Yakobho 5:8 - Eriiraghano Eriihë

⁸ Hangʼu na niinyu bhoose moghumereri, na kwihëënëhi mo‑chaakörö cheenyu, gho kubha kuucha kwo Mutëmi ghoghatingʼi.

Yakobho 5:8 Iomraidhean Croise

Ruuka 21:19

Obhuhöru bhoonyu mboghotooribhu, hano moghoghumereri.

Yohana 21:22

Yesu akamugharokeri akabhugha, “Aribha nekwënda kubha abhe muhöru mbagha hano neghugharuka, ngwake ghayo ghaghokunyaaki? Iye nuntambane eni.”

Abharuumi 8:25

Amare toriitëngʼëra kuhaabhu egheghiro kino totaaghotora ghokerighi, niho toghoghumereri ghughanya, totaaghoku omukörö.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Abhabhiribhi 4:5

Obhuhörëëru bhoonyu bhumënyu mo‑bhaato bhoose. Omutëmi Yesu haghuhe anyi kuucha.

1 Abhatesaronike 1:10

na komughanya omoona waache Yesu koru Mwishaaro. Iwe niwe Eryobha ꞉reemoryokiri, wiiki niwe aghototoori mo‑rosiko runo toghoteneru ekiina ne Eryobha.

1 Abhatesaronike 2:19

꞉Ntwëëndiri kuucha bhowaanyu wiiki gho kubha, inyu niinyu abhatangi bha riitëngʼërö riito. Wiiki m‑bhawe abhatangi bha ghuchömëru na atuho yiito e bhokindi kwo Mutëmi Yesu araacha kuucha? Taanyi inyu?

1 Abhatesaronike 3:13

Wiiki aköngʼi emetema gheenyu, kubha mubhe abhatööbhiyu, motabha ni isörö ambërë e Waryobha Taata wiito, eriibhagha akuucha Omutëmi wiito Yesu haghirohamu na abhatööbhiyu bhaache bhoose.

2 Abhatesaronike 3:5

Omutëmi aghikangate emetema gheenyu mumënyë bhoheene obhosiighi bho Ryobha no obhoghumereri bhuno bhwërëkuru na Kirisito.

Yakobho 5:3

Chasahaabhu na chambiiri cheenyu, nchirötiire, no okwiröötëra kuyo ngokobhaghambera inyu kebhuno mokuhökëri kobhe obhwame bhoonyu. Gho ghayo, Eryobha ndekobharööna kinya bhuno omororo ohasireekereri egheghiro. Ibheere inyu mwitooriire amamba gho chaasiko che ntenero.

Yakobho 5:9

Abhahiiri bhaane, motirereereri inyu bheene kwo bheene motaacha ghoteneru ekiina. Mumööhi! Omoteni o kiina haghuhe anyi kuucha.

1 Bheetero 4:7

Antenero e mangʼana ghoose ˆeghatingʼi. Gho ghayo, mubhe bhangʼiini na mwikabhaahe mo‑ghoose, kubha motore ghusabha.

Obhohunyurëru 22:20

Iwe uno akoruusi obhwibhateri bhooche ighoro e mangʼana ghano nakobhugha, “Hëënë, ˆnekaacha bhwango.” Hawubhaabha. Nuuche Omutëmi Yesu!