Yakobho 2:5 - Eriiraghano Eriihë

⁵ Abhahiiri bhaane abhasiighani, muntëghëërërë bhoheene! Eryobha ndebhahwire abhaato abhahabhe mo‑se ino kubha bhatore kubha abhaame mo‑bhokumi na ghosongʼaana obhutëmi bhuno rebharaghiire bhaare bharesiighiri.

Yakobho 2:5 Iomraidhean Croise

Mataayo 11:5

Kubha, abhahuku ˆbhakarighi, na abhabhëëru ˆbhaghaghënda, na abhabhabharu bha mbiti ˆbhakahöra, na abhakiro bhakooghu, na abhaku ˆbhakaryoka. Wiiki, abhahabhe ˆbhakaraghaneru Angʼana Anchömu e Ryobha.

Mataayo 25:34

“Niho eni uno neenyi Omutëmi nekobhabhoorera abhaato bhaare bhaanyi okubhökö koone gho kwiro nebhughe, ‘Muuche, inyu bhano Taata waane abhitabhiiri. Musöhë mo‑bhutëmi bhuno Eryobha rebhasëëmiire korwera ghutëëmu gho se ino.

Mataayo 5:3

“Ngʼoni bhano bhaanyi abhahabhe mo‑chaakörö, gho kubha obhutëmi bho Mwishaaro m‑bhobhoobho.

Maariko 7:14

Yesu aghakoma erikinda re bhaato wiiki, akabhabhoorera akabhugha, “Inyu bhoose muntëghëërërë, moghamanyë amangʼana ghaane.

Ruuka 12:21

Yesu akamareereri gho kobhugha kubha, “Hangʼu ekuucha kubha, kwo mooto wowoose uno akwinyaaki gho ghwikomera na ghwitoorera obhwame bho mo‑se ino, amare taanyi gho ghwitoorera obhwame kwo Ryobha re Mwishaaro.”

Ruuka 12:32

“Motatiina, inyu erikinda isuuhu, gho kubha Iso waanyu uno anyi Mwishaaro nasiighiri kobhaha obhutëmi bhooche.

Ruuka 16:22

“Antenero, omuhabhe Rasaaro aghaku. Bhamarayika bhakamohira Mwishaaro, haghuhe na Abhurahamu. Omwame wuure woose aghaku, akaryeku aghaye nyaari.

Ruuka 16:25

“Amare, Abhurahamu akamugharokeri, ‘Oo omoona waane, ohiite kubha ꞉noobhwine amangʼana amachömu mo‑riimanya reecho, hano ore mo‑se. Rasaaro nawe, ꞉naabhwine amabhe. Amare ibheere, iwe nakuhönibhu hano, na niiye nokunyaaka.

Ruuka 22:29

Ibheere, nekobhaköra mubhe abhatëmi, kinya bhuure Taata waane ꞉anköriri kubha Omutëmi,

Ruuka 6:20

Yesu aghaghëgha amiisho akabhamööhërëri abhaanabheegha bhaache, akabhabhoorera akabhugha, “Ngʼoni inyu bhano moonyi bhahabhe ibheere, gho kubha obhutëmi bho Ryobha m‑bhobhoonyu.

Yohana 7:48

Kana, naanyi‑ho omukangati wowoose wuure hamu Omubharisaayo umu uno amokumiri?

Amaköri gha Bhatomu 7:2

Siteebhano aghagharokeri akabhugha, “Abhahiiri bhaane na bhataata bhaane, muntëghëërërë! Eryobha re bhokumi obhokoro ꞉ndeemorweriire sookoro wiito Abhurahamu mo‑se e Mesobhotamiya, eriibhagha riyo naare akeere ghusaamera mo‑moghya o Haraani.

Abharuumi 8:17

Mbe, aribha itu n‑abhaana bha Ryobha toonyi, ntubheere abhaghabhi bhaache. Ntoghosongʼaana aghabho yiito haghirohamu na Kirisito. Amare kino ghekwëndëru ghokwito ibheere n‑kubha, tusange anyaako haghirohamu na Kirisito, kubha na niitu tusange haghirohamu nawe mo‑bhokumi bhooche obhokoro.

1 Abhakorinto 2:9

Amare n‑kinya bhuno yandëkuru mo‑Mandëkö Amatööbhiyu kubha, “Ghano Eryobha ꞉reebhasëëmiire bhano bharesiighiri, taanyi‑ho omooto uno are ashamiri ghogharighi koru ghoghooghu, taanyi‑ho omooto uno are ashamiri ghoghatoora mo‑motema waache.”

2 Abhakorinto 4:15

Ibheere amangʼana ghoose ghano ghaghotubhöna, ngaghotubhöna gho ghiri yaanyu, kubha aghareeya e Ryobha ebhahikere abhaato bhaaru chwee, kubha abhaato bhëëngërë koriitabheri Eryobha. Kurëngʼaana na ghayo, Eryobha ndekwëndërëra ghoghongibhu.

2 Abhakorinto 6:10

Wiiki ntokorighibhu kinya ntwitumatiri, amare eriibhagha ryose ntoghuchömëru. Ntokorighibhu kubha m‑bhahabhe toonyi, amare abhaaru ntobhaamihiri. Ntokorighibhu kubha totaanyi na ghyokyose, amare ntoonyi ne ebheghiro bhyose.

2 Abhakorinto 8:9

Ghokera ghayo, mweche kinya bhuno Omutëmi wiito Yesu Kirisito abhaheere aghareeya yaache. Nangabha are omwame, aghiiköri kubha muhabhe gho ghiri yaanyu, kubha gho nchëra e bhuhabhe bhooche, inyu mubhe abhaame.

Abhaebheeso 1:18

Kurëngʼaana na kubha Eryobha ndebhatooriri korimënya, neghusabha rebhatoori kumënya eriitëngʼërö rino ꞉moosongʼaaniri eriibhagha rino rebhabherekiire. Wiiki motore kumënya obhwame bho ghabho yaache kwo bhatööbhiyu,

Abhaebheeso 3:8

Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.

1 Abhatesaronike 2:12

kubha mubhe moratambana ghano Eryobha resiighiri. Eryobha niryo rekobhabherekera kubha, mubhe haase e bhukangati no obhokumi bhooche obhokoro.

2 Abhatesaronike 1:5

Mbe, ghoose ghayo ngakwërëki kubha, Eryobha ndeghotena ekiina kwo bhuhëënë. Ibheere gho ghotena ekiina kuyo inyu mokubharu kubha mokurëngʼaanera mo‑bhutëmi bhooche, nikyo inyu mokunyaakibhu.

1 Timotewo 6:18

Wiiki obhabhoorere bhakörë amachömu, kubha bhabhe abhaame mo‑maköri amachömu. Bhabhe bhararuusi na ghusanga obhwame bhoobho na abhande.

2 Timotewo 4:18

Nyeeche kubha nakwëndërëra ghontoori mo‑mabhe ghoose na ghonchonga, mbagha ahiki mo‑bhutëmi bhooche bho Mwishaaro. Omutëmi Yesu aghongibhu emiishe ne emiishe. Hawubhaabha.

2 Timotewo 4:8

Ibheere neghughanya okwene kuhaabhu atuho e bhuhëënë. Omutëmi Yesu, omoteni o kiina uno anyi obhuhëënë, nakuuha atuho orosiko ruure ro ghugharuka kooche. Atuho iyo nteekuhaabhu eni mwene, amare na abhande bhoose bhano bhaghwitëngʼëra kwo miigha ghugharuka kooche.

Abheebhuraaniya 11:26

Musa ꞉naarooche ghotoku gho ghiri e Kirisito nkoonyi no obhwame ghokera kubhöna agharinga yoose e mo‑se e Miisiri. ꞉Naaköriri hangʼu gho kubha naare ariitëngʼëra atuho ino Eryobha rekomuha chaasiko chino chekuucha.

Yakobho 1:12

Ngʼoni omooto uno aghoghumereri ghusakibhu, gho kubha hano aghokinda ghusakibhu, Eryobha ndekomuha atuho yaache e bhuhöru bho miishe ghyose, kinya ꞉riiraghiri kobhaha bhoose bhano bharesiighiri.

Yakobho 1:16

Abhahiiri bhaane abhasiighani, motangʼiinu.

Yakobho 1:19

Abhahiiri bhaane abhasiighani, muntëghëërërë bhoheene! Omooto woose abhe mwango o ghutëghëërëra, amare atabha mwango o ghosiikëra hamu ghukarara,

Yakobho 1:9

Omokumi omuhabhe uno ataanyi no obhwëra nakwëndëru achömëru gho kubha Eryobha ndemoghongiri.

1 Bheetero 1:4

Ibheere ntoghughanya ghughabha orubhango runo Eryobha retindekiri Mwishaaro, gho ghiri yaanyu. Orubhango ruyo rotaaghotora kobhusha, hamu ghusarëka, hamu kunyaara.

2 Bheetero 1:11

Gho ghuköra hangʼu, moghughënëhu bhoheene mo‑bhutëmi bho miishe ghyose bho Mutëmi no Omotoori wiito Yesu Kirisito.

Obhohunyurëru 2:9

Nyeeche anyaako yaanyu no obhuhabhe bhoonyu. Amare mahëënë inyu m‑bhaame moonyi! Wiiki nyeeche amatoki ghano bhaghughamba ighoro yaanyu na bhano bhakwibherekera kubha n‑Abhayahuuti, abhaato bha Ryobha, amare tiyaanyi. Bhayo n‑abhaghëndi bha Rishambu.

Obhohunyurëru 21:7

Wowoose uno aghokinda amasaki, nekomuha ghayo ghoose. Eni neekubha Eryobha reeche, iwe niwe akubha omoona waane.

Obhohunyurëru 3:18

Gho ghayo, nekobharwacha moghore koru ghokoone asahaabhu ino yeghuru no omororo kubha mubhe abhaame. Moghore angibho ayeero, mobhise ekingʼaabhi keenyu kubha motarighi chaasoni. Wiiki moghore omote o kuhaka mo‑miisho kubha motore korighi.