Yakobho 4:16 - Eriiraghano Eriihë

¹⁶ Amare inyu ibheere, mokwihacha na kwirighi kubha moonyi no obhotoro. Okwihacha konga kuyo, n‑kobhe.

Yakobho 4:16 Iomraidhean Croise

1 Abhakorinto 5:6

Obhwihachi bhoonyu bhotaanyi no obhwëra. Moteeche kubha eriisari rino n‑kinya ekimëra ghesuuhu kino kehaatöti anyongo yoose e bhotu?

Yakobho 3:14

Amare aribha moonyi ne eriihari rino risangeriine obhororo no obhunyawumu mo‑chaakörö cheenyu, motiihacha kubha moonyi na amangʼiini, ino morasiikëra obhuröngö mo‑bhuhëënë.

1 Yohana 2:16

Amabhe gha mo‑se ino nigho ghano, amiigha amabhe gha mobhere, ne eriihari re ghwighomba ghyokyose kino okorighi, na kwihachera obhwame. Chatëëmö chino chetaakoru o‑Taata Waryobha, amare nchekorwera mo‑se ino.

Obhohunyurëru 18:7

Momutëmë anchagho na momunyaaki gho kirëngërë kino aköriri akiibhönëra aghongo no obhwame. Gho kubha iwe nahiihacha mo‑körö yaache arabhugha, ‘Niikeere kinya marikiya, na nteenyi omosino, koru nteekubhöna amacheeche naabha!’