Yakobho 1:11 - Eriiraghano Eriihë

¹¹ Hano eryobha rehaarasa no omu ubhara, nohoomi emimërö ne ebhibhari mbehaagho no obhuchömu bhooche bhosira. Hangʼu hangʼu no omwame woose, arabha mo‑mahöki ghaache, nimu aghokwera.

Yakobho 1:11 Iomraidhean Croise

Mataayo 13:6

Amare hano omu ubhariri, emimërö ghiyo ghekanyaara na kooma, gho kubha emerya gheeche ghetaare gheghiire haase.

Mataayo 20:12

‘Abhaato bhaare mbaköriri emeremo gho sa imu hangʼu! Kana, nibhu keenyi oghatoreha turëngʼiine nabho eriibhagha itu ntuköriri emeremo miköngʼu chwee no omu ꞉nootutëmiri mwishe moghima?’

Mataayo 6:30

Mbe, aribha Eryobha ndehaabheeki amanyaaki ghi ibhara koru nangabha ghaanyi‑ho reero na tabhoori ngakurëkëru mo‑mororo, ibheere, nibhu reghuköra retighe kobhabheeki inyu ghokera ebhibhari bhe manyaaki ghayo? Neke abhaato bhano moonyi no obhokumi bhosuuhu?

Maariko 4:6

Hano omu ubhariri, emimërö ghekanyaara na kooma, gho kubha emerya gheeche ghetaare gheghiire haase.

1 Abhakorinto 7:31

Abhaato bhano bhakunyaaka na amangʼana gha mo‑se ino, bhabhe kinya bhataakunyaakera bhobhe amangʼana ghayo, gho kubha ase ino kinya tokoyerighi ibheere, nekoheta.

1 Bheetero 1:4

Ibheere ntoghughanya ghughabha orubhango runo Eryobha retindekiri Mwishaaro, gho ghiri yaanyu. Orubhango ruyo rotaaghotora kobhusha, hamu ghusarëka, hamu kunyaara.

1 Bheetero 5:4

Hano Omoriishi Omokoro o riikanisa akuucha korighibhu haheero, nakobhatuha chaatuho che bhokumi obhokoro. Chaatuho chiyo chetaakobhusha naabha.