Yohana 1:13 - Eriiraghano Eriihë

¹³ Bhayo nibho abhaana bha Ryobha, bhano ꞉bhiibhwiru taanyi kwo masaahë, hamu amiigha gha mobhere, hamu amiigha gha mosubhe, amare n‑kwo Ryobha eryene.

Yohana 1:13 Iomraidhean Croise

Mataayo 3:9

Motabha moriihacha kubha mokwabhëru, gho kubha inyu m‑bha rwibhoro ro Abhurahamu moonyi. Mbe, ˆnekabhabhoorera, Eryobha ndeghotora komuha Abhurahamu abhaana koru mo‑mabhohe ghano!

Yohana 3:3

Yesu akamugharokeri akabhugha, “Mahëënë ˆneghakobhoorera, taanyi‑ho omooto uno aghotora ghusöha mo‑bhutëmi bho Ryobha aribha atibhwiru mara e kabhere.”

1 Abhakorinto 3:6

Eni nyeemiri chaatëtërë, Abhooro akahomeerera amanche, amare Eryobha niryo rekumëri na ghokori.

Abhabhiribhi 2:13

Mbe, mukörë hangʼu gho kubha Eryobha niryo reghuköra emeremo moose yaanyu, kubha mosiighe na ghuköra amangʼana ghano resiighiri ghaköru.

Tiito 3:5

Retaaköriri hangʼu gho kubha amaköri ghiito ango n‑gha hëënë ꞉ghaare, amare n‑gho changori cheeche okwene. Ndetomusiri obhobhe bhwito, kuyo niko okwibhoru okuhë. Wiiki ndetoheere eriimanya eriihë gho nchëra e Körö Ahörëëru.

Yakobho 1:18

Gho kwënda kooche eryene, ndetuköriri tubhe abhaana bhaache, gho nchëra e ngʼana yaache e hëënë, kubha tubhe a bhambërë mo‑bhyose bhino ꞉riitëëmiri.

1 Bheetero 1:23

gho kubha mwibhwiru mara e kabhere. Kwibhoru kuyo, ghotarweriire mo‑bhiiso bhano bhaghotora ghoku, amare inyu mwibhwiru kwo ngʼana e Ryobha ino enyi ihöru na neekubha‑ho emiishe ghyose.

1 Bheetero 1:3

Aghongibhu Waryobha, Taata o Mutëmi wiito Yesu Kirisito. Kurëngʼaana na changori cheeche chaaru, natwibhwire mara e kabhere gho nchëra e komoryoki Yesu Kirisito koru mo‑bhaku. Gho ghayo, ntobhwine eriitëngʼërö re bhuhöru.

1 Bheetero 2:2

Kinya bhuno ebhengʼwerere bhehiighomba amabhëërë gha bhaanyina, na niinyu bhuure bhuure mwighombe amabhëërë gha hëënë gha Körö e Ryobha, kubha muköngʼë na ghotooribhu.

1 Yohana 3:9

Wowoose uno abheere omoona o Ryobha, taakwëndërëra ghuköra amasari, gho kubha naanyi na tëëmö e Ryobha moose yaache. Taaghotora kwëndërëra ghuköra amasari gho kubha iwe n‑omoona o Ryobha.

1 Yohana 4:7

Abhasiighani bhaane, tosiighane, gho kubha obhosiighi mbookoru kwo Waryobha. Omooto wowoose uno asiighiri mughëndi waache, n‑omoona o Ryobha, wiiki niwe aryeche Eryobha.

1 Yohana 5:1

Omooto wowoose uno aghokumi kubha Yesu n‑Kirisito, niwe omoona o Ryobha. Wowoose uno akomosiigha omwibhori, nakobhasiigha na abhaana bha mwibhori uyo.

1 Yohana 5:18

Ntweche kubha omoona wowoose o Ryobha, taakwëndërëra ghuköra amasari, gho kubha Omoona o Ryobha nakomochonga, Erishambu retaaghotora komoturi.

1 Yohana 5:4

gho kubha uno anyi o moona o Ryobha, naghoghakinda gha mo‑se ino. Ntoghoghakinda gho nchëra e bhokumi bhwito.