Yohana 1:39 - Eriiraghano Eriihë

³⁹ Yesu akabhugha, “Muuche, na niinyu mokoharighi.” Niho bhakamutambana. Mo‑chaasa ikomi che mughörööbha, bhakahika hano are amanyiri, bhakahööya nawe orosiko ruyo.

Yohana 1:39 Iomraidhean Croise

Ruuka 24:29

Amare, ibho bhakamusasaama chwee bharabhugha, “Nwikare haghirohamu na niitu! Kana ˆbhookiira, ne ekengʼuuri ˆghekaacha.” Niho, Yesu aghasöha mo‑nyumba, aghiikara haghirohamu nabho.

Yohana 1:38

Mbe, Yesu aghiishoorori, akabharighi abhaanabheegha bhaare bharamutambana. Akabhabhoori akabhugha, “Kana, neke mokwënda?” Ibho bhakamugharokeri bhakabhugha, “Oo Raabhi, kana, hayi umanyiri?” Raabhi egheteemoro keeche n‑Omweghi.

Yohana 1:40

Omoonamwegha umu ghate e bhaanabheegha bhaare bhabhere, bhano ꞉bhooghwire amangʼana ghaache koru kwo Yohana na komutambana Yesu, naare arabherekeru Andereya, omonyi o Simiyooni Bheetero.

Yohana 1:46

Amare Natanaheri akamobhoori akabhugha, “N‑gheghiro ke ghichömu gheghotora koru mo‑moghya omosuuhu o Nasareeti?” Bhiiribho akamugharokeri arabhugha, “Nuuche, orighi.”

Yohana 4:40

Niho Abhasamaariya bhaare bhakahika hano Yesu are, bhakamusabha chwee ikare haghirohamu nabho. Niho aghiikara mo‑moghya uyo chaasiko ibhere.

Yohana 6:37

Abhaato bhoose bhano Taata aheere, mbakuucha ghokoone na ghonkumi. Wiiki nteekomwanga naabha koru umu uno akuucha ghokoone.

Obhohunyurëru 3:20

Mööhi! Eni niimeeriire mo‑ghisëku neghuköngööta eghisëku. Omooto arooghu eriiraka reene na konyiighorera orwighe, neghusöha mo‑nyumba yaache niraaghërë haghirohamu nawe.