Yohana 1:4 - Eriiraghano Eriihë

⁴ Niwe simoka e bhuhöru, no obhuhöru bhuyo mbokurëëta obhwero kwo bhaato bhoose.

Yohana 1:4 Iomraidhean Croise

Mataayo 4:16

Abhaato bhano bhaare bhamanyiri mo‑kengʼuuri, mbarooche emirëngaari mekoro, na bhano bhamanyiri mo‑kiriiri ke roko, emirëngaari ngebharëngaariri.”

Ruuka 2:32

Obhotoori bhuyo n‑emirëngaari ghe ghokwërëkërëri anchëra yaacho mo‑bhaato bha matöngö, na asooko mo‑bhaato bhaacho Abhiisiraeri.”

Yohana 11:25

Yesu akamugharokeri akabhugha, “Eni neeni obhoryoki bhuyo, no obhuhöru. Omooto wowoose uno aghonkumi eni, koru nangabha akuure, naakubha muhöru.

Yohana 12:35

Yesu akabhabhoorera akabhugha, “Obhwero mboonyi haghirohamu na niinyu kwo riibhagha ighuhe hangʼu. Mughëndë mo‑bhwero bhuyo eriibhagha bhokeere bhoonyi‑ho, kubha ekengʼuuri ghetaacha kobhakinda. Omooto uno aghughënda mo‑kengʼuuri teeche hano aghuye.

Yohana 12:46

Eni niichiri mo‑se ino kinya obhwero, kubha omooto woose uno aghonkumi atighe kubha mo‑kengʼuuri.

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Yohana 3:19

Ghoteneru ekiina niko kuno, obhwero mbwichiri mo‑se, amare abhaato bhaaru mbasiighiri kubha mo‑kengʼuuri ghokera kubha mo‑bhwero, gho kubha amaköri ghaabho m‑mabhe.

Yohana 5:21

Kebhuno Taata akobharyoki abhaku na kobhaha obhuhöru bho miishe ghyose, hangʼu hangʼu Omoona nahaabhaha obhuhöru abhaato bhano asiighiri kobhaha.

Yohana 5:26

Kinya bhuno Taata anyi no obhuhöru moose yaache, hangʼu hangʼu nibhu amoheere Omoona kubha no obhuhöru moose yaache.

Yohana 8:12

Mbe, Yesu akëëndërëra ghosiikëra wiiki ne erikinda riire akabhugha, “Eni neeni obhwero bho se. Omooto wowoose uno aghuntambana eni, taaghughënda mo‑kengʼuuri naabha, amare naakubha no obhwero bhuno bhokomukangata mo‑bhuhöru bho miishe ghyose.”

Yohana 9:5

Eriibhagha nekeere neenyi mo‑se ino, eni n‑obhwero bho se.”

Amaköri gha Bhatomu 26:23

Ibho ꞉mbaabhughiri kubha, Kirisito nakwëndëru anyaakibhu, wiiki abhe niwe o mumbërë koryoka koru mo‑bhaku, gho ghiri araghani kubha, obhwero bho bhotoori ˆbhokabharëngaareri abhaato bhoose, Abhayahuuti na abhaato bha matöngö.”

1 Abhakorinto 15:45

Mo‑Mandëkö Amatööbhiyu yandëkuru kubha, “Omooto o mumbërë, Ataamu, natëëmuru akabha omooto omuhöru,” amare Ataamu o ntenero, n‑Kirisito, niwe Akörö ino ekobhaha abhaato obhuhöru.

Abhaebheeso 5:14

Nikyo eghughambu kubha, “Bhooka iye uno osundaghiire! Oryoke koru mo‑bhaku, na Kirisito nakuucha ghokurëngaareri.”

Abhakorosaayi 3:4

Obhuhöru bhoonyu mbokurëëtu na Kirisito. Eriibhagha rino akorighibhu, niho na niinyu moghusanga haghirohamu nawe mo‑bhokumi bhooche obhokoro.

1 Yohana 1:1

Ntokobhaandëkëra angʼana ighoro e uno anyi Angʼana e bhuhöru, uno are‑ho korwera simoka. Itu ꞉ntoomooghwire na komorighi kwo miisho ghiito abheene, ꞉ntoomorooche na komoturi na amabhökö ghiito.

1 Yohana 1:2

Ibheere obhuhöru bhuyo mbohikeriine, itu tokabhorighi. Ibheere ntokobhabhoorera obhuhëënë na kobharaghaneri angʼana ighoro e uyo anyi obhuhöru bho miishe ghyose. Iwe naare o‑Taata Waryobha, akëërëkibhu ghokwito.

1 Yohana 5:11

Obhuhëënë bhuyo nibho bhuno, Eryobha ndetoheere obhuhöru bho miishe ghyose. Obhuhöru bhuyo ntokobhubhöna gho nchëra e ghokumi Omoona waache.

Obhohunyurëru 22:1

Akamara marayika uyo akanyëërëki orooche ro manche gha bhuhöru, ndoore rorabhari kinya ekiröri na ndorweriire irungu re ghetumbe ghe ghitëmi ke Ryobha no Omoona o Ngʼöndu.

Obhohunyurëru 22:16

“Eni Yesu, n‑o riitina re mutëmi Tawuti no orwibhoro rooche, wiiki nekurëngaari kinya anchöta e tabhoori. Eni neeni netomiri marayika waane ache abhabhoorere inyu abhaghëndi bhaane amangʼana ghano, gho ghiri e makanisa.”