Obhohunyurëru 2:7 - Eriiraghano Eriihë

⁷ Uno anyi na amatu atëghëërërë amangʼana ghano Akörö Ahörëëru eghoghabhoorera amakanisa. Omooto wowoose uno aghokinda amasaki, nekomwisherereri kurë amakorobhese gha mote o kobhaha abhaato obhuhöru. Omote uyo noonyi Mwishaaro mo‑kinyaweera ke Ryobha.’”

Obhohunyurëru 2:7 Iomraidhean Croise

Mataayo 11:15

Omooto wowoose uno anyi na amatu gha kooghu, no oghu.

Mataayo 13:43

Mbe, abhaato bhoose bhano bhaanyi no obhuhëënë ambërë e Ryobha, mbaakubha bhararëngaari kinya eryobha mo‑bhutëmi bhwi Ishe waabho. Omooto wowoose uno anyi na amatu gha kooghu, no oghu!

Mataayo 13:9

Omooto wowoose uno anyi na amatu gha kooghu, no oghu!”

Maariko 4:9

Akamara Yesu akabhabhoorera kubha, “Omooto wowoose uno anyi na amatu gha kooghu, no oghu!”

Maariko 7:15

Ghetaanyi‑ho egheghiro kino ghekomusöha omooto kemukörë abhe moghonchu ambërë e Ryobha. Amare, ghano ghaakoru mo‑körö e mooto nigho ghakomuköra aghonche. [

Maariko 7:16

Omooto wowoose uno anyi na amatu gha kooghu, no oghu.]”

Ruuka 23:43

Yesu akamugharokeri akabhugha, “ˆNeghakobhoorera obhuhëënë, reero ino nookubha haghirohamu na neeni mo‑Chaasare.”

Ruuka 8:8

“Echende, cheghaghwera mwiröbhë ichömu. Chekamëra, chekabhyara imu riighana.” Hano amariri kobhugha ghayo, aghatiiri eriiraka arabhugha, “Omooto wowoose uno anyi na amatu gha kooghu, no oghu.”

Yohana 16:33

Nebhughiri ghayo ghoose kubha mubhe no omurëmbë mo‑metema gheenyu, gho kubha moonyi moose yaane. Mo‑se muno mokubhöna anyaako yaaru, amare mwitoore omukörö gho kubha eni neyekindiri ase.”

1 Abhakorinto 2:10

Amare itu, Eryobha ndetwërëkiri ghayo gho kohetera Akörö Ahörëëru, gho kubha Akörö Ahörëëru nehiisuncha ghoose, koru obhorwachi bho Ryobha bhuno bhobhisuru.

2 Abhakorinto 12:4

꞉niimokiibhu mbagha kohika iyo mo‑Chaasare. Iyo akooghu amangʼana gha koroghoori chwee ghano omooto ataaghotora ghosiikëra, wiiki taakurëngʼaanera ghoghasiikëra.

1 Yohana 2:13

Nabhaandëkiire bhataata, gho kubha momweche Yesu Kirisito, uno are‑ho korwera simoka. ˆNekabhaandëkëra abhabhureni, gho kubha morekindiri Erishambu. Nabhaandëkiire inyu abhaana, gho kubha momweche Taata Waryobha.

Obhohunyurëru 13:9

Uno anyi na amatu, atëghëërërë.

Obhohunyurëru 14:13

Nekooghu eriiraka koru Mwishaaro, rerabhugha, “Andëka hangʼu, korwera ibheere, ngʼoni abhaato bhoose bhano bhakuure ino bharamokumi Omutëmi Yesu.” Ekamara Akörö e Ryobha ekabhugha, “Hee, m‑mahëënë! Bhatore koweera kurëngʼaana ne emeremo gheebho emiköngʼu, gho kubha mbakubhöna atuho kwo maköri ghaabho amachömu.”

Obhohunyurëru 15:2

Wiiki nekarighi egheghiro kino keere kinya anyancha e kiröri ino isangeriini no omororo. Wiiki rubhareka hayo, mbaare bhiimeeriire abhaato bhano ꞉bhaare bhakindiri oghotyenyi ghuure, na asanaamu yaache, haghirohamu no omubharo o riina reeche. Abhaato bhayo mbaare bhaghöötëriire amatingo ghano ꞉bhaare bhahaabhuru ne Eryobha kubha bhamusëngërërë.

Obhohunyurëru 2:11

Uno anyi na amatu atëghëërërë amangʼana ghano Akörö Ahörëëru eghoghabhoorera amakanisa. Omooto wowoose uno aghokinda amasaki, omororo o miishe ghyose tookomoturi naabha. Omororo uyo n‑oroko ro kabhere.’”

Obhohunyurëru 2:17

Uno anyi na amatu atëghëërërë amangʼana ghano Akörö Ahörëëru eghoghabhoorera amakanisa. Omooto wowoose uno aghokinda amasaki, nekomuha eribhaara re bhiinyakurë bhe mana ino ere ebhisuru. Wiiki nekomuha eriibhohe eryero, ighoro e riibhohe riyo ndeekubha ryandëkuru eriina eriihë. Taanyi‑ho omooto uno akumanya eriina riyo nanyinga iwe uno ahaabhuru eriibhohe riyo.’”

Obhohunyurëru 21:7

Wowoose uno aghokinda amasaki, nekomuha ghayo ghoose. Eni neekubha Eryobha reeche, iwe niwe akubha omoona waane.

Obhohunyurëru 22:14

Ngʼoni abhaato bhano bhakohura chandachana cheebho, kubha bhiisherereru ghusöha omoghya uyo omuhë kohetera ekehita keeche na kurë amakorobhese gha mote o kobhaha abhaato obhuhöru.

Obhohunyurëru 22:17

Akörö e Ryobha no omokwiru mbakomobherekera Omutëmi bharabhugha, “Nuuche!” Na abhaato bhoose bhano bhakooghu amangʼana ghayo bhabhughe, “Nuuche!” Wowoose uno anyi na anyööta, uno akwënda amanche, ache anyo amanche gha bhuhöru bhoowa.

Obhohunyurëru 22:2

Orooche ruyo ndoore roraghëri ghateghate e nchëra ankoro e moghya uyo. ꞉Haare no omote uno okobhaha abhaato obhuhöru uno urandiri chambaara choose che rooche. Omote uyo noghusönga amakorobhese mara ikomi na kabhere kwo mooka, kurëngʼaana ne emyëri. Amato ghaache n‑omote o kuhöri amatöngö.