Yakobho 5:10 - Eriiraghano Eriihë

¹⁰ Abhahiiri bhaane, morighi abharööti bhano ꞉bhaasiikiire kwo riina re Mutëmi Waryobha, bhabhe eghetuubhaani ghe ghoghumereri anyaako yaanyu.

Yakobho 5:10 Iomraidhean Croise

Ruuka 13:34

“Inyu abhaato bha Yerusareemu! Inyu abhaato bha Yerusareemu! Mokobhiita abharööti na kobharasa amabhohe abhaato bhano Eryobha ꞉reetomiri. Kwo riibhagha ryaru nyëndiri kobhakoma inyu, kinya angökö ehaakoma ebhechuri bheeche mo‑mabhabha ghaache, amare mötëëndiri.

Ruuka 6:23

“Hano ghayo ghakorwera, muchömëru na ghotuumatuuma. Mumënyë kubha, Eryobha ndebhatooriire atuho inkoro Mwishaaro. Koru na bhasookoro bhaabho, hangʼu ꞉bhaare bharakörëra abharööti bhaabho.

Amaköri gha Bhatomu 3:21

Ibheere Yesu nakwëndëru asaaghe Mwishaaro mbagha hano Eryobha reghuköra ebheghiro bhyose bhe mo‑se ino bhibhe, kinya bhuure abhughiri korwera kare gho nchëra e bharööti bhaache abhatööbhiyu.

Amaköri gha Bhatomu 7:52

Kana, naanyi‑ho omurööti koru umu uno bhasookoro bhaanyu bhataamunyaakiri? Mbaare bharabhiita koru abharööti bhano ꞉bhaare bhararuusi obhurööti ighoro e kuucha kwo wuure Omuhëënë o Ryobha! Uyo niwe uno inyu ꞉moomwigharuriini, mokamwita.

Abheebhuraaniya 13:7

Mobhahiite abhakangati bhano ꞉bhaare bharabheeghi angʼana e Ryobha. Mwihëëbhë amaköri ghaabho ghano ꞉bhaare bharaköra mo‑riimanya reebho na mweghe obhokumi bhoobho.

Yakobho 4:11

Abhahiiri bhaane, motabha moratëmana amasörö, gho kubha, omooto woose uno aghutëma amasörö mughëndi waache, hamu komotenera ekiina, naakubha ataraahiri emeghiro ghe Ryobha. Aribha oraghitaraaha emeghiro, nekwërëki kubha toghesookiri emeghiro, amare nubheere omoteni o kiina o kobhiihera meghiro ghiyo.

Yakobho 5:13

Moonyi no omooto uno akunyaaka ghate yaanyu? Nakwëndëru asabhe Eryobha. Hamu naanyi‑ho wowoose uno achömiiru? Nakwëndëru embe emyembo ghe ghoghoghi.

Yakobho 5:7

Mbe, abhahiiri bhaane, mubhe moraghumereri mbagha rehike eriibhagha rino Omutëmi akuucha. Mumööhi omoremi kebhuno ahaaghanya emimërö gheeche gheruusi omunöghö omuchömu, iwe nahaaghanya gho ghoghumereri ambura a yimbërë na a yenyuma.

Yakobho 5:9

Abhahiiri bhaane, motirereereri inyu bheene kwo bheene motaacha ghoteneru ekiina. Mumööhi! Omoteni o kiina haghuhe anyi kuucha.