Yakobho 1:10 - Eriiraghano Eriihë

¹⁰ Amare omwame woose, nakwëndëru achömëru hano aghwikibhu ne Eryobha, gho kubha nakuucha kobhora kinya ebhibhari bhi ibhara.

Yakobho 1:10 Iomraidhean Croise

Mataayo 5:3

“Ngʼoni bhano bhaanyi abhahabhe mo‑chaakörö, gho kubha obhutëmi bho Mwishaaro m‑bhobhoobho.

Mataayo 6:30

Mbe, aribha Eryobha ndehaabheeki amanyaaki ghi ibhara koru nangabha ghaanyi‑ho reero na tabhoori ngakurëkëru mo‑mororo, ibheere, nibhu reghuköra retighe kobhabheeki inyu ghokera ebhibhari bhe manyaaki ghayo? Neke abhaato bhano moonyi no obhokumi bhosuuhu?

1 Abhakorinto 7:31

Abhaato bhano bhakunyaaka na amangʼana gha mo‑se ino, bhabhe kinya bhataakunyaakera bhobhe amangʼana ghayo, gho kubha ase ino kinya tokoyerighi ibheere, nekoheta.

Abhabhiribhi 3:8

Koru taanyi ghayo agheene, amare nerighi ghoose kubha ghataanyi no obhwëra bho ghokera obhwëra obhokoro bho komumënya Kirisito Yesu, Omutëmi waane. Gho ghiri yaache, netighiri aghande ghoose. Neghoghabhara ghayo kinya abhuusa, kubha nibhe omooto o Kirisito,

1 Timotewo 6:17

Obhabhoorere abhaame bha mo‑se ino bhatighe kwihacha na ghwitëngʼëra obhwame bhoobho. Obhwame bhuyo m‑bho riibhagha ighuhe hangʼu. Amare, bhariitëngʼërë Eryobha rino reghotuha ebheghiro bhyose gho ghusambaaruka kooche, kubha tobhihökëri gho ghuchömëru.

Yakobho 4:14

Inyu moteeche kebhuno eriimanya reenyu reekubha tabhoori! Obhuhöru bhoonyu n‑ghento ke? Nekobhugha hangʼu gho kubha, inyu n‑kinya omooki uno okorighibhu kwo riibhagha isuuhu hano okumara obhora.

1 Bheetero 1:24

Kinya Mandëkö Amatööbhiyu ghakobhugha, “Abhaato bhoose n‑kinya amanyaaki, no obhuchömu bhoobho n‑kinya ebhibhari bhe mo‑manyaaki. Amanyaaki ngahaanyaara ne ebhibhari mbehaagho,

1 Yohana 2:17

Ase haghirohamu na amiigha ghaache amabhe, mbekoheta. Amare wowoose uno aghuköra amënda gha Ryobha, naakubha no obhuhöru bho miishe ghyose.