Yakobho 3:6 - Eriiraghano Eriihë

⁶ Ororeme roose n‑kinya omororo, iro ndwichwire obhobhe bhoose, na ndoonyi mo‑bhyemo bhiito bhe mobhere. Ndoghusanchi amabhe mo‑mobhere, ndoghosireekereri eriimanya riito kinya omororo uno okorwera mo‑riiribha re mororo.

Yakobho 3:6 Iomraidhean Croise

Mataayo 12:24

Amare hano Amabharisaayo bhooghwire ghayo, bhakabhugha, “Omooto uno nakuhëëbha emisambu kwo bhotoro bho Bherisebhuuri, omokoro o misambu ghyose.”

Mataayo 5:22

Amare eni nekobhabhoorera, wowoose uno akomukararera mughëndi waache naghoteneru ekiina. Wiiki uno akomotoka mughëndi waache kubha mughëëghë, nakwëndëru ahiru mwibharacha. Uno akobherekera mughëndi waache kubha m‑muraghaanu nakurëngʼaanera ghusöha mwiribha re mororo.

Maariko 7:15

Ghetaanyi‑ho egheghiro kino ghekomusöha omooto kemukörë abhe moghonchu ambërë e Ryobha. Amare, ghano ghaakoru mo‑körö e mooto nigho ghakomuköra aghonche. [

Ruuka 16:24

Akamobherekera kwo riiraka ikoro, ‘Taata Abhurahamu, ondigheri changori! ˆNekanyaaka chwee mo‑mororo uno! Omotome Rasaaro ache hano neenyi, aköri anyinga e kyara mo‑manche, atonyi mo‑roreme roone gho ghiri romitite.’

Amaköri gha Bhatomu 20:30

Wiiki koru ghate yaanyu inyu bheene, mbakorwera‑mu abhaato bhano bhakobhugha amangʼana ghano ghataanyi gha bhuhëënë gho kobhangʼiina abhaanabheegha, kubha bhabhatambane ibho.

Amaköri gha Bhatomu 5:3

Bheetero akamobhoorera, “Iye Ananiya! Kana Erishambu ndewusöhëriire omotema waacho, ekirëngërë ghe kobhoorera obhuröngö Akörö Ahörëëru. Nobhughiri chambiiri chino n‑choose, eriibhagha noobhisiri eribhaara re chambiiri chino obhwine gho ghoghori omoghondo waacho.

Amaköri gha Bhatomu 6:13

Bhakarëëta abhiibhateri bha bhuröngö, bhaghasiikëra obhuröngö gho Siteebhano kubha, “Omooto uno taaghotigha naabha ghosiikëra amangʼana amabhe ighoro e Risëngërö rino Eritööbhiyu, koru na wiiki ighoro e meghiro ghe Musa!

Tiito 1:11

gho kubha mbakorumeeri abhaato mo‑chanyumba chaaru. Mbakweghi amangʼana ghano ghatanchekiine, mbaghutabhara kwibhönëra chambiiri gho nchëra ambe.

Yakobho 2:7

Bhuure bhuure taanyi ibho bhakoretoka eriina ichömu re Yesu Kirisito rino mokobherekereru?

Yakobho 3:7

Abhaato mbaghotora ghotugha chatyenyi che manga ghoose, ebhinyönyi, ne ebhetyenyi bhino bhekwingʼuurera chanda na bhyose bhino bheenyi mo‑nyancha.

2 Bheetero 3:3

Nekwëndëru singa mumënyë kubha, chaasiko che ntenero mbakorwera abhaato abhachebhori, bhano bhaghutambana amiighombo ghaabho amabhe. Mbakobhachebhora

3 Yohana 1:10

Gho ghayo, hano nekuucha iyo, nëghöghëërëkani ghoose ghano aghuköra, na kinya aghosiikëra obhughëëghë ighoro yiito kwo mangʼana amabhe. Taanyi ghayo agheene, amare nakwanga ghughënëhi abhahiiri bhiito bhano bhaanyi mo‑rughëndö. Wiiki nakurëki abhaato abhande bhano bhakwënda kobhaghënëhi, na kobhahëëbha bharu mo‑riikanisa.

Obhohunyurëru 12:9

Oghuchöka ghokarëkëru mo‑se. Ghuno nigho oghuchöka ghuure gho kare ghuno ghokobherekeru Ibhiriisi hamu Erishambu. Ngokongʼiina abhaato bhoose mo‑se. Mahëënë ngurëkiiru mo‑se haghirohamu na bhamarayika bhaache.

Obhohunyurëru 13:14

Kwo bhyërëkërëri bhino rihaabhuru ghuköra gho ghiri e ghotyenyi ghuure o ghumbërë, ghokabhangʼiina bhano bhataare bharakumi mo‑se. Ghokabhabhoorera abhaato bhabhaache asanaamu e ghosooka oghotyenyi ghuure o ghumbërë ghuno ghunyahaaruru ne ekinyamiino, amare ghökëëndërëra kubha ghuhöru.

Obhohunyurëru 18:23

Hayo hataakubha no omurëngaari o romore wiiki, koru chanyangi che ghokwira hamu ghokwiru chetaakubha‑mu wiiki. Omoghya o Bhabheeri noghuköru hangʼu, gho kubha abhasorocha bhaache mbaare abhaato abhakoro bha se, na gho kubha amatöngö ghoose ngangʼiinuru gho kohetera obhoturutumbi bho moghya uyo.

Obhohunyurëru 19:20

Amare oghotyenyi ghuyo, haghirohamu no omurööti o bhuröngö uno aköriri ebhyërëkërëri ambërë yaache, ꞉mbiimokiibhu ke bhano bhaghööturu mwihë. Gho ghuköra ebhyërëkërëri bheeche bhiyo, omurööti uyo o bhuröngö nangʼiiniri abhaato bhano bhatoriiru ekingʼöchö no oghotyenyi ghuyo na ghusëngëra asanaamu yaache. Bhoose bhabhere ꞉mbaarëkiiru bhaanyi abhahöru mo‑nyancha e mororo muhaari chwee.