Obhohunyurëru 6:10 - Eriiraghano Eriihë

¹⁰ Niho chaakörö chiyo, cheghaköra eriireghe cherabhugha, “Oo Omutëmi, Omutööbhiyu no Omuhëënë, ngwake ˆoghakëëchëra! Nyingake oghotenera ekiina abhaato bha se na korehani asiire e ghotwita?”

Obhohunyurëru 6:10 Iomraidhean Croise

Ruuka 2:29

“Oo Omutëmi omokoro, ibheere nongatighiri eni omutamishi waacho, neku kwo murëmbë, gho kubha nuköriri kinya ꞉ombooriire,

Ruuka 21:22

Mo‑chaasiko chiyo, Eryobha ndekorehani asiire, kubha amangʼana ghoose ghano ꞉ghaandëkuru na abharööti bha kare, ghahikeerane.

Abharuumi 12:19

Abhasiighani bhaane, motarehani asiire, amare motighere Eryobha rikörë ghayo. Neghosiikëra hangʼu, gho kubha mo‑Mandëkö Amatööbhiyu Omutëmi Waryobha nakobhugha kubha, “Korehani asiire n‑emeremo gheene, eni niwe nekorehani asiire.”

Abheebhuraaniya 12:24

Inyu mohikiri o Yesu, omughöötani o Riiraghano Eriihë, na kwo masaahë ghaache ghano ꞉ghiitëkiri mo‑musarabha gho ghiri e masari ghiito. Amasaahë ghayo, taanyi kinya amasaahë gha Abheeri, ghano ꞉ghëëndiri korehani asiire.

2 Bheetero 2:1

Amare mo‑riibhagha re bharööti, ꞉mbaarweriire abharööti bha bhuröngö ghate e Abhiisiraeri, kinya bhuno abheeghi bha bhuröngö bhaakubha ghate yaanyu. Abhaato bhayo mbaghusöhi kwo bhobhe ameeghi gha korumeeri abhaato, na mbakomwanga Omutëmi Yesu, uno abhatingwiri. Gho ghuköra hangʼu mbakwirëëtëra ghosireekerera koobho abheene kwo bhwango.

Obhohunyurëru 11:18

Abhaato bhano bhataaghoghokumi ꞉mbaakurëghiri, amare eriibhagha re korehani asiire ˆrekahika. Ibheere n‑eriibhagha re ghoteneru ekiina abhaato bhano bhakuure. Niryo eriibhagha re kobhatuha abhatamishi bhaacho abharööti, na abhatööbhiyu bhaacho bhoose bhano bhaghosookiri, bha myeya emekoro ne emesuuhu. Rino niryo eriibhagha re ghusari abhaato bhoose bhano bhaghusari ase.”

Obhohunyurëru 18:20

Muchömëru inyu bhano mumanyiri Mwishaaro. Muchömëru abhatööbhiyu, na abhatomu na abharööti, gho kubha Eryobha ndeteniire ekiina omoghya uyo gho ghaare obhaköriire inyu.

Obhohunyurëru 18:24

Mo‑moghya muyo, ngaare‑mu amasaahë gha bharööti na gha bhatööbhiyu, haghirohamu na amasaahë gha bhaato bhoose bhano bhiituru mo‑se ino.”

Obhohunyurëru 19:2

gho kubha ghotena ekiina kooche n‑kwo mahëënë no obhuhëënë. Nateniire ekiina omusöngörëëri omokoro uno asariri ase kwo bhutaari bhooche. Eryobha ndemorehiini asiire gho ghiri e masaahë gha bhatamishi bhaache.”

Obhohunyurëru 3:10

Ndekuucha eriibhagha re nyaako mo‑se ingima, na abhaato bhoose mbakurëngighu. Amare eriibhagha riyo, nekobhachonga inyu, gho kubha ꞉mooghumeriiri anyaako kinya ꞉neebharagheriiri.

Obhohunyurëru 3:7

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Bhirateribhiya, no omobhoorere obhughe, ‘Eni neeni Omutööbhiyu uno neenyi o muhëënë. Wiiki eni neenyi no orohunguro ro bhukangati ro mutëmi Tawuti. Neriighara orwighe, taanyi‑ho owonde uno aghotora ghwighora. Neriighora, taanyi‑ho owonde uno aghotora ghwighara.