Yohana 1:45 - Eriiraghano Eriihë

⁴⁵ Mbe, Bhiiribho akamubhöna Natanaheri, akamobhoorera akabhugha, “Ntomorooche omooto uno Musa andëkiri amangʼana ghaache mo‑ghitabhu ke Meghiro, wiiki uno abharööti ꞉bhaandëkiri amangʼana ghaache. Eriina reeche n‑Yesu o Nasareeti, mwërëëti o Yusubhu.”

Yohana 1:45 Iomraidhean Croise

Mataayo 10:3

na Bhiiribho, na Bhatoromaayo, na Tomaso, na Mataayo omutöbhi o righööti, na Yakobho mwërëëti o Arubhaayo, na Tatewo,

Mataayo 13:55

Kana, uno taanyi omoona o murandi o chambaawe? Kana, eriina re nyina waache taanyi Mariyamu? Kana, bhaömööbhö taanyi bha Yakobho, na Yusubhu, na Simiyooni na Yuuta?

Mataayo 2:23

Bhakahika na kumanya mo‑moghya o Nasareeti. Niho ꞉ehikeriine angʼana ino ighamburu ighoro e Yesu gho kohetera abharööti, kubha, “Nakobherekeru Omunasareeti.”

Mataayo 21:11

Erikinda riire re bhaato rekabhagharokeri rerabhugha, “Uyo n‑Yesu, omurööti wuure o mo‑moghya o Nasareeti, mo‑mukööwa o Ghariraaya.”

Maariko 14:67

Akamorighi Bheetero araata omororo, akamoomeri amiisho. Akamobhoorera akabhugha, “Na niiye noore haghirohamu no Omunasareeti uyo, Yesu.”

Maariko 6:3

Omooto uno taanyi wuure seremara, omoona o Mariyamu, ömööbhö waabho na Yakobho, na Yoose, na Yuuta na Simiyooni? Kana, na bhasubhaati bhaabho bhataanyi na niitu hano?” Bhaghakarara ighoro yaache, bhakaanga komokumi.

Ruuka 18:37

Bhakamobhoorera bhakabhugha, “Yesu o Nasareeti niwe akoheta.”

Ruuka 2:4

Yusubhu woose akaru mo‑moghya o Nasareeti mo‑mukööwa o Ghariraaya, aghatiira ghuye mo‑mukööwa o Yuteya mo‑moghya o Bheserehemu, gho kubha Bheserehemu niwe ore omoghya o Tawuti, na Yusubhu naare o mo‑rwibhoro rooche.

Ruuka 2:48

Abhiibhori bhaache hano bhamorooche, bhakahagha chwee. Nyina akamobhoori akabhugha, “Aa! Omoona waane, neke otuköriire hangʼu? Mööhi! Eni ni iso ntoore tuhahiri chwee, toraghutabhara!”

Ruuka 24:27

Niho, Yesu akabhëërëkërëri amangʼana ghoose ghano ghaandëkuru ighoro yaache, korwera mo‑Mandëkö gha Musa, na mo‑Mandëkö ghoose gha bharööti.

Ruuka 24:44

Akamara akabhabhoorera akabhugha, “Eriibhagha neere nekeere neenyi haghirohamu na niinyu, ghano, nigho amangʼana ghaane ghano ꞉neebhabhooriire, kubha ghoose ghano ghaandëkuru ighoro yaane ngakwëndëru ghahikeerane. Ibhe mo‑meghiro ghe Musa, na mo‑Mandëkö gha bharööti, na gha Sabhuri.”

Ruuka 3:23

Eriibhagha Yesu asëëmiri omoremo o Ryobha, naare ne emeeka kinya miröngö etato. Abhaato mbaare bhariituuri kubha n‑omoona o Yusubhu mwërëëti o Heeri.

Ruuka 4:22

Yesu hano abhabhooriire amangʼana ghayo gha ghareeya, ghaghaghëri abhaato bhoose komughamba bhoheene. Bhakaroghoora chwee, bhaghasëëma kobhoorani, “Kana uno, taanyi omoona o Yusubhu?”

Yohana 1:44

Bhiiribho naare omooto o moghya o Bhetisaayita, hano Andereya na Bheetero bhoose ꞉bhaare bhamanyiri.

Yohana 12:21

Abhaato bhayo bhakamusëëta Bhiiribho, omwikari o Bhetisaayita mo‑mukööwa o Ghariraaya, bhakamusabha bhakabhugha, “Omosooku, ntokwënda tomorighi Yesu.”

Yohana 14:8

Bhiiribho akamobhoorera akabhugha, “Oo Omutëmi, ntoghoghusabha otwërëki Taata, neghotwisha.”

Yohana 18:5

Ibho bhakamugharokeri bhakabhugha, “Ntokomutabhara Yesu uno aruure Nasareeti.” Yesu akabhagharokeri akabhugha, “Eni niwe.” Yuuta uno ꞉amwigharoriini Yesu naare imeeriire haghirohamu nabho.

Yohana 18:7

Yesu akabhabhoori wiiki akabhugha, “Kana, n‑niwe moghutabhara?” Ibho bhakamugharokeri bhakabhugha, “Ntokomutabhara Yesu uno aruure Nasareeti.”

Yohana 19:19

Bhiraato akahatëka kubha ghaandëku amangʼana na ghotooru mo‑musarabha o‑Yesu, ghano ghakobhugha, “uno n‑yesu o nasareeti, omutëmi o bhayahuuti.”

Yohana 21:2

Mbaare‑ho Simiyooni Bheetero, Tomaso uno eriina reeche erende n‑Eghisare, Natanaheri uno aruure Kana e Ghariraaya, abhaana bhabhere bha Sebhetaayo, na abhaanabheegha bhaache abhande bhabhere mbaare haghirohamu.

Yohana 6:42

Bhakabhoorani bhakabhugha, “Kana, omooto uno taanyi Yesu, mwërëëti o Yusubhu, uno ntobheeche abhiibhori bhaache bhoose? Mbe, nibhu aghotora kobhugha kubha ꞉niikiri koru Mwishaaro?”

Yohana 6:5

Yesu akarëkëra amiisho akarighi erikinda ikoro re bhaato rino reere reraacha ghokooche. Niho akamobhoori Bhiiribho akabhugha, “Bhiiribho, kana, ntoghotora ghoghora hayi ebhiinyakurë bhe kobharaagheri abhaato bhano?”

Yohana 6:7

Bhiiribho akamugharokeri akabhugha, “Koru nangabha tongaghoriri ebhiinyakurë kubha omooto woose abhönë ghasuuhu ghasuuhu, chatinaari amaghana abhere chetangatoriri kobhiisha.”

Amaköri gha Bhatomu 10:38

Mweche kubha, Eryobha ꞉ndeemwahwire Yesu o Nasareeti gho komuha Akörö Ahörëëru no obhotoro. Yesu ꞉naaghiire ino na ino, araköra amachömu na kuhöri bhoose bhano ꞉bhaare bharanyaakibhu na changuru che Rishambu, gho kubha Eryobha ndeere haghirohamu nawe.

Amaköri gha Bhatomu 2:22

Bheetero akëëndërëra kobhugha, “Inyu abhaato bha Isiraeri, muntëghëërërë bhoheene! Eryobha eryene ndëbhëërëkiri obhokoro bho Yesu o Nasareeti ghokoonyu, gho nchëra e bhiraghe, ne ebheroghooro, ne ebhyërëkërëri bhe manga maaru bhino Eryobha ꞉reemoheere ghuköra ghate yaanyu. Ghayo, inyu mogheeche bhoheene.

Amaköri gha Bhatomu 22:8

Niho nekabhoori, ‘Oo Omutëmi, iye niiye we?’ Aghangarokeri, ‘Eni neeni Yesu o Nasareeti, uno iye okunyaaki.’

Amaköri gha Bhatomu 26:9

“Koru eni woose eriibhagha riire neere nerarighi kubha, nekwëndëru nibhe neraryanga eriina re Yesu o Nasareeti gho nchëra yoyoose yiire.

Amaköri gha Bhatomu 3:6

Ibheere Bheetero akamobhoorera, “Ntighöötë chambiiri, amare neenyi na angʼana ino neghotora ghoghukörëra, nayo niyo ino. ˆNeghakobhoorera kwo riina re Yesu Kirisito o Nasareeti, imeerera ughëndë!”