Obhohunyurëru 2:9 - Eriiraghano Eriihë

⁹ Nyeeche anyaako yaanyu no obhuhabhe bhoonyu. Amare mahëënë inyu m‑bhaame moonyi! Wiiki nyeeche amatoki ghano bhaghughamba ighoro yaanyu na bhano bhakwibherekera kubha n‑Abhayahuuti, abhaato bha Ryobha, amare tiyaanyi. Bhayo n‑abhaghëndi bha Rishambu.

Obhohunyurëru 2:9 Iomraidhean Croise

Mataayo 4:10

Yesu akarebhoorera akabhugha, “Iye Erishambu, nooru hano! Mööhi, yandëkuru mo‑Mandëkö Amatööbhiyu kubha, ‘Nekwëndëru omusëngëra Omutëmi Waryobha waacho, no omuhökëri iwe omwene chiri.’”

Ruuka 12:21

Yesu akamareereri gho kobhugha kubha, “Hangʼu ekuucha kubha, kwo mooto wowoose uno akwinyaaki gho ghwikomera na ghwitoorera obhwame bho mo‑se ino, amare taanyi gho ghwitoorera obhwame kwo Ryobha re Mwishaaro.”

Ruuka 22:65

Bhakamoruuseri amangʼana maaru gha matoki.

Ruuka 4:18

“Akörö e Mutëmi Waryobha, neenyi haghirohamu na neeni. Wiiki, nimariri konyaahura kobhamënyi, abhahabhe Angʼana Anchömu. Nentomiri kwo bhabhöhu, nebhabhoorere kubha mbaghotighooroku. Abhahuku, bhatore korighi wiiki, na bhano bhakunyaakibhu, nebhatoori.

Ruuka 6:20

Yesu aghaghëgha amiisho akabhamööhërëri abhaanabheegha bhaache, akabhabhoorera akabhugha, “Ngʼoni inyu bhano moonyi bhahabhe ibheere, gho kubha obhutëmi bho Ryobha m‑bhobhoonyu.

Yohana 16:33

Nebhughiri ghayo ghoose kubha mubhe no omurëmbë mo‑metema gheenyu, gho kubha moonyi moose yaane. Mo‑se muno mokubhöna anyaako yaaru, amare mwitoore omukörö gho kubha eni neyekindiri ase.”

Amaköri gha Bhatomu 14:22

Haghiro hoose hano bhaghiire ꞉mbaabhatooriri omukörö abhaghëndi bha Yesu, bhakabhabhoorera bhëëndërërë ghokumi amangʼana gha bhuhëënë ghano bheeghuru. Bhakabhatongera bharabhugha, “Ntokwëndëru ghusöha mo‑bhutëmi bho Ryobha gho kohetera anyaako yaaru.”

Amaköri gha Bhatomu 26:11

Wiiki neere neraghe mo‑masinaghooghi gha Bhayahuuti kobharööna‑mu mara kaaru, mbagha bhamwange Yesu. ꞉Neebhakarariire chwee, mbagha neekabha nerabhatabhara koru na mo‑meghya ghe chaase echende.

Abharuumi 12:12

Muchömëru gho kubha moonyi ne eriitëngʼërö re kubhöna ghoose ghano Eryobha ꞉reebharaghiire. Moghumereri mo‑nyaako ino ekobhabhöna, na mwëndërërë korisabha Eryobha.

Abharuumi 2:17

Ibheere iye n‑omooto uno okwibherekera kubha n‑Omuyahuuti o hëënë, na noghwitëngʼëra kubha noonyi no obhuhëënë ambërë e Ryobha gho ghughööta emeghiro ghe Musa, na nokwihacha kubha iye n‑omooto o Ryobha onyi.

Abharuumi 5:3

Koru nangabha anyaako yoyoose yiire eghotubhöna, itu ntokwëndërëra ghuchömëru, gho kubha ntweche kubha anyaako nehaarëëta obhoghumereri.

Abharuumi 8:35

N‑egheghiro ke kino gheghotora ghotutaani no obhosiighi bho Kirisito? Ghetaanyi‑ho! Koru nangabha toonyi mo‑nyaako inkoro, hamu amacheeche, na ntonganyaakibhu, hamu ntongatëmu na anchëra, ntongasuuheru amaghööti, na ntongatingʼi kobhori obhuhöru, hamu ghwitu, Kirisito nakwëndërëra ghotosiigha.

Abharuumi 9:6

Nteeghosiikëra kubha Eryobha ndekeyuru kohikeerani ghano ꞉riiraghiri kwo Abhiisiraeri. Tiyaanyi, gho kubha taanyi Abhiisiraeri bhoose bhano bhaahwiru ne Eryobha.

2 Abhakorinto 6:10

Wiiki ntokorighibhu kinya ntwitumatiri, amare eriibhagha ryose ntoghuchömëru. Ntokorighibhu kubha m‑bhahabhe toonyi, amare abhaaru ntobhaamihiri. Ntokorighibhu kubha totaanyi na ghyokyose, amare ntoonyi ne ebheghiro bhyose.

2 Abhakorinto 8:2

Haghirohamu na kubha abhakumi bhayo mbaare abhahabhe chwee na ꞉mbaasakiibhu mo‑nyaako e manga maaru, amare mbaare no oghuchömëru kwaru kuno ꞉ghuughëriri bhabhe abhasambaroku chwee koruusi ebheghiro bheebho.

2 Abhakorinto 8:9

Ghokera ghayo, mweche kinya bhuno Omutëmi wiito Yesu Kirisito abhaheere aghareeya yaache. Nangabha are omwame, aghiiköri kubha muhabhe gho ghiri yaanyu, kubha gho nchëra e bhuhabhe bhooche, inyu mubhe abhaame.

1 Abhatesaronike 3:4

Mweche ghayo, gho kubha hano toore haghirohamu na niinyu, ntoore torabhabhoorera kubha ntokunyaakibhu, na hangʼu ghabheere.

1 Timotewo 1:13

꞉Naaköriri hangʼu, nangabha ekimbërë hayo ꞉neemotokiri, na neere mutarighanu ghokooche, wiiki ꞉neebhanyaakiri abhaato bhaache. Amare, iwe ꞉naandoochiire changori, gho kubha neere neraköra ghayo kwo bhuraghaanu bhoone na gho kwanga kubha no obhokumi.

1 Timotewo 6:18

Wiiki obhabhoorere bhakörë amachömu, kubha bhabhe abhaame mo‑maköri amachömu. Bhabhe bhararuusi na ghusanga obhwame bhoobho na abhande.

Obhohunyurëru 1:9

Eni Yohana n‑omokumi omughëndi waanyu neenyi. Nighöötiine na niinyu ghoghumereri kunyaaka gho ghiri e Yesu Kirisito no obhutëmi bhooche. Neere nihööchëriiru mo‑gheghinga ke mo‑nyancha kino ghekobherekeru Bhaatimo. ꞉Niihööchëriiru iyo gho ghiri e kuraghani angʼana e Ryobha, na koruusi obhwibhateri ighoro e Yesu.

Obhohunyurëru 2:13

Eni nyeeche hano moghwikara, n‑ahaghiro hano Erishambu reghukangata. Koru hangʼu, mokwëndërëra ghonkumi. Koru eriibhagha riire omwibhateri waane omuhëënë Antibha ituru mo‑moghya waanyu uno Erishambu reghwikara, motanyangiri kubha m‑bhaghëndi bhaane moonyi.

Obhohunyurëru 2:2

Nyeeche amaköri ghaanyu, na ghwiköngʼi koonyu no obhoghumereri bhoonyu. Wiiki nyeeche kubha motaaghughöötana na abhaato abhabhe. Mobhisunchiri bhano bhakwibherekera n‑abhatomu ino tiyaanyi, mokobhamënya kubha m‑bharöngö.

Obhohunyurëru 2:24

Ibheere ghate yaanyu iyo Tiyatira, mbaanyi‑ho abhande bhano bhaanyi abhahëënë. Abhaato bhano bhataaghutambana ameeghi gha Yesebheeri uyo koru bhateeche ghayo abhande bhakobhugha kubha n‑ekebhisere ke Rishambu! Kwo bhaato abhahëënë bhano, nekobhugha kubha, ntëëköbhëëngërëërëri wiiki omorigho owonde.

Obhohunyurëru 3:9

Mutëghëërërë! Nekobharëëtëra inyu abhaghëndi bha Rishambu, bhano bhakwibherekera n‑Abhayahuuti, abhaato bha Ryobha, amare tiyaanyi, m‑bharöngö. Mbe, bhano nekobhaköra bhaache bhabhahighamere. Niho bhakumënya kubha, nebhasiighiri inyu.

Obhohunyurëru 7:14

Nekamugharokeri nekabhugha, “Oo omutëmi waane, iye niiye weeche.” Akamboorera akabhugha, “Abhaato bhayo mbakindiri anyaako yiire ankoro. ꞉Mbaahuriri chandachana cheebho kwo masaahë gha Moona o Ngʼöndu, cheekabha cheero chayi.