhugha, “Chaambwe ncheenyi na chakoobho ne ebhinyönyi mbeenyi ne ebhenyumba. Amare eni uno neenyi Omoona o Mooto nteenyi koru na ha ghotoora omutu!”

Mataayo 9:6

Nekwënda mumënyë bhoheene kubha eni Omoona o Mooto, neenyi no obhotoro bho kwabhëra amasari mo‑se ino.” Niho Yesu akamobhoorera omooto uyo are akuure ribhaara, akabhugha, “Imeerera! Ghëgha machëëra yaacho, oghi awaacho.”

Maariko 1:10

Hano Yesu are aratiira koru mo‑manche, hayo hayo akarighi erishaaro reriighoka, na Akörö Ahörëëru eriika kinya egheghuuti na ghwikara ighoro yaache.

Maariko 14:62

Yesu aghagharokeri akabhugha, “Eni niwe. Wiiki mokondighi eni uno neenyi Omoona o Mooto niikeere mo‑kubhökö gho kwiro kwo Ryobha rino reenyi na changuru choose, neraacha mo‑mashaaro gha mwishaaro.”

Ruuka 2:13

Hayo hayo marayika uyo are, hakarwera ebheku bhe bhamarayika bhaghëndi bhaache koru Mwishaaro. Bhaakabha bharaghongi Eryobha bharabhugha,

Ruuka 2:9

Hayo hayo, bhakarweru na marayika umu o Mutëmi. Emirëngaari ghe bhokumi obhokoro bho Mutëmi ghekabharëngaari chambaara choose, bhaghatiina chwee.

Ruuka 22:43

Hayo hayo, Marayika koru Mwishaaro akamorwera Yesu, akamotoora changuru.

Ruuka 22:69

Amare korwera ibheere, eni Omoona o Mooto neekubha niikeere mo‑kubhökö gho kwiro kwo Ryobha rino reenyi na changuru choose.”

Ruuka 24:4

Eriibhagha ꞉bhaare bhakeere bhahahiri ighoro e ghayo, hayo hayo abhaato bhabhere bhakiimeerera haghuhe nabho, bhabheekiri amaghööti gha kubharibhari meero chayi.

Ruuka 3:21

Hano abhaato bhayo bhoose bhamariri kubhatiisu, Yesu woose akaacha akabhatiisu. Hano are arasabha Eryobha, erishaaro reghiighoka.

Yohana 1:50

Yesu akamobhoori akabhugha, “Kana, noghokumi gho kubha ꞉neekobhooriire kubha nekorooche wikeere mo‑mokoowa? Noghogharighi aghande amakoro ghokera ghano!

Yohana 10:1

Yesu akëëndërëra ghosiikëra akabhugha, “Mahëënë ˆnekabhabhoorera, omooto wowoose uno ataaghusöha mo‑kehita ke mowaara o changʼöndu, amare n‑ahande aghusöhëra, uyo n‑omwibhi wiiki n‑erinyangara.

Yohana 10:7

Mbe, Yesu akabhabhoorera wiiki akabhugha, “Mahëënë ˆnekabhabhoorera, eni neeni ekehita ghe changʼöndu.

Yohana 13:16

Mahëënë ˆnekabhabhoorera, omusësë taanyi omokoro ghokera omutëmi waache, wiiki uno atomuru taanyi omokoro ghokera uno amotomiri.

Yohana 13:38

Yesu akamugharokeri akabhugha, “Bheetero, m‑mahëënë nwisheriiri ghoku gho ghiri yaane? Mahëënë ˆneghakobhoorera, hano asërëëcha ekubha ekeere ghughamba, nookubha onyangiri ghatato.”

Yohana 14:12

Mahëënë ˆnekabhabhoorera, omooto wowoose uno aghonkumi, naghuköra emeremo ghiire ghiire eni neghuköra. Wiiki naghuköra emeremo mekoro ghokera ghino niköriri, gho kubha ˆneeghaye o‑Taata.

Yohana 16:20

Mahëënë ˆnekabhabhoorera, inyu mokorera na kubha na amacheeche, amare abhaato bha se ino mbaghuchömëru. Mookubha na amacheeche kwo riibhagha ighuhe, amare amacheeche ghaanyu ngaghwigharura kubha ghuchömëru.

Yohana 16:23

Wiiki eriibhagha riyo reraacha kohika, motaakomboori angʼana yoyoose. “Mahëënë ˆnekabhabhoorera, ghyokyose kino morasabha kohetera eriina reene, Taata nakobhaha.

Yohana 21:18

Mahëënë ˆneghakobhoorera, hano ore omobhureni, noore unariri kobheeka changibho cheecho, na ghuye hohoose hano wëndiri. Amare hano oghokunguha, noghughöröröki amabhökö ghaacho no omooto owonde naghokobheeki changibho cheecho na ghokohira hano otaakwënda ghuye.”

Yohana 3:3

Yesu akamugharokeri akabhugha, “Mahëënë ˆneghakobhoorera, taanyi‑ho omooto uno aghotora ghusöha mo‑bhutëmi bho Ryobha aribha atibhwiru mara e kabhere.”

Yohana 3:5

Yesu akamugharokeri akabhugha, “Mahëënë ˆneghakobhoorera, taanyi‑ho omooto uno aghotora ghusöha mo‑bhutëmi bho Ryobha aribha atibhwiru kwo manche na gho Akörö e Ryobha.

Yohana 5:19

Yesu akabhabhoorera abhakangati bhaare akabhugha, “Mahëënë ˆnekabhabhoorera, Omoona taaghotora ghuköra ghyokyose gho changuru cheeche. Naghotora ghuköra ghano arooche Ishe araghaköra, wiiki ghoose ghano Ishe aghuköra, nigho ghayo ghayo Omoona aghuköra.

Yohana 5:27

Wiiki, namoheere Omoona obhotoro bho kobhatenera ekiina abhaato, gho kubha iwe n‑Omoona o Mooto.

Yohana 6:26

Yesu akabhagharokeri akabhugha, “Mahëënë ˆnekabhabhoorera, nyeeche moghuntabhara taanyi gho kubha morooche ebhyërëkërëri bhino ꞉niiköriri, amare n‑gho kubha ꞉neebhaheere emighaate, mokarë moghiighota.

Yohana 6:32

Mbe, Yesu akabhabhoorera akabhugha, “Mahëënë ˆnekabhabhoorera, taanyi Musa uno ꞉abhaheere bhasookoro bhaanyu ebhiinyakurë bhiire bheruure Mwishaaro. Amare n‑Taata waane, uno ibheere akobhaha inyu ekiinyakurë ke hëënë kino gheekoru Mwishaaro.

Yohana 6:47

“Mahëënë ˆnekabhabhoorera, omooto wowoose uno aghonkumi eni, naanyi no obhuhöru bho miishe ghyose.

Yohana 6:53

Mbe, Yesu akabhabhoorera akabhugha, “Mahëënë ˆnekabhabhoorera, erabha motaakurë omobhere waane, na kunyo amasaahë ghaane, eni Omoona o Mooto, motaakubha no obhuhöru bho miishe ghyose.

Yohana 8:34

Yesu akabhagharokeri akabhugha, “Mahëënë ˆnekabhabhoorera, omooto wowoose uno akwëndërëra ghuköra amasari, n‑omusësë o masari.

Yohana 8:51

Mahëënë ˆnekabhabhoorera, omooto wowoose uno aghoghatambana ameeghi ghaane, taaghoku naabha.”

Yohana 8:58

Yesu akabhagharokeri akabhugha, “Mahëënë ˆnekabhabhoorera, eriibhagha Abhurahamu akeere kwibhoru, Eni Niwe.”

Amaköri gha Bhatomu 10:11

Mo‑marighi ghayo, akarighi erishaaro reriighoka. Egheghiro kenga omwando mokoro gheghiikibhu haase, ino ghighööturu chambaara cheeche choose inye.

Amaköri gha Bhatomu 7:56

Hayo akabhugha, “Mumööhërëri! Nerooche erishaaro reriighoka, no Omoona o Mooto imeeriire eribhaara re kwiro re Ryobha!”

2 Abhatesaronike 1:7

na ndekobhaweeri inyu bhano mokunyaakibhu, haghirohamu na niitu. Ndeghuköra ghayo hano Omutëmi Yesu akuucha koru Mwishaaro ne emirëngaari ghe mororo, haghirohamu na bhamarayika bhaache bhano bhaanyi na changuru.

2 Abhatesaronike 1:9

Okuröönu koobho ngookubha ghosireekereru kwo miishe ghyose na kwahoru gho ghotooru kurë no Omutëmi no obhokumi obhokoro bho changuru cheeche.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

Abheebhuraaniya 1:14

Gho ghayo marayika n‑gheghiro ke? Ibho n‑abhatamishi bha Ryobha, wiiki n‑chaakörö chino Eryobha rehaachetoma kobhahökëri bhaare bhaghotooribhu.

Yuuta 1:14

Henooki, omooto o rwibhoro ro mohungate koru kwo Ataamu, ꞉naaruusiri obhurööti ighoro e bhaato bhayo kubha, “Mööhi, Omutëmi nakuucha haghirohamu na bhamarayika bhaache abhatööbhiyu bhaaru chwee,

Obhohunyurëru 19:11

Hano ghayo ghahetiri, nekarighi eriirighi erende. Nekarighi erishaaro riighokiri. Nekarighi abharaasi ayeero no omooto ikeere ighoro yaache. Omooto uyo nabherekiiru, “O Muhëënë” no “O Mahëënë.” Iwe nahaatena ekiina na kurööna eriihë kwo bhuhëënë.

Obhohunyurëru 4:1

Hano ghayo ghahetiri, nekarighi eriirighi erende. Mööhi! ꞉Neerooche orwighe rwighwiru Mwishaaro! Niho nekooghu eriiraka re ntaara renga rino nyoghwire ekimbërë, rekamboorera rerabhugha, “Nuuche, tiira ino ighoro, kubha nekwërëki amangʼana ghano ghakwëndëru gharwere, ghayo gharamara koheta.”