Obhohunyurëru 9:2 - Eriiraghano Eriihë

² Eghiighora eriiribha riyo. Rekarwera‑mu eryoki ryaru kinya re riinata ikoro. Koru eryobha ne eriighoro bheekabha bhetaakorighibhu gho ghiri e ryoki re mwiribha riyo.

Obhohunyurëru 9:2 Iomraidhean Croise

Amaköri gha Bhatomu 2:19

Neghuköra ebhiraghe ighoro mwishaaro, ne ebhyërëkërëri hano mo‑se. Abhaato mbakorighi ebhyërëkërëri bhe masaahë, no omororo, no omooki o ryoki mokoro.

Obhohunyurëru 14:11

Eryoki re mororo uyo uno okobhanyaaki, ndeghotiira ighoro emiishe ghyose. Abhaato bhayo bhataakubhöna obhuchömu obhotiko no omwishe, gho kubha ꞉mbaasëngiire oghotyenyi ghuure na asanaamu yaache na ghotooreru eriina reeche.”

Obhohunyurëru 16:10

Niho marayika o ghataano akahoma eghetibha keeche mo‑ghetumbe ghe ghitëmi ghe ghotyenyi ghuyo. Hayo hayo ekengʼuuri gheghakundekeri obhutëmi bhooche na abhaato bhakiiromaroma chandeme cheebho kwo bhororo.

Obhohunyurëru 8:12

Marayika o kane woose aghatëma antaara yaache. Eriiteneka rimu ghwi ishato re ryobha, na re mwëri na re chanchöta bheghatëmu, haakabha ne ekengʼuuri. Eriiteneka rimu ghwi ishato re mwishe reghatigha kurëngaari ne eriiteneka rimu ghwi ishato re bhotiko rekabhori obhwero.

Obhohunyurëru 9:1

Akamara, marayika o ghataano woose aghatëma antaara yaache. Hayo nekarighi anchöta ino ere yiikiri koru Mwishaaro, na ghugho mo‑se. Ekahaabhu orohunguro ro mwirooma re mashambu.

Obhohunyurëru 9:11

Ncheere no omutëmi uno are marayika omokoro o rirooma re mashambu. Marayika uyo gho Kebhuraaniya nakobherekeru Abhatooni na gho Keyunaani nakobherekeru Abhoriyooni, egheteemoro keeche “n‑Omosireekereri.”

Obhohunyurëru 9:17

Mo‑marighi ghaane, ꞉neerooche chabharaasi chiyo na bhano ꞉bhaare bhachetiiriri. Mbaare bhabheekiri changubha mo‑bhekubha, changubha chiyo ncheere che range ambararatu, no obhuruuru na manchana. Nekarighi emitu ghe chabharaasi ngeere kinya emitu ghe chaaka. Mo‑menu gheebho, hakarwera emirëngaari ghe mororo, ne eryoki na amabhohe gha kebhiriiti ghano ghaghwaka.