Yakobho 4:4 - Eriiraghano Eriihë

⁴ Inyu n‑abhaato bhano motaanyi no obhuhëënë n‑kinya abhataari, bhano mokwanga Eryobha! Moteeche kubha, ghughöötana obhusaani na ase, n‑kubha abhabhisa bha Ryobha? Gho ghayo, omooto woose uno akwënda ghughöötana obhusaani na ase, naghwiköri omwene kubha omobhisa o Ryobha.

Yakobho 4:4 Iomraidhean Croise

Mataayo 12:39

Yesu akabhagharokeri akabhugha, “Orwibhoro ro bhaato abhabhe bhano bhataanyi abhahëënë mbakwënda ekyërëkërëri! Ntëëköbhëërëki ekyërëkërëri ghyokyose, nanyinga kino Eryobha riköriri gho kohetera omurööti Yoona.

Mataayo 16:4

Orwibhoro ro bhaato abhabhe bhano bhataanyi abhahëënë mbakwënda ekyërëkërëri. Ntëëköbhëërëki ekyërëkërëri ghyokyose nanyinga kiire ke murööti Yoona.” Niho Yesu akabhatigha, aghatanura.

Mataayo 6:24

“Taanyi‑ho omutamishi uno aghotora kuhökëri abhatëmi bhabhere kwo riibhagha rimu, gho kubha nakomosiigha umu na komurëgha owonde, hamu aghöötane na umu na komutaraaha owonde. Motaaghotora korihökëri Eryobha na chambiiri kwo riibhagha rimu!

Ruuka 19:27

Ibheere, abhabhisa bhaane bhoose bhano bhataare bharëënda nibhe omutëmi waabho, mobharëëtë hano, mobhiite ambërë yaane!’”

Yohana 15:19

Aribha mongabheere abhaato bha mo‑se ino, bhayo mbangabheere bhabhasiighiri kinya bhuno ase esiighiri abhaato bhaache. Amare inyu motaanyi bha se ino, gho kubha nebhahwire koru mo‑se ino, nikyo gheghughëri abhaato bha mo‑se ino ˆbhakabharëgha.

Yohana 17:14

Nebhabhooriire abhaanabheegha bhaane amangʼana ghano oheere. Amare abhaato bha se ino mbabharëghiri, gho kubha ibho taanyi bha se ino, kinya bhuno eni netaanyi o mo‑se ino.

Yohana 7:7

Abhaato bha mo‑se ino bhataghöötë ghe kobharëgha inyu, amare eni mbakundëgha gho kubha nekobhabhoorera kubha amaköri ghaabho m‑mabhe.

Abharuumi 5:10

Hano itu toore tokeere abhabhisa bhaache, Eryobha reghatutëmëërani itu naryo gho kohetera oroko ro Moona waache. Gho ghayo, gho kubha ntumariri ghutëmëëranibhu ne Eryobha gho kohetera oroko rooche, m‑mahëënë ntoghotooribhu koru mo‑nchagho e Ryobha kohetera obhuhöru bhooche.

Abharuumi 8:7

Abhaato bhano bhaghukangatu na simoka yaabho e masari, bhayo n‑abhabhisa bha Ryobha. Bhataaghughööta emeghiro gheeche, bhataaghotora ghoghighööta.

1 Abhakorinto 1:20

Ibheere hayi bhaanyi bhano tookobhugha kubha mbaanyi na amangʼiini? Hayi bhaanyi bhano tookobhugha kubha n‑abheeghi bha meghiro, koru abhaato bhano bheeche kuhakaana bhoheene chaasiko chino? Eryobha ndyërëkiri haheero kubha amangʼiini gha bhaato bhano bhataryeche, n‑gha ghighëëghë.

1 Abhakorinto 1:21

Neghosiikëra hangʼu, gho kubha, Eryobha kwo mangʼiini ghaache, ꞉ndiihatëkiri kubha abhaato bhataaghotora korimënya gho nchëra e mangʼiini ghaabho abheene. Amare Eryobha ndesiighiri kobhatoori bhano bhakorekumi gho nchëra e ngʼana ino tokuraghani. Angʼana iyo, abhaato bhano bhataryeche Eryobha, mbakoyerighi kubha n‑e ghighëëghë.

Abhagharatiya 1:10

Ibheere, mokwihëëbha kubha neghutabhara ghwisherereru na abhaato? Tiyaanyi, eni neghutabhara ghwisherereru ne Eryobha eryene chiri. Ghasi mokwihëëbha kubha neghutabhara ghuchömëri abhaato? Aribha nengatabhiire kobhachömëri abhaato, ntengabheere omutamishi o Kirisito.

Yakobho 1:27

Amaköri ghano ghakomotegheri Waryobha Taata wiito na ghano ghataanyi ni isörö, nigho ghano, kobhatoori abhaana abhahabhe na abhasino kurëngʼaana na chanyaako cheebho, na gho ghwisacha amasari gha mo‑se ino.