Yakobho 2:7 - Eriiraghano Eriihë

⁷ Bhuure bhuure taanyi ibho bhakoretoka eriina ichömu re Yesu Kirisito rino mokobherekereru?

Yakobho 2:7 Iomraidhean Croise

Mataayo 1:23

“Mööhi! Omuukë uno ataamara amënya omosubhe naghughëgha anda, nawe nakwibhora omoona o ghesiite! Nabho mbakomoroka eriina reeche Emanweri.” Egheteemoro keeche, “Eryobha ndeenyi haghirohamu na niitu.”

Mataayo 12:24

Amare hano Amabharisaayo bhooghwire ghayo, bhakabhugha, “Omooto uno nakuhëëbha emisambu kwo bhotoro bho Bherisebhuuri, omokoro o misambu ghyose.”

Mataayo 27:63

Bhakamobhoorera bhakabhugha, “Oo omutëmi, tokahiita kubha omuröngö wuure hano are akeere muhöru, ꞉naasiikiire akabhugha, ‘Mo‑rosiko ro ghatato, nekoryoka koru mo‑bhaku.’

Amaköri gha Bhatomu 11:26

Hano amobhwine, akamurëëta hayo Antiyokiya. Bhayo bhabhere bhaghiikara na abhaato bha riikanisa kwo mooka moghima, bhaakabha bhareeghi abhaato bhaaru chwee ighoro e Yesu. Hayo Antiyokiya niho abhaghëndi bha Yesu bhasëëmiri kobherekeru Abhakirisito.

Amaköri gha Bhatomu 15:17

niho abhaato bha matöngö bhoose mbaghuntabhara, bhaare nebhabherekiire kubha bhabhe abhaato bhaane. Amangʼana ghayo, eni neghoghaköra,

Amaköri gha Bhatomu 26:11

Wiiki neere neraghe mo‑masinaghooghi gha Bhayahuuti kobharööna‑mu mara kaaru, mbagha bhamwange Yesu. ꞉Neebhakarariire chwee, mbagha neekabha nerabhatabhara koru na mo‑meghya ghe chaase echende.

Amaköri gha Bhatomu 4:12

“Obhotoori mbokubhönëka kwo riina re Yesu Kirisito omwene chiri! Retaanyi‑ho eriina erende mo‑se ino rino rekwëndëru ghototoori itu, ne eriina re Yesu eryene chiri!”

Abhaebheeso 3:15

uno anyi simoka e bhyose bhino bheenyi mo‑se na Mwishaaro.

1 Timotewo 1:13

꞉Naaköriri hangʼu, nangabha ekimbërë hayo ꞉neemotokiri, na neere mutarighanu ghokooche, wiiki ꞉neebhanyaakiri abhaato bhaache. Amare, iwe ꞉naandoochiire changori, gho kubha neere neraköra ghayo kwo bhuraghaanu bhoone na gho kwanga kubha no obhokumi.

1 Bheetero 4:16

Amare wowoose uno akunyaaka gho kubha m‑Mokirisito, atarighi chaasoni. Amare areghongi Eryobha gho kobherekeru eriina riyo.

Obhohunyurëru 19:13

Naare abheekiri andachana ino etibhuru mo‑masaahë. Eriina reeche nabherekiiru, “Angʼana e Ryobha.”

Obhohunyurëru 19:16

Omooto uyo naare ne eriina rino reere ryandëkiri mo‑ndachana yaache eribhaara re mwitango kubha, omukangati o bhakangati no omutëmi o bhatëmi.