Yakobho 1:21 - Eriiraghano Eriihë

²¹ Gho ghayo, mutaane no obhobhe bhoose, haghirohamu na amabhe maaru ghano ghaghashiri. Moyighöötë gho kwinyööhi angʼana ino Eryobha retooriri mo‑metema gheenyu, gho kubha niyo eghotora kobhatoori.

Yakobho 1:21 Iomraidhean Croise

Mataayo 5:5

Ngʼoni bhano bhaanyi abhahörëëru, gho kubha mbaghughabha ase.

Yohana 6:63

Akörö e Ryobha niyo ekobhaha abhaato obhuhöru. Omooto taaghotora ghuköra ghyokyose gho changuru cheeche omwene. Amangʼana ghano nebhabhooriire n‑gha Akörö e Ryobha, nagho ngakoruusi obhuhöru.

Yohana 6:68

Simiyooni Bheetero akamugharokeri akabhugha, “Oo Omutëmi, toghi waawe? Iye omwene noonyi na amangʼana ghano ghaghotuha obhuhöru bho miishe ghyose.

Amaköri gha Bhatomu 10:33

Nikyo ghighëriri neghatoma abhaato ghokoocho bhwango, iye woose nuköriri bhoheene kuucha. Ibheere itu bhoose ntoonyi ambërë e Mutëmi Waryobha, kubha tutëghëërërë amangʼana ghoose ghano Omutëmi akuhatëkiri otobhoorere.”

Amaköri gha Bhatomu 13:26

“Abhahiiri bhaane, inyu abhaato bha rwibhoro ro Abhurahamu, na niinyu abhaato bha matöngö aghande bhano mokoryoghwera Eryobha, itu niitu totomuuru angʼana iyo anchömu e bhotoori.

Abharuumi 1:16

Eni nteekorighi chaasoni kuraghani Angʼana Anchömu iyo, gho kubha nibho obhotoro bho Ryobha bhuno bhoghotoori abhaato bhoose bhano bhakomokumi Yesu, korwera mo‑Bhayahuuti mbagha mo‑bhaato bha matöngö.

Abharuumi 11:17

Ibheere, ebhisaghe ebhimu mbenunguru, na niinyu bhano moonyi kinya ebhisaghe bhe miseyituuni ghi ibhara moghaghöötanibhu moghasanga haghirohamu ne ebhisaghe bhe museyituuni uno otaanyi wi ibhara. Ebhisaghe bhyose mbekubhöna ebhiinyakurë koru mo‑merya ghe museyituuni o kare.

Abharuumi 6:17

Kare, inyu moore abhasësë bha masari. Amare nekoriitabheri Eryobha, gho kubha ibheere mwisheriiri kwo metema gheenyu ghyose ghosooka ameeghi gha bhuhëënë ghano ꞉moosongʼaaniri.

1 Abhakorinto 15:2

Aribha moraghööta amangʼana ghano ꞉niiraghiini ghokoonyu, hayo mokubhöna obhotoori. Amare aribha motaaghoghaghööta, obhokumi bhoonyu mbookubha bhotaanyi no obhwëra.

2 Abhakorinto 7:1

Ibheere, abhasiighani bhaane, Eryobha ndeturaghiri amangʼana ghayo ghoose, gho ghayo twiyeri mo‑ghoose ghano ghaghotuköra kubha abhaghonchu mo‑mebhere na mo‑metema ghiito. Tubhe abhatööbhiyu kwo mangʼana ghoose gho nchëra e koresooka Eryobha.

Abhaebheeso 1:13

Inyu bhoose abhaato bha matöngö, ꞉muughöötiine na Kirisito hano mooghwire angʼana e hëënë na koyekumi, niyo Angʼana Anchömu e bhotoori bhoonyu. Eryobha ryose gho kwërëki kubha inyu na abhaato bhaache moonyi, rekabhatoorera ekingʼöchö gho kobhaha Akörö Ahörëëru ino ꞉reeturaghiire.

Abhaebheeso 4:22

Mbe, motighe ghano moore moraköra ekimbërë, asughara e kare ino eghusarëka, gho ghutambana amiigha ghano ghakobhangʼiina,

Abhaebheeso 4:25

Gho ghayo, motighe obhuröngö. Omooto woose nakwëndëru kobhoorera mughëndi waache obhuhëënë, gho kubha itu bhoose n‑ebhyemo bhe mobhere o Kirisito toonyi.

Abhaebheeso 5:4

Motasiikëra amangʼana gha chaasoni, na amangʼana gha ghighëëghë hamu kuhakaana, ghayo ghataakwëndëru ghokoonyu. Amare amangʼana ghano ghakwëndëru, n‑gha koriitabheri Eryobha.

1 Abhatesaronike 1:5

Ntweche hangʼu gho kubha, hano toore toraraghani Angʼana Anchömu bhowaanyu, totaraghiini kwo mangʼana agheene hangʼu. Amare nturaghiini gho changuru na gho Körö Ahörëëru na kwo bhuhëënë. Inyu mweche bhoheene bhuno toore haghirohamu na niinyu, kubha tobhatoorereri.

1 Abhatesaronike 2:13

Gho ghayo, itu ntokoriitabheri Eryobha totaaghotigha naabha, gho kubha hano mutëghëëriire angʼana yaache koru ghokwito, motayiisheriiri kinya angʼana e mooto. Amare kinya angʼana e Ryobha, na hëënë hangʼu keenyi. Angʼana iyo niyo eghuköra emeremo moose e metema gheenyu, inyu bhano momokumiri.

Tiito 2:11

Ubhe oreeghi amangʼana ghayo ghoose, gho kubha Eryobha ndyërëkiri aghareeya yaache, gho kurëëta obhotoori mo‑bhaato bhoose.

Abheebhuraaniya 12:1

Mbe, gho kubha ntoonyi ne erikinda ikoro re bhiibhateri bhano bhatwinariiri, tobheruusi bhyose bhino bheghotuhööchërëra, wiiki toghatighe amasari ghano ghaghotoghwishi. Wiiki toyaare ahönta ino Eryobha retooriri ambërë yiito kwo bhoghumereri.

Abheebhuraaniya 2:3

Aribha ꞉ghaaköruru hangʼu ghokoobho, kana, itu ntoghotora bhu kuhöna ghoteneru ekiina aribha totaaghotereera obhotoori obhokoro kinya bhuno? Omutëmi Yesu niwe uno asëëmiri kuraghani obhotoori bhuyo na abhaato bhano ꞉bhooghwire, ꞉mbaahëënëhiri ghokwito kubha m‑mahëënë.

Abheebhuraaniya 4:2

Na niitu nturaghaniiru Angʼana Anchömu kinya bhuno bhasookoro bhiito bhoose ꞉bhooghwire. Amare ibho eriibhagha ꞉bhooghwire amangʼana ghayo, ghatabhatooriri ghyokyose gho kubha bhataaghakumiri.

Yakobho 4:8

Mubhe morariishukerera Eryobha, niho ryose, rekobhiishukerera inyu. Inyu bhano moonyi bha masari, motighe amasari ghaanyu na ghuköra amachömu, inyu bhano moonyi na amiihëëbhö abhere, ghate e Ryobha na ase, moritambane gho chaakörö cheenyu choose.

Yakobho 5:20

mumënyë kubha, uno akomugharoki omooto uno ataasiri koru mo‑masari ghaache, naakubha amuhöniri akörö yaache koru mo‑roko, na amasari ghaache maaru ngakwabhëru.

1 Bheetero 1:22

Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,

1 Bheetero 1:9

gho kubha moghosongʼaana obhotoori bhoonyu. Obhotoori bhuyo nikyo ekebhune ke bhokumi bhoonyu.

1 Bheetero 2:1

Mbe, motighe obhobhe bhoose, no obhuröngö bho manga ghoose, na amangʼana amabhe ne eriihari, koru kobhiiherana.

1 Bheetero 2:11

Abhasiighani bhaane, inyu m‑bhaghëni moonyi na abhaheti mo‑se ino. Gho ghayo nekobhasasaama kubha, motiishereri amiigha ghaanyu amabhe, ghano ghaghokindana na niinyu, ghabhakinde.