Obhohunyurëru 21:2 - Eriiraghano Eriihë

² Nekamara nekarighi omoghya omutööbhiyu, niwe Yerusareemu ahë, oriika koru Mwishaaro kwo Waryobha. Omoghya uyo noore uchöchuru kinya bhuure omokwiru ahaachöchu kwo mosubhe waache.

Obhohunyurëru 21:2 Iomraidhean Croise

Yohana 3:29

Omokwiru nahëëndëru ghuye kwo mokwiri. Eni neenyi kinya bhuure omusaani o uno aghokwira, niimeeriire rubhareka rooche na neghuchömëru eriibhagha nekooghu eriiraka reeche. Mahëënë neghuchömëru ne emeremo ghino chwee.

2 Abhakorinto 11:2

Eni nekobharigheri eriihari. Eriihari riyo ndeekoru kwo Waryobha, gho kubha moonyi kinya omuukë uno ataamara amisi no omosubhe, uno nemwishereriiri ghokwiru no omosubhe umu hangʼu, omosubhe uyo n‑Kirisito.

Abheebhuraaniya 11:10

Abhurahamu ꞉naaköriri hangʼu, gho kubha naare ariitëngʼëra kumanya mo‑moghya uno onyi no obhoroso bhuköngʼu, omoghya uno Eryobha eryene ꞉reewusëëmiri na kowaabhëka.

Abheebhuraaniya 11:16

Amare abhaato bhayo mbaare bhariighomba ase anchömu chwee. Ase iyo n‑ase e Mwishaaro. Nikyo Eryobha retaakorighi chaasoni kobherekeru Eryobha reebho, gho kubha ndimariri ghusëëmi omoghya gho ghiri yaabho.

Abheebhuraaniya 12:22

Amare inyu mohikiri mo‑gheghoro ghe Sayuuni, hano haanyi no omoghya o Yerusareemu e Mwishaaro. Omoghya uyo n‑omoghya o Ryobha rino reenyi ihöru. Mo‑moghya uyo mbiikomiine gho ghuchömëru bhamarayika ebheku ne ebheku.

Abheebhuraaniya 13:14

Tukörë hangʼu gho kubha mo‑se ino totaanyi no omoghya o miishe ghyose, amare ntoghughanya ghusöha mo‑moghya o Mwishaaro uno okuucha.

Obhohunyurëru 1:1

Bhuno n‑obhohunyurëru bho Yesu Kirisito. ꞉Naahaabhuru obhohunyurëru bhuno ne Eryobha, kubha abhëërëki abhatamishi bhaache amangʼana ghano ghakwëndëru korwera ghano matiko. Yesu woose aghatoma marayika waache kurëëta obhohunyurëru bhuyo kwo mutamishi waache Yohana.

Obhohunyurëru 1:4

Eni Yohana ˆnekabhaandëkëra anyaarubha ino abhaghëndi bha Yesu bha makanisa mohungate ghano ghaanyi mo‑mukööwa o Asiya. Nëköbhëëndëra aghareeya no omurëmbë, koru kwo Waryobha uno anyi‑ho, na korwera simoka naare‑ho, na naakubha‑ho, na koru gho Chaakörö mohungate chino cheenyi ambërë e ghetumbe ghe ghitëmi,

Obhohunyurëru 1:9

Eni Yohana n‑omokumi omughëndi waanyu neenyi. Nighöötiine na niinyu ghoghumereri kunyaaka gho ghiri e Yesu Kirisito no obhutëmi bhooche. Neere nihööchëriiru mo‑gheghinga ke mo‑nyancha kino ghekobherekeru Bhaatimo. ꞉Niihööchëriiru iyo gho ghiri e kuraghani angʼana e Ryobha, na koruusi obhwibhateri ighoro e Yesu.

Obhohunyurëru 11:2

Amare otarëngi eriigho re Risëngërö riyo, gho kubha mbahaabhuru abhaato bha matöngö. Ibho mbaghutacha omoghya omutööbhiyu o Yerusareemu kwo riibhagha re myëri miröngö ene ne ebhere.

Obhohunyurëru 21:10

Niho, Akörö Ahörëëru ekanyiikera, marayika uyo akaahira mbagha ighoro e gheghoro ghekoro, kire. Akanyëërëki omoghya omutööbhiyu o Yerusareemu oriika koru ighoro Mwishaaro kwo Waryobha.

Obhohunyurëru 21:9

Akamara marayika umu o bhaare mohungate bhano ꞉bhaare ne ebhetibha mohungate bhe chanaabhi mohungate che kumareereri akaacha akamboorera akabhugha, “Nuuche hano, nekwërëki omokwiru, uno akubha omukari o Omoona o Ngʼöndu.”

Obhohunyurëru 22:17

Akörö e Ryobha no omokwiru mbakomobherekera Omutëmi bharabhugha, “Nuuche!” Na abhaato bhoose bhano bhakooghu amangʼana ghayo bhabhughe, “Nuuche!” Wowoose uno anyi na anyööta, uno akwënda amanche, ache anyo amanche gha bhuhöru bhoowa.

Obhohunyurëru 22:19

Wiiki omooto wowoose arayeruusi angʼana yoyoose koru mo‑mangʼana gha bhurööti bho ghitabhu kino, Eryobha ryose ndekobhoruusi obhuhëënë bhooche bho ghwikara mo‑moghya omutööbhiyu, no obhuhëënë bhooche bho kurë amakorobhese gha mote o kobhaha abhaato obhuhöru. Amangʼana gha moghya uyo no omote uyo mbyandëkuru mo‑ghitabhu kino.

Obhohunyurëru 3:12

Omooto wowoose uno aghokinda amasaki, nekomuköra abhe ambiro Mwisëngërö re Ryobha reene, nawe taakoru‑mu naabha. Neramara nekomwandëka eriina re Ryobha reene ne eriina re moghya o Ryobha reene. Omoghya uyo n‑Yerusareemu ahë, uno oghwika koru Mwishaaro kwo Waryobha. Wiiki nekomwandëka eriina reene eriihë.