Obhohunyurëru 21:8 - Eriiraghano Eriihë

⁸ Amare abhatiini, na bhano bhataakorekumi Eryobha, na bhano bhakorikarari Eryobha, na abhiiti, na abhataari, na abhaturutumbi, na abhasëngëri bha misambu, na abharöngö, bhayo bhoose ahaghiro haabho n‑anyancha e mororo muhaari chwee. Na ruyo niro oroko ro kabhere.”

Obhohunyurëru 21:8 Iomraidhean Croise

Mataayo 10:28

Motabhatiina bhano bhaghwita omobhere, amare bhataaghotora ghwita akörö. Mokwëndëru moretiine Eryobha eryene chiri rino reghotora ghosireekereri omobhere haghirohamu na akörö mo‑riiribha re mororo.

Mataayo 25:25

꞉Neetiiniri kobhori ataranta yaacho, neeghaye nekayebhisa mo‑maröbhë. Ibheere, imoki ataranta yaacho ino.’

Mataayo 8:26

Iwe akabhugha, “Ngwake kana moghotiina, inyu abhaato bhano moonyi no obhokumi bhosuuhu?” Niho akiimeerera, akahiinya obhukama ne emekunda ghe manche, anyancha ekahörëëra.

Maariko 9:44

Iyo niho chaangʼunyu cheeche chetaaghoku, no omororo waache tookorima.]

Yohana 8:44

Inyu n‑abhaana bhi iso waanyu Erishambu, wiiki mokwënda ghuköra ghano taata waanyu aghwighomba. Erishambu n‑diiti korwera kare, wiiki retasiighiri kwimeerera mo‑bhuhëënë gho kubha, obhuhëënë bhotaanyi mo‑motema waache. Aribha Erishambu rekobhugha obhuröngö, iyo n‑atëëmö yaache gho kubha iryo n‑iröngö wiiki n‑taata o bharöngö bhoose.

2 Abhatesaronike 2:9

Eriibhagha re kuucha kooche, Omwigharurani uyo, nakuucha na changuru choose che Rishambu na ghuköra ebhyërëkërëri ne ebhiraghe bhe bhuröngö.

1 Timotewo 4:2

Ameeghi ghayo, ngaakubha ghareeghibhu na chaghughuuti, wiiki m‑bharöngö bhano amiihëëbhö gha chaakörö cheebho ghateeche amachömu na amabhe, n‑kinya gheekuru no omororo.

Tiito 1:16

Abheene mbakobhugha kubha mbeeche Eryobha, amare amaköri ghaabho ngakwërëki kubha, mbakoryanga. Bhayo mbaghukarari, na m‑bhiigharori, na bhataakurëngʼaanera kwo ngʼana yoyoose anchömu.

Abheebhuraaniya 12:24

Inyu mohikiri o Yesu, omughöötani o Riiraghano Eriihë, na kwo masaahë ghaache ghano ꞉ghiitëkiri mo‑musarabha gho ghiri e masari ghiito. Amasaahë ghayo, taanyi kinya amasaahë gha Abheeri, ghano ꞉ghëëndiri korehani asiire.

Abheebhuraaniya 13:4

Obhokwiri mbokwëndëru ghosooku na abhaato bhoose, wiiki omosubhe no omukari bhiikabhaahane no obhutaari gho kubha Eryobha ndekobhatenera ekiina abhaato bhoose bhano bhaghuköra obhutaari.

1 Yohana 2:22

Omooto omobhiihi n‑niwe? Omooto omobhiihi w‑wowoose uno akwanga kubha Yesu n‑Kirisito. Wowoose uno akomwanga Taata Waryobha na Yesu Omoona waache niwe omobhisa o Kirisito.

1 Yohana 3:15

Wowoose uno amurëghiri mughëndi waache, n‑omwiti. Mweche kubha taanyi‑ho omwiti uno anyi no obhuhöru bho miishe ghyose moose yaache.

1 Yohana 5:10

Wowoose uno akomokumi Omoona o Ryobha, nakumiri kubha obhuhëënë bhuyo m‑bho mahëënë. Amare uno ataakorekumi Eryobha, nakobhugha kubha Eryobha n‑iröngö, gho kubha tabhwisheriiri obhuhëënë bhuno Eryobha ꞉reeruusiri ighoro e Moona waache.

Obhohunyurëru 14:10

omooto uyo woose naakunyo adivaayi e bhororo bho Ryobha. Adivaayi iyo n‑indoro kinya amaro ghano ghatasangeriini na amanche. Eryobha eryene ndekomwitoorerera omooto uyo mo‑ghisënchö ke bhororo bhooche, anyo. Eryobha ryose ndekomunyaaki mo‑mororo muhaari chwee ambërë e bhamarayika abhatööbhiyu na ambërë e Moona o Ngʼöndu.

Obhohunyurëru 19:20

Amare oghotyenyi ghuyo, haghirohamu no omurööti o bhuröngö uno aköriri ebhyërëkërëri ambërë yaache, ꞉mbiimokiibhu ke bhano bhaghööturu mwihë. Gho ghuköra ebhyërëkërëri bheeche bhiyo, omurööti uyo o bhuröngö nangʼiiniri abhaato bhano bhatoriiru ekingʼöchö no oghotyenyi ghuyo na ghusëngëra asanaamu yaache. Bhoose bhabhere ꞉mbaarëkiiru bhaanyi abhahöru mo‑nyancha e mororo muhaari chwee.

Obhohunyurëru 2:11

Uno anyi na amatu atëghëërërë amangʼana ghano Akörö Ahörëëru eghoghabhoorera amakanisa. Omooto wowoose uno aghokinda amasaki, omororo o miishe ghyose tookomoturi naabha. Omororo uyo n‑oroko ro kabhere.’”

Obhohunyurëru 2:2

Nyeeche amaköri ghaanyu, na ghwiköngʼi koonyu no obhoghumereri bhoonyu. Wiiki nyeeche kubha motaaghughöötana na abhaato abhabhe. Mobhisunchiri bhano bhakwibherekera n‑abhatomu ino tiyaanyi, mokobhamënya kubha m‑bharöngö.

Obhohunyurëru 21:27

Amare ghetaanyi‑ho ghyokyose kino keenyi gheghonchu kino gheghusöha mo‑moghya uyo, koru omooto wowoose uno aghuköra amangʼana gha chaasoni hamu ghosiikëra obhuröngö. Amare, abhaato bhano bhaghusöha mo‑moghya uyo m‑bhaare amariina ghaabho ghaandëkuru mo‑Ghitabhu ke Bhuhöru ke Omoona o Ngʼöndu.

Obhohunyurëru 22:15

Amare abhaturutumbi bhoose, na abhataari, na abhiiti, na bhano bhaghusëngëra emisambu na abhande bhoose bhano bhasiighiri ghosiikëra obhuröngö, mbaakubha anche e moghya uyo kinya chaseese.

Obhohunyurëru 9:17

Mo‑marighi ghaane, ꞉neerooche chabharaasi chiyo na bhano ꞉bhaare bhachetiiriri. Mbaare bhabheekiri changubha mo‑bhekubha, changubha chiyo ncheere che range ambararatu, no obhuruuru na manchana. Nekarighi emitu ghe chabharaasi ngeere kinya emitu ghe chaaka. Mo‑menu gheebho, hakarwera emirëngaari ghe mororo, ne eryoki na amabhohe gha kebhiriiti ghano ghaghwaka.

Obhohunyurëru 9:21

Bhatatuukuuniire ghwitana koobho, no obhoturutumbi bhoobho, no obhutaari bhoobho no obhwibhi bhoobho.