Obhohunyurëru 3:10 - Eriiraghano Eriihë

¹⁰ Ndekuucha eriibhagha re nyaako mo‑se ingima, na abhaato bhoose mbakurëngighu. Amare eriibhagha riyo, nekobhachonga inyu, gho kubha ꞉mooghumeriiri anyaako kinya ꞉neebharagheriiri.

Obhohunyurëru 3:10 Iomraidhean Croise

Mataayo 24:14

Wiiki Angʼana Anchömu e bhutëmi bho Mwishaaro nekuraghanibhu mo‑matöngö ghoose kubha abhaato bhoose bhayimënyë. Kwo riibhagha riyo, niho antenero e se ekuucha.

Mataayo 26:41

Mutëngë na ghusabha, motaacha ghusöha mo‑masaki. Akörö nekwënda ghoghumereri amasaki, amare omobhere toonyi na changuru.”

Mataayo 6:13

Wiiki otatusöhi mo‑masaki, amare ototoori no Omobhisa wuure, [gho kubha obhutëmi m‑bho bhoocho, na changuru, no obhokumi obhokoro, koru emiishe ghyose. Hawubhaabha.]’”

Maariko 14:9

Mahëënë ˆnekabhabhoorera, hohoose hano abhaato bhaakubha bhararaghani Angʼana Anchömu mo‑se ino, mbaakubha bharabhugha rino ꞉anköriire omukari uno, gho komohiita.”

Ruuka 2:1

Mo‑chaasiko chiyo Yohana ꞉ibhwiru, Kayisaari Aghosito akabhugha kubha, abhaato bhoose bha chaase cheeche, bhaghëndë kwiyandëka.

Yohana 17:6

“Oo Taata, nekohunywire kebhuno onyi iye mo‑bhaato bhano oheere mo‑se ino. Ibho mbaare bhabhaacho, iye okaaha eni. Wiiki mbaköriri ghoose ghano ore obharagheriiri.

Abharuumi 1:8

Nisëëmë gho kobhugha kubha, nekoriitabheri Eryobha kohetera kwo Yesu Kirisito, gho ghiri yaanyu bhoose, gho kubha amangʼana ighoro e bhokumi bhoonyu ngamënyuru mo‑se yoose.

1 Abhakorinto 10:13

Amasaki ghano ꞉ghaabhabhwine inyu, n‑kinya ghano abhaato abhande bhakubhöna chaasiko choose. Eryobha n‑ihëënë, iryo retaakobhatigha musakibhu ghokera changuru cheenyu. Eriibhagha inyu moghusakibhu, Eryobha ndekobhaha changuru che ghoghumereri na anchëra e kohorokera muyo kwo murëmbë.

Abhaebheeso 6:13

Gho ghayo, mwinate ebhiröönërö bhyose bhino Eryobha rebhaheere, kubha orosiko ro bhobhe, motore ghwitachura. Moramara kurööna mbagha antenero, mookubha mokeere muköngʼiiri.

2 Timotewo 2:12

Aribha toghoghumereri, ntoghutëmi haghirohamu nawe. Aribha toramwanga, woose naghotwanga.

Yakobho 3:12

Abhahiiri bhaane, omote uno okobherekeru omotiini noghotora ghusönga amakorobhese gha mote o miseyituuni? Hamu omote o musabhiibhu usöngë amakorobhese gha mote o motiini? Ekerika ke manche gha moonyo, ghetaaghotora koruusi amanche amachömëërëru.

1 Bheetero 4:12

Abhasiighani bhaane, motahagha ighoro e masaki mahaari ghano ghakorwera ghate yaanyu ghusaki obhokumi bhoonyu. Motarighi kinya n‑egheghiro ghighëni kino ghekobhabhöna.

2 Bheetero 2:9

Gho ghayo, Omutëmi Waryobha neeche kinya akobhatoori mo‑masaki abhaato bhano bhakomosooka. Wiiki neeche kebhuno akobharööna abhaköri bha masari mo‑rosiko ruure ro kobhatenera ekiina,

Obhohunyurëru 1:9

Eni Yohana n‑omokumi omughëndi waanyu neenyi. Nighöötiine na niinyu ghoghumereri kunyaaka gho ghiri e Yesu Kirisito no obhutëmi bhooche. Neere nihööchëriiru mo‑gheghinga ke mo‑nyancha kino ghekobherekeru Bhaatimo. ꞉Niihööchëriiru iyo gho ghiri e kuraghani angʼana e Ryobha, na koruusi obhwibhateri ighoro e Yesu.

Obhohunyurëru 11:10

Oroko ro bharööti bhayo bhabhere, ndoghuköra abhaato bhano bhataakorekumi Eryobha mo‑se bhachömëru na ghuköra obhughëni na kuhaanana chaatuho. Mbaghuköra hangʼu, gho kubha abharööti bhayo ꞉mbaabhirighwiri chwee.

Obhohunyurëru 13:10

Omooto uno ꞉ëndiiru ghughöötu mwihë, naghughöötu mwihë. Omooto uno ꞉ëndiiru ghwitu ne ekinyamiino, naghwitu ne ekinyamiino. Ibheere abhatööbhiyu mbakwëndëru bhaghumereri na ghokumi.

Obhohunyurëru 13:14

Kwo bhyërëkërëri bhino rihaabhuru ghuköra gho ghiri e ghotyenyi ghuure o ghumbërë, ghokabhangʼiina bhano bhataare bharakumi mo‑se. Ghokabhabhoorera abhaato bhabhaache asanaamu e ghosooka oghotyenyi ghuure o ghumbërë ghuno ghunyahaaruru ne ekinyamiino, amare ghökëëndërëra kubha ghuhöru.

Obhohunyurëru 13:8

Abhaato bhoose ase ingima mbaghoghusëngëra oghotyenyi ghuyo, nanyinga abhaato bhano amariina ghaabho ghaandëkuru mo‑Ghitabhu ke Bhuhöru korwera hano ase ino ere ekeere ghutëëmu. Eghitabhu kino n‑ke Moona o Ngʼöndu uno ꞉asinchuru.

Obhohunyurëru 14:12

Ibheere abhatööbhiyu mbakwëndëru bhaghumereri. Bhayo nibho bhaghöötiri emeghiro ghe Ryobha na komokumi Yesu.

Obhohunyurëru 14:6

Nekamara, nekarighi marayika owonde arituumuka ghateghate e riighoro. Marayika uyo naare na Angʼana Anchömu e miishe ghyose e kuraghaneri abhaato bhano bhiikeere mo‑se, kwo bhaato bha chaase choose, na amatöngö ghoose, ne ebhighambo bhyose na abhahiiri bhoose mo‑se ingima.

Obhohunyurëru 16:14

Emisambu ghiyo ngeere no obhotoro bho ghuköra ebhyërëkërëri, ne emeremo gheebho n‑ghuye kobhakoma abhatëmi bhoose bha mo‑se bhakörë eriihë mo‑rosiko orokoro ro Ryobha re Bhotoro Bhoose.

Obhohunyurëru 17:2

Abhatëmi bha se mbataariri nawe, na abhaato bha se nabho mbarëëwuru no bhutaari bhooche, kinya omooto uno anywire amaro.”

Obhohunyurëru 17:8

Oghotyenyi ghuno orooche, ekimbërë ngoore ghuhöru amare ibheere ngokuure. Ibheere haghuhe ghoonyi koru mwirooma re mashambu, amare Eryobha ndeghoghosireekereri. Abhaato bhoose bha se bhano amariina ghaabho ghataandëkuru mo‑Ghitabhu ke Bhuhöru korwera ghutëëmu gho se, mbakoroghoora korighi oghotyenyi ghuyo gho kubha ngoore‑ho, ghokamara ghoghaku, amare ghoghagharuka wiiki.”

Obhohunyurëru 2:10

Motatiina anyaako ino ekuucha ghokoonyu. Mumööhi! Erishambu ndekobhasaki gho kobhatoora abhamu ghate yaanyu mwighërëcha. Inyu mokunyaaka gho chaasiko ikomi. Amare mubhe abhahëënë ghokoone, mbagha ghoku, na neeni nekobhaha atuho e bhuhöru bho miishe ghyose.

Obhohunyurëru 3:8

Nyeeche amaköri ghaanyu. Mööhi! Eni nebhighoriire orwighe, koru taanyi‑ho omooto uno aghotora korwighara. Koru nangabha changuru cheenyu cheenyi insuuhu, amare mughöötiri ameeghi ghaane, motanyangiri kubha m‑bhaghëndi bhaane moonyi.

Obhohunyurëru 6:10

Niho chaakörö chiyo, cheghaköra eriireghe cherabhugha, “Oo Omutëmi, Omutööbhiyu no Omuhëënë, ngwake ˆoghakëëchëra! Nyingake oghotenera ekiina abhaato bha se na korehani asiire e ghotwita?”

Obhohunyurëru 8:13

Nekamara nekarighi amatoonyi inkoro eriibhururuka ghateghate e riighoro. Neere eraköra eriireghe erabhugha, “Horeera mokorighi! Horeera mokorighi! Horeera mokorighi inyu bhano moghwikara mo‑se, hano cheghutëmu chantaara chiire ishato chino chisaaghiri. Bhamarayika bhayo ibheere mbamariri ghwisëëmi ghochitëma!”