Obhohunyurëru 22:12 - Eriiraghano Eriihë

¹² Yesu nakobhugha, “Mööhi! Nekuucha bhwango. Nekuucha nemorehe omooto woose kurëngʼaana na amaköri ghaache.

Obhohunyurëru 22:12 Iomraidhean Croise

Mataayo 16:27

Eni uno neenyi Omoona o Mooto nekuucha haghirohamu na bhamarayika bhaane mo‑bhokumi obhokoro bho Taata waane. Niho nekomoreha omooto wowoose kurëngʼaana ne emeremo gheeche.

Abharuumi 14:12

Gho ghayo, omooto woose ghate yiito, naghwitonda omwene ambërë e Ryobha.

1 Abhakorinto 3:14

Erabha emeremo ghe mooto gherasaagha, omooto uyo naghosongʼaana atuho.

1 Abhakorinto 3:8

Uno akwemi na uno akohomeerera bhoose mbarëngʼiine, Eryobha ndekomuha omooto woose atuho yaache, kurëngʼaana na kinya bhuno aköriri emeremo gheeche.

Obhohunyurëru 11:18

Abhaato bhano bhataaghoghokumi ꞉mbaakurëghiri, amare eriibhagha re korehani asiire ˆrekahika. Ibheere n‑eriibhagha re ghoteneru ekiina abhaato bhano bhakuure. Niryo eriibhagha re kobhatuha abhatamishi bhaacho abharööti, na abhatööbhiyu bhaacho bhoose bhano bhaghosookiri, bha myeya emekoro ne emesuuhu. Rino niryo eriibhagha re ghusari abhaato bhoose bhano bhaghusari ase.”

Obhohunyurëru 2:23

Wiiki, mahëënë nekobhiita kimu abhaghëndi bhaache. Niho abhaato bha makanisa ghoose bhakumënya kubha eni nekumööhërëri akörö na amiihëëbhö gha mooto woose. Wiiki nekoreha omooto woose ghate yaanyu kurëngʼaana na amaköri ghaache.

Obhohunyurëru 20:12

Nekarighi abhaku bhoose, bhano bhaanyi ne emyeya na bhano bhataanyi ne emyeya bhiimeeriire ambërë e eghetumbe kiire ghe ghitëmi. Niho ebhitabhu bhino bhyandëkuru amaköri gha bhaato bhoose bhekahunyuru. Wiiki eghitabhu ekende ghekahunyuru, kiyo n‑Eghitabhu ke Bhuhöru keere. Abhaku bhayo ꞉mbaateniiru ekiina kurëngʼaana na amaköri ghaabho ghano ꞉ghaandëkuru mo‑ghitabhu muyo.

Obhohunyurëru 22:20

Iwe uno akoruusi obhwibhateri bhooche ighoro e mangʼana ghano nakobhugha, “Hëënë, ˆnekaacha bhwango.” Hawubhaabha. Nuuche Omutëmi Yesu!

Obhohunyurëru 22:7

Yesu nakobhugha, “Tëghëërëra! ˆNekaacha bhwango. Ngʼoni bhano bhaghosooka na ghoghatambana amangʼana gha bhurööti bho ghitabhu kino.”

Obhohunyurëru 3:11

Nekuucha ibheerebheere! Moghaghöötërërë bhoheene amachömu ghayo moonyi nagho, kubha omooto ataacha kobhahöka atuho yaanyu.