Obhohunyurëru 4:8 - Eriiraghano Eriihë

⁸ Kira ghetyenyi mo‑bhiyo bhine, nkeere na amabhabha asaasabhe. Amabhabha ghayo ngaare na amiisho moose na anche. Mbeere bhereemba obhotiko no omwishe, bhetaaghokira. Omwembo oweene niwe uno, “Omutööbhiyu, Omutööbhiyu, Omutööbhiyu, n‑Omutëmi Waryobha o Bhotoro Bhoose, uno anyi‑ho, na korwera simoka naare‑ho, na naakubha‑ho.”

Obhohunyurëru 4:8 Iomraidhean Croise

Amaköri gha Bhatomu 20:31

Gho ghayo, mubhe amiisho! Mubhe morahiita kubha, ꞉niimariri emeeka etato, obhotiko no omwishe nerabhashaangʼi omooto woose, gho changishori.

2 Abhakorinto 6:18

Neekubha Iso waanyu, na niinyu mookubha abhaana bhaane bha ghesubhe na bha ghikari. Hangʼu nibhu Omutëmi Waryobha o Bhotoro Bhoose, akobhugha!”

1 Abhatesaronike 2:9

Bhahiiri bhiito, mokohiita ghwiköngʼi kwito na kunyaaka kwito, gho kubha ntoore toraköra emeremo obhotiko no omwishe. Ntoore toraköra hangʼu, kubha eriibhagha tokuraghani Angʼana Anchömu e Ryobha totaacha komunyaaki omooto wowoose ghate yaanyu.

1 Timotewo 4:16

Wëndërërë ghochonga atëëmö yaacho na ameeghi ghaacho. Örëëndërëra ghuköra hangʼu, noghwitoori iye omwene na bhano bhaghoghutëghëërëra.

2 Timotewo 4:2

Ibheere, ubhe oraraghani Angʼana Anchömu e Ryobha. Ubhe wiisëëmiri ghuköra hangʼu eriibhagha ryoryose, kwo riibhagha rino rirëngʼaaniire na rino retarëngʼaaniire. Ubhe oratöngëra, no orahiinya no orabhaköngʼi abhaato. Ukörë hangʼu, ino oreeghi kwo bhoghumereri bhoose.

Abheebhuraaniya 13:8

Yesu Kirisito w‑wuure wuure, icho, na reero ne emiishe ghyose.

Obhohunyurëru 1:4

Eni Yohana ˆnekabhaandëkëra anyaarubha ino abhaghëndi bha Yesu bha makanisa mohungate ghano ghaanyi mo‑mukööwa o Asiya. Nëköbhëëndëra aghareeya no omurëmbë, koru kwo Waryobha uno anyi‑ho, na korwera simoka naare‑ho, na naakubha‑ho, na koru gho Chaakörö mohungate chino cheenyi ambërë e ghetumbe ghe ghitëmi,

Obhohunyurëru 1:8

Omutëmi Waryobha nakobhugha kubha, “Eni neeni Simoka na Antenero, uno anyi‑ho, na korwera simoka naare‑ho na naakubha‑ho. Eni n‑Eryobha re Bhotoro Bhoose.”

Obhohunyurëru 11:17

“ˆOghachömi Omutëmi Waryobha o Bhotoro Bhoose. ꞉Noore‑ho korwera simoka, na koru ibheere niho onyi. Nuhökiiri obhotoro bhoocho bhokoro, ni ibheere noghukangata ase ingima.

Obhohunyurëru 14:11

Eryoki re mororo uyo uno okobhanyaaki, ndeghotiira ighoro emiishe ghyose. Abhaato bhayo bhataakubhöna obhuchömu obhotiko no omwishe, gho kubha ꞉mbaasëngiire oghotyenyi ghuure na asanaamu yaache na ghotooreru eriina reeche.”

Obhohunyurëru 14:3

Abhaato ekirara kimu ne ebheku miröngö ene na bhane bhayo (144,000), mbaare bhiimeeriire ambërë e ghetumbe ghe ghitëmi, na ambërë e bhetyenyi bhiire bhine bhe bhuhöru, na abhagharuka bhaare miröngö ebhere na bhane. Abhaato bhayo mbaare bhareemba omwembo omuhë, na taanyi‑ho owonde uno atoriri kwegha omwembo uyo, nanyinga abhaato bhano bhatooriibhu koru mo‑se abheene.

Obhohunyurëru 15:3

Mbaare bhareemba omwembo o Musa omusësë o Ryobha, no o Moona o Ngʼöndu, bharabhugha, “Omutëmi Waryobha o Bhotoro Bhoose, amaköri ghaacho m‑makoro na gha koroghoori. Iye niiye Omutëmi o matöngö ghoose, na chanchëra cheecho n‑che hëënë, na che bhuhëënë.

Obhohunyurëru 15:7

Umu o bhetyenyi bhiire bhine akabhaha bhamarayika bhayo mohungate kira umu eghetibha ghe sahaabhu kino ghiichwire obhororo bho Ryobha rino reenyi ihöru emiishe ne emiishe.

Obhohunyurëru 16:14

Emisambu ghiyo ngeere no obhotoro bho ghuköra ebhyërëkërëri, ne emeremo gheebho n‑ghuye kobhakoma abhatëmi bhoose bha mo‑se bhakörë eriihë mo‑rosiko orokoro ro Ryobha re Bhotoro Bhoose.

Obhohunyurëru 16:7

Niho nekooghu eriiraka koru ahaghiro ha koruuseri amaruusi rerabhugha, “Oo, Omutëmi Waryobha o Bhotoro Bhoose, oghotena ekiina keecho n‑kwo mahëënë na kwo bhuhëënë.”

Obhohunyurëru 19:15

Ekinyamiino ekyeghi nkehaaru mo‑monu waache kubha, ahiche abhaato bha matöngö. Naghoghakangata no obhotoro bhokoro. Iwe niwe ahaatacha chasabhiibhu mo‑gheghiro ghe ghochemitera, kino ghekwërëki obhororo bho Ryobha re Bhotoro Bhoose.

Obhohunyurëru 19:4

Abhagharuka bhaare miröngö ebhere na bhane haghirohamu ne ebhetyenyi bhiire bhine bheghagho kebhuuma, bhakarisëngëra Eryobha rino riikeere mo‑ghetumbe ghe ghitëmi bharabhugha, “Hawubhaabha! Reghongibhu Eryobha!”

Obhohunyurëru 21:22

Nterooche Erisëngërö re Ryobha mo‑moghya uyo, gho kubha Omutëmi Waryobha o Bhotoro Bhoose, haghirohamu no Omoona o Ngʼöndu niryo Erisëngërö reeche. Gho ghayo, hataanyi na amënda ha haghiro ha ghusëngëra.

Obhohunyurëru 3:7

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Bhirateribhiya, no omobhoorere obhughe, ‘Eni neeni Omutööbhiyu uno neenyi o muhëënë. Wiiki eni neenyi no orohunguro ro bhukangati ro mutëmi Tawuti. Neriighara orwighe, taanyi‑ho owonde uno aghotora ghwighora. Neriighora, taanyi‑ho owonde uno aghotora ghwighara.

Obhohunyurëru 4:4

Mbeere‑ho ebhetumbe ebhende bhe ghitëmi miröngö ebhere na bhine bhiinaariiri eghetumbe kiire ghe ghitëmi. Mo‑bhetumbe bhiyo, mbaare bhiikeere abhagharuka miröngö ebhere na bhane. Mbaare bhabheekiri changibho cheero na chahuuru che sahaabhu mo‑mitu gheebho.

Obhohunyurëru 4:6

Ambërë e ghetumbe kiyo, ꞉haare ne egheghiro kinya anyancha e kiröri. Anyancha iyo, neere kinya eriibhohe rino rekubhari chwee. Ghateghate e ghetumbe ghe ghitëmi na abhagharuka bhaare, ꞉haare ne ebhetyenyi bhine bhe bhuhöru. Bhiinaariiri chambaara choose che ghetumbe ghe ghitëmi. Ebhetyenyi bhiyo mbeere na amiisho ahaghiro hoose.

Obhohunyurëru 4:9

Ebhetyenyi bhiyo bhine mbeere bheramoghongi, na komosooka na komwitabheri wuure are ikeere mo‑ghetumbe ghe ghitëmi, uno amanyiri emiishe ghyose.

Obhohunyurëru 5:6

Mbe, haghuhe ne eghetumbe kiire ghe ghitëmi, nekarighi Omoona o Ngʼöndu imeeriire. Naare inaariiru ne ebhetyenyi bhiire bhine na abhagharuka bhaare miröngö ebhere na bhane. ꞉Naarighiibhu anga kinya asinchuru. Naare na chahëmbë mohungate na amiisho mohungate. Amiisho ghayo n‑Chaakörö mohungate che Ryobha chino cheere chetomuru mo‑se yoose.

Obhohunyurëru 6:1

Nekamara nekarighi Omoona o Ngʼöndu aranaanura omohuuri wuure o nyaghame o mumbërë mo‑mehuuri ghiire mohungate. Achekumara eghetyenyi kimu ghate e bhiire bhine, ghekaruusi eriiraka kinya re runanehi, kerabhugha, “Nuuche!”

Obhohunyurëru 6:6

Nekooghu egheghiro kinya eriiraka, rerarwera ghateghate e bhetyenyi bhiire bhine, rerabhugha, “Amareho gha mwishe moghima ngaghoghora akiro imu e bhotu bho ngano, hamu chakiiro ishato che bhotu bho shayiri. Amare otasari amaghuta hamu adivaayi.”

Obhohunyurëru 7:11

Bhamarayika bhoose mbaare bhiimeeriire bhiinaariiri eghetumbe ghe ghitëmi, na abhagharuka bhaare miröngö ebhere na bhane ne ebhetyenyi bhiire bhine. Bhoose bhaaghagho kebhuuma ambërë e ghetumbe kiyo, bhakarisëngëra Eryobha,

Obhohunyurëru 7:15

Nikyo bhaanyi ambërë e ghetumbe ghe ghitëmi ke Ryobha. Mbakomuhökëri obhotiko no omwishe Mwisëngërö reeche. Naryo Eryobha rino riikeere mo‑ghetumbe keeche ghe ghitëmi, ndeekubha haghirohamu nabho na kobhachonga.