Yakobho 4:1 - Eriiraghano Eriihë

¹ Eriihë no obhurööni bhuno bhoonyi ghate yaanyu, mbekurëëtu na ke? Mbekurëëtu na amiighombo amabhe ghano ghakuhakaana moose yaanyu.

Yakobho 4:1 Iomraidhean Croise

Mataayo 15:19

Mo‑körö e mooto, nimu muyo ghakorwera amiihëëbhö amabhe, no obhwiti, no obhutaari, no obhwibhi, no obhwibhateri bho bhuröngö na amatoki.

Yohana 8:44

Inyu n‑abhaana bhi iso waanyu Erishambu, wiiki mokwënda ghuköra ghano taata waanyu aghwighomba. Erishambu n‑diiti korwera kare, wiiki retasiighiri kwimeerera mo‑bhuhëënë gho kubha, obhuhëënë bhotaanyi mo‑motema waache. Aribha Erishambu rekobhugha obhuröngö, iyo n‑atëëmö yaache gho kubha iryo n‑iröngö wiiki n‑taata o bharöngö bhoose.

Abharuumi 7:23

Amare ˆnekamënya kubha ebhyemo bhe mobhere waane, mbehaakangatu na changuru che masari ghano ghaghokindana na amiihëëbhö ghaane amachömu. Changuru chiyo nicho cheghunköra nibhe omusësë o masari ghano ghaanyi moose yaane.

Abharuumi 7:5

Eriibhagha rino simoka yiito e masari ere eratukangata, emeghiro ꞉ngiiköriri amiigha ghiito amabhe ghabhe na changuru chwee ghokwito, toghiighomba ghuköra amasari eriibhagha ryose. Kurëngʼaana na riyo, oroko rokabha‑ho.

Abharuumi 8:7

Abhaato bhano bhaghukangatu na simoka yaabho e masari, bhayo n‑abhabhisa bha Ryobha. Bhataaghughööta emeghiro gheeche, bhataaghotora ghoghighööta.

Abhagharatiya 5:17

Nekobhabhoorera hangʼu, gho kubha bhyose bhino amiigha ghaanyu amabhe ghaghwighomba, bhetaanyi kinya bhuno Akörö Ahörëëru ekwënda, na bhuno ekwënda, taanyi kinya bhuno amiigha ghaanyu ghaghwighomba. Akörö Ahörëëru na amiigha amabhe bhetaaghukangatani haghirohamu, gho ghiri iyo motaaghotora ghuköra ghyokyose kino mokwënda.

Abhakorosaayi 3:5

Mbe, mute kurë amangʼana gha mo‑se ino ghano ghaanyi moose yaanyu, kinya obhutaari, no obhoghonchu, no omuraka, na amiihëëbhö amabhe, no oghwighomba ebheghiro. Obhwighombi bhonga hangʼu, n‑kinya ghusëngëra asanaamu taanyi Eryobha.

2 Timotewo 2:23

Otighe erihakaana re ghighëëghë rino retaanyi no obhwëra, gho kubha weeche erihakaana, ndehaarëëta eriihë.

Tiito 3:3

Koru itu bheene eriibhagha riire toore tokeere komokumi Yesu, ntoore bharaghaanu, na abhiigharori, wiiki ntongʼiinuru chwee. Ntoore abhasësë bha miigha amabhe gha manga maaru gha se ino. Eriimanya riito ndeere re bhobhe ne eriihari. Abhaato mbaare bhaturëghiri, na niitu ntoore tobharëghiri.

Tiito 3:9

Amare, wisache ne erihakaana re ghighëëghë, na kwarura amariina na amangʼana gha bhasookoro, na koreghesa ne erihakaana ighoro e meghiro ghe Musa. Ghayo ghoose ghataanyi no obhwëra bhobhoose.

Yakobho 1:14

Amare omooto woose nahaasakibhu gho korutu, na kongʼiinu na amiigha ghaache amabhe.

Yakobho 4:3

Hano mokorisabha motaakubhöna gho kubha mokorisabha gho nchëra ambe, kubha mubhönë kino mokwënda kwo miighombo ghaanyu amabhe.

1 Bheetero 1:14

Inyu n‑abhaana bha Ryobha moonyi. Ibheere moresooke, motiishereri ghutambana wiiki amiigha ghano moore nagho hayo ekeenyuma, eriibhagha riire moore mokeere korimënya Eryobha.

1 Bheetero 2:11

Abhasiighani bhaane, inyu m‑bhaghëni moonyi na abhaheti mo‑se ino. Gho ghayo nekobhasasaama kubha, motiishereri amiigha ghaanyu amabhe, ghano ghaghokindana na niinyu, ghabhakinde.

2 Bheetero 2:18

Mbaghosiikëra amangʼana gha bhwihachi na ghano ghataanyi ne ekebhune, na gho ghutambana amiigha ghaabho amabhe gha mobhere mbahaatëgha abhaato bhano bhakumiri kwo riibhagha ighuhe, na ghutaana na abhaato bhano bhikareriire obhobhiihi.

2 Bheetero 3:3

Nekwëndëru singa mumënyë kubha, chaasiko che ntenero mbakorwera abhaato abhachebhori, bhano bhaghutambana amiighombo ghaabho amabhe. Mbakobhachebhora