Yohana 1:14 - Eriiraghano Eriihë

¹⁴ Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

Yohana 1:14 Iomraidhean Croise

Mataayo 1:16

Yakobho akiibhora Yusubhu, omosubhe o Mariyamu. Mariyamu akiibhora Yesu uno akobherekeru Kirisito.

Ruuka 2:11

Reero ino mo‑moghya o Tawuti, Omotoori waanyu niibhwiru. Omotoori uyo niwe Kirisito Omutëmi.

Ruuka 2:7

Akiibhora omoona o kebhureni omutange waache, akamokundekeri changibho. Akamuraari mwitore, gho kubha, bhataabhwine omweya mo‑chanyumba che bhaghëni.

Ruuka 9:32

Eriibhagha riyo, Bheetero na abhaghëndi mbaare bhamisiri chandöörö indito. Hano bhiitakiri, bhakamorighi Yesu ararëngaari mo‑bhokumi bhooche obhokoro. Bhakabharighi wiiki abhasubhe bhabhere, bhiimeeriire haghirohamu nawe.

Yohana 1:1

Simoka hayo, Angʼana neere‑ho. Angʼana iyo neere haghirohamu ne Eryobha. Wiiki Angʼana iyo neere Eryobha.

Yohana 11:40

Yesu akamobhoorera akabhugha, “Kana, nteekobhooriire kubha, erabha noghokumi, nokobhorighi obhokumi obhokoro bho Ryobha kebhuno bhoonyi?”

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Yohana 14:9

Yesu akamugharokeri akabhugha, “Bhiiribho, nibheere haghirohamu na niinyu chaasiko chino choose, iye okeere kuumënya eni? Omooto wowoose uno andooche eni, namorooche Taata. Mbe, ngwake okomboori kubha, ‘Otwërëki Taata’?

Yohana 17:22

Obhokumi obhokoro bhuno oheere eni, nebhaheere abhaanabheegha bhaane, kubha bhabhe egheghiro kimu, kinya bhuno itu toonyi egheghiro kimu.

Yohana 17:24

“Oo Taata, nekwënda kubha bhano oheere bhabhe haghirohamu na neeni hano neekubha, kubha bhabhorighi obhokumi bhoone obhokoro bhuno oheere, gho kubha ꞉nuushamiri ghonsiigha koru ase ekeere ghutëëmu.

Yohana 18:37

Mbe, Bhiraato akamobhoori akabhugha, “Kana, m‑mahëënë kubha iye n‑omutëmi?” Yesu akamugharokeri akabhugha, “N‑iye ˆokabhugha kubha eni n‑omutëmi. Eni niibhwiru mo‑se ino, wiiki niichiri kubha nebheeghi abhaato obhuhëënë. Omooto wowoose uno aghutambana obhuhëënë, naghoghooghu amangʼana ghaane.”

Yohana 2:11

Yesu ꞉naaköriri ekyërëkërëri kino mo‑moghya o Kana mo‑mukööwa o Ghariraaya. Ekyërëkërëri kiyo nikyo keere e kimbërë ghuköru kwërëki obhokumi bhooche obhokoro mo‑bhaato. Gho ghayo, abhaanabheegha bhaache bhakamokumi.

Yohana 3:16

Mbe, gho kubha Eryobha ꞉ndeebhasiighiri abhaato bhoose bha mo‑se ino, koru rekamoruusi Omoona waache omwene chiri, kubha omooto wowoose uno akomokumi atarumëëra, amare abhe no obhuhöru bho miishe ghyose.

Yohana 3:18

Eryobha retaakomotenera ekiina omooto uno akorekumi, amare omooto uno ataakorekumi namariri ghoteneru ekiina gho kubha, taamokumiri Omoona waache omwene chiri.

Yohana 6:51

Eni n‑ekiinyakurë kino gheghwika koru Mwishaaro, kino ghekobhaha abhaato obhuhöru. Omooto wowoose uno akurë ekiinyakurë kiyo, naakubha no obhuhöru bho miishe ghyose. Ekiinyakurë kiyo n‑omobhere waane uno nekoworuusi gho ghiri e bhaato bhoose, kubha bhabhe no obhuhöru bho miishe ghyose.”

Yohana 8:32

Wiiki mokobhumënya obhuhëënë. Nabho obhuhëënë bhuyo, mbokobhatoora huuru.”

Amaköri gha Bhatomu 13:33

ngakörëkiine ghokwito itu abhaana bhaabho gho komoryoki Yesu, kinya bhuure yandëkuru mo‑ghitabhu ghe Sabhuri e kabhere, ‘Iye niiye Omoona waane, eni reero nibheere Iso waacho.’

Abharuumi 8:3

Emeghiro ghe Musa ghetaare na changuru che ghototoora huuru, gho ghiri e simoka yiito e masari. Amare emeghiro ghiyo kino ghetaatoriri ghuköra, Eryobha ꞉ndiiköriri. ꞉Ndeetomiri Omoona waache omwene chiri, ache ghokwito mo‑se ino, anyi omooto kinya itu bhano toonyi na amasari, kubha abhe eriruusi gho ghiri e masari ghiito. Gho nchëra iyo, rekamutëma anchagho gho ghiri e masari gha bhaato.

Abharuumi 9:5

Abhiisiraeri bhayo ꞉mbiibhwiru na bhasookoro bhaabho, Abhurahamu, na Isaka na Yakobho. Gho kohetera omobhere, koru Kirisito n‑Omwisiraeri. Kirisito, uno anyi Eryobha, Omokoro o bhyose, aghongibhu emiishe ghyose! Hawubhaabha.

1 Abhakorinto 15:47

Omooto o mumbërë, Ataamu, naare o mo‑se, natëëmuru koru mwiröbhë. Omooto o kabhere, n‑Kirisito, uno aruure Mwishaaro.

2 Abhakorinto 12:9

Amare iwe akamboorera akabhugha, “Aghareeya yaane neghoghwisha, gho kubha mo‑bhutöbhu nimu muyo changuru cheene chehaarighibhu.” Gho ghayo, neekubha neriihacha gho ghuchömëru ghokoro ighoro e bhutöbhu bhoone, kubha changuru che Kirisito chibhe haghirohamu na neeni.

Abhagharatiya 4:4

Amare eriibhagha rino rirënguru hano rehikiri, Eryobha rekamotoma Omoona waache mo‑se ino. Omoona waache akiibhoru no omukari kinya itu, akamanya haase e meghiro ghe Musa.

Abhaebheeso 3:8

Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.

Abhakorosaayi 1:19

Gho kubha Eryobha ꞉ndeerooche n‑kumangi kubha, obhohikeerani bhooche bhoose bhwikare mo‑Moona waache.

Abhakorosaayi 2:3

Moose yaache neebhisuru agharinga yoose e mangʼiini no obhumënyi.

Abhakorosaayi 2:9

gho kubha, obhohikeerani bhoose bho Ryobha mboonyi mo‑mobhere o Kirisito.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

Abheebhuraaniya 1:3

Omoona uyo nakurëngaari mo‑bhokumi obhokoro bho Ryobha na nakwërëki haheero kinya Eryobha reenyi. Wiiki gho kohetera ghokooche ebheghiro bhyose mbehaaghöötana haghirohamu kwo ngʼana yaache ino enyi no obhotoro. Iwe hano amariri kwiruusi kinya amaruusi gha koruuseri abhaato amasari, aghaye Mwishaaro, aghiikara eribhaara re kubhökö gho kwiro kwo Mutëmi Waryobha.

Abheebhuraaniya 1:5

Taanyi‑ho marayika uno ꞉abhooriiru ne Eryobha ghano ꞉amobhooriire Yesu kubha, “Iye niiye Omoona waane, eni reero nibheere Iso waacho.” Eryobha retabhooriire marayika wowoose kubha, “Neekubha Ishe, woose naakubha Omoona waane.”

Abheebhuraaniya 10:5

Nikyo ꞉ghiighëriri hano Kirisito ichiri mo‑se ino, akarebhoorera Eryobha akabhugha, “Iye tookwënda amaruusi gha chatyenyi koru amaruusi gha ghosireekereru, amare nusëëmiri omobhere waane.

Abheebhuraaniya 2:11

Yesu haghirohamu na abhaato bhano akomusa amasari ghaabho, Ishe waabho n‑umu. Nikyo ghighëriri Yesu taanyi na chaasoni kobhabherekera kubha abhahiiri bhaache.

Abheebhuraaniya 5:5

Hangʼu hangʼu, Kirisito woose tiitabhariire omwene asooko e kubha Omuchaama Omokoro, amare Eryobha niryo remwahwire na komobhoorera kubha, “Iye niiye Omoona waane, eni reero nibheere Iso waacho.”

1 Yohana 4:14

Itu ntorooche na ntokobhabhoorera obhuhëënë kubha, Taata Waryobha ꞉naamotomiri Omoona waache mo‑se ino, kubha abhe Omotoori o bhaato bhoose.

1 Yohana 4:9

Eryobha eryene ndetwërëkiri obhosiighi bhooche ghokwito gho nchëra e komotoma Omoona waache omwene chiri kuucha mo‑se ino, kubha gho kohetera ghokooche tubhönë obhuhöru bho miishe ghyose.

2 Yohana 1:7

Nekobhugha hangʼu gho kubha abharöngö bhaaru mbarweriire mo‑se ino, bhano bhataaghwishereri kubha Yesu Kirisito ꞉niichiri akabha no omobhere kinya omooto. Omooto wowoose uno aghosiikëra ghayo n‑omuröngö, wiiki n‑omobhisa o Kirisito.

Obhohunyurëru 19:13

Naare abheekiri andachana ino etibhuru mo‑masaahë. Eriina reeche nabherekiiru, “Angʼana e Ryobha.”

Obhohunyurëru 21:3

Nekooghu eriiraka ikoro koru mo‑ghetumbe ghe ghitëmi, rerabhugha, “Mutëghëërëra! Obhwikari bho Ryobha n‑haghirohamu na abhaato. Ndeghuköra obhwikari bhooche haghirohamu na abhaato, nabho mbaakubha abhaato bhaache, naryo ndeekubha Eryobha reebho.