Obhohunyurëru 20:12 - Eriiraghano Eriihë

¹² Nekarighi abhaku bhoose, bhano bhaanyi ne emyeya na bhano bhataanyi ne emyeya bhiimeeriire ambërë e eghetumbe kiire ghe ghitëmi. Niho ebhitabhu bhino bhyandëkuru amaköri gha bhaato bhoose bhekahunyuru. Wiiki eghitabhu ekende ghekahunyuru, kiyo n‑Eghitabhu ke Bhuhöru keere. Abhaku bhayo ꞉mbaateniiru ekiina kurëngʼaana na amaköri ghaabho ghano ꞉ghaandëkuru mo‑ghitabhu muyo.

Obhohunyurëru 20:12 Iomraidhean Croise

Mataayo 11:22

Amare, ˆnekabhabhoorera kubha orosiko ro ghoteneru ekiina inyu moghoteneru ekiina kwo bhororo ghokera ghoteneru ekiina abhaato bha meghya ghe Tiiro na Sitooni.

Mataayo 16:27

Eni uno neenyi Omoona o Mooto nekuucha haghirohamu na bhamarayika bhaane mo‑bhokumi obhokoro bho Taata waane. Niho nekomoreha omooto wowoose kurëngʼaana ne emeremo gheeche.

Ruuka 10:20

“Koru hangʼu, motasiighasiigha gho kubha emisambu ngekobhasooka. Amare, mosiighesiighe kwo ngʼana ino kubha, amariina ghaanyu ngamariri kwandëku Mwishaaro.”

Amaköri gha Bhatomu 24:15

Eni netooriri amiitëngʼërö kwo Waryobha, na bhoose mbaanyi ne riitëngʼërö riyo, kubha Eryobha ndekoryoki abhaku bhoose abhahëënë na abhaköri bha mabhe.

Abharuumi 2:6

Orosiko ruyo, Eryobha ndekomoreha omooto woose kurëngʼaana na amaköri ghaache.

1 Abhakorinto 4:5

Ibheere, motighe ghotenera ekiina abhaato eriibhagha reeche rekeere kohika, mughanye mbagha orosiko runo Omutëmi Yesu akuucha. Iwe niwe akobhetoora haheero ebheghiro bhyose bhino bhebhisuru mo‑kengʼuuri na kwërëki bhino bheenyi mo‑metema ghe bhaato. Niho omooto woose akubhöna aghongo ino emurëngʼaaniire, koru kwo Waryobha.

2 Abhakorinto 5:10

Hangʼu keenyi, gho kubha itu bhoose ntokwimeerera ambërë e ghetumbe ghe Kirisito ghe ghotenera ekiina. Gho ghayo, omooto woose naghosongʼaana amareho kurëngʼaana na ghano aghuköra mo‑se ino, ghabhe amachömu hamu ghabhe amabhe.

Abhabhiribhi 4:3

Koru iye uno onyi omutamishi omughëndi waane omuhëënë, neghusabha obhasakeri abhakari bhayo bhabhere bhabhe no obhoghwani. Bhayo bhoose bhabhere ꞉mbiiköngʼiri chwee haghirohamu na neeni kuraghani Angʼana Anchömu e Yesu Kirisito mo‑bhaato. Wiiki abhakari bhayo mbaare bharaköra emeremo haghirohamu na Kireementi na abhahöki bhaghëndi bhaane abhande. Amariina gha bhaato bhayo bhoose ngaandëkuru mo‑Ghitabhu ke Bhuhöru.

Obhohunyurëru 11:18

Abhaato bhano bhataaghoghokumi ꞉mbaakurëghiri, amare eriibhagha re korehani asiire ˆrekahika. Ibheere n‑eriibhagha re ghoteneru ekiina abhaato bhano bhakuure. Niryo eriibhagha re kobhatuha abhatamishi bhaacho abharööti, na abhatööbhiyu bhaacho bhoose bhano bhaghosookiri, bha myeya emekoro ne emesuuhu. Rino niryo eriibhagha re ghusari abhaato bhoose bhano bhaghusari ase.”

Obhohunyurëru 13:8

Abhaato bhoose ase ingima mbaghoghusëngëra oghotyenyi ghuyo, nanyinga abhaato bhano amariina ghaabho ghaandëkuru mo‑Ghitabhu ke Bhuhöru korwera hano ase ino ere ekeere ghutëëmu. Eghitabhu kino n‑ke Moona o Ngʼöndu uno ꞉asinchuru.

Obhohunyurëru 17:8

Oghotyenyi ghuno orooche, ekimbërë ngoore ghuhöru amare ibheere ngokuure. Ibheere haghuhe ghoonyi koru mwirooma re mashambu, amare Eryobha ndeghoghosireekereri. Abhaato bhoose bha se bhano amariina ghaabho ghataandëkuru mo‑Ghitabhu ke Bhuhöru korwera ghutëëmu gho se, mbakoroghoora korighi oghotyenyi ghuyo gho kubha ngoore‑ho, ghokamara ghoghaku, amare ghoghagharuka wiiki.”

Obhohunyurëru 19:5

Mbe, nekooghu eriiraka erende koru mo‑ghetumbe ghe ghitëmi rerabhugha, “Momoghongi Waryobha wiito, inyu abhatamishi bhaache bhoose. Momoghongi inyu bhano mokomusëngëra, bhano moonyi ne emyeya emekoro ne emesuuhu!”

Obhohunyurëru 2:23

Wiiki, mahëënë nekobhiita kimu abhaghëndi bhaache. Niho abhaato bha makanisa ghoose bhakumënya kubha eni nekumööhërëri akörö na amiihëëbhö gha mooto woose. Wiiki nekoreha omooto woose ghate yaanyu kurëngʼaana na amaköri ghaache.

Obhohunyurëru 20:11

Nekamara, nekarighi Eryobha riikeere mo‑ghetumbe kyero eghekoro ghe ghitëmi. Erishaaro na ase bhekangʼösa ambërë yaache na bhetaaroochiibhu wiiki.

Obhohunyurëru 20:13

Anyancha ekaruusi abhaku bhano ꞉bhaare‑mu. Oroko na nyaari bhyose bhekaruusi abhaku bhano ꞉bhaare‑mu. Omooto woose aghateneru ekiina kurëngʼaana na amaköri ghaache.

Obhohunyurëru 20:15

No omooto wowoose uno eriina reeche retaandëkuru mo‑Ghitabhu ke Bhuhöru, woose narëkiiru mo‑nyancha e mororo.

Obhohunyurëru 21:27

Amare ghetaanyi‑ho ghyokyose kino keenyi gheghonchu kino gheghusöha mo‑moghya uyo, koru omooto wowoose uno aghuköra amangʼana gha chaasoni hamu ghosiikëra obhuröngö. Amare, abhaato bhano bhaghusöha mo‑moghya uyo m‑bhaare amariina ghaabho ghaandëkuru mo‑Ghitabhu ke Bhuhöru ke Omoona o Ngʼöndu.

Obhohunyurëru 22:12

Yesu nakobhugha, “Mööhi! Nekuucha bhwango. Nekuucha nemorehe omooto woose kurëngʼaana na amaköri ghaache.

Obhohunyurëru 3:5

Omooto wowoose uno aghokinda amasaki, nekomobheeki changibho echeero kinya bhayo. Nteekoruusi naabha eriina reeche mo‑Ghitabhu ke Bhuhöru. Amare neghosiikëra haheero ambërë e Taata na bhamarayika bhaache kubha uno n‑o waane.