Obhohunyurëru 2:5 - Eriiraghano Eriihë

⁵ Mohiite ghano ꞉muuköriri eriibhagha moore mokeere ghotigha obhosiighi bhoonyu. Moramara motuukuune, mukörë ghaare ꞉muuköriri eriibhagha riire. Moraanga ghotuukuuna, nekuucha na koruusi egheghiro keenyu ghe ghotoorera‑mu oromore.

Obhohunyurëru 2:5 Iomraidhean Croise

Mataayo 5:14

“Inyu n‑emirëngaari ghe se moonyi. Omoghya uno wabhëkuru a‑gheghoro, toghotora kwibhisa.

Mataayo 5:15

Taanyi‑ho omooto uno aghughööti oromore, aramara arohunye mo‑nyongo, amare nakorotoora ighoro e ghesungo kubha robharëngaari bhoose bhano bhaanyi mo‑nyumba.

Maariko 12:9

“Ibheere, omwene omoghondo uyo nibhu aghuköra? Nakuucha na kobhiita abharemi bhayo, no omoghondo uyo, nakobhaha abhande.

Ruuka 1:17

Akörö yaache no obhotoro bhooche, mbookubha kebhuno bho murööti Eriya. Omoona uyo nakomukangata Omutëmi, gho ghiri amusëëmërë abhaato bha ghutëmëërana nawe. Naghutëmëërani abhaana na bhiishe, nakobhaköra abhaato bhano bhataanyi na asooko bhabhe na amiihëëbhö kinya bhaare bhaghosooka Eryobha.”

Ruuka 20:16

Nakuucha na kobhiita abharemi bhayo, no omoghondo waache, nakobhaha abhande!” Hano abhaato bhooghwire amangʼana ghayo, bhakabhugha, “Amangʼana ghayo ghataacha korwera naabha!”

Abhagharatiya 5:4

Aribha moghwitëngʼëra mokubharu kubha abhahëënë ambërë e Ryobha gho ghughööta emeghiro, mumënyë kubha mwiyahwire gho Kirisito, na moonyi kurë na aghareeya e Ryobha.

Abhabhiribhi 2:15

Gho ghayo, mubhe abhaana bha Ryobha bhano bhaghörörökiri na bhataanyi ni isörö. Wiiki mubhe abhaato bhano bhataaghughambu kobhe ghateghate e bhaato bhi ibheere bhano bhiichwire amabhe no obhuröngö. Ghateghate e bhaato bhayo, inyu morighibhu kinya emirëngaari ghino ghe kurëngaari mo‑se.

Abheebhuraaniya 10:32

Amare mohiite chaasiko chiire ꞉muusëëmiri komokumi Kirisito. Nangabha moore morabhöna anyaako inkoro, koru hangʼu moore moraghumereri anyaako iyo.

2 Bheetero 3:17

Mbe, inyu abhasiighani bhaane, mumariri kumënya amangʼana gha bheeghi bhayo abharöngö. Ibheere mwikabhaahe kubha motangʼiinu na amasari gha bhaato bhayo abhiigharori, na bhabharumeeri na ghotigha omurëmbë o bhokumi bhoonyu.

Yuuta 1:24

Eryobha niryo reenyi no obhotoro bho kobhachonga motaacha kobhora. Wiiki ndeenyi no obhotoro bho kobharëëta ambërë yaache mo‑bhokumi bhooche obhokoro, moonyi no oghuchömëru, motaanyi no obhobhe bhobhoose.

Obhohunyurëru 1:20

꞉Noorooche chanchöta mohungate mo‑kubhökö koone gho kwiro, ne ebheghiro bhe sahaabhu bhe ghotoorera‑mu ebhemore. Nekweghi ebheteemoro bhe bhebhisere bhino. Ebheghiro mohungate bhe sahaabhu bhe ghotoorera‑mu ebhemore, n‑amakanisa ghaare mohungate, na chanchöta mohungate m‑bhamarayika bhaabho.”

Obhohunyurëru 16:9

Abhaato bhagheekibhu kobhe chwee. Bhakaretoka Eryobha gho kubha ndeere no obhotoro ighoro e chanaabhi chino, amare bhatatuukuuniri koru bhatareghongiri.

Obhohunyurëru 2:16

Mbe, motuukuune! Moraanga ghotuukuuna, nekuucha kwo bhwango kubha niröönë na abhaato bhayo gho kinyamiino kino gheekoru mo‑monu waane.

Obhohunyurëru 2:19

Nyeeche amaköri ghaanyu, no obhosiighi bhoonyu, no obhokumi bhoonyu, ne emeremo gheenyu, no obhoghumereri bhoonyu. Wiiki nekobharighi inyu kubha, ibheere moghuköra bhoheene, ghokera hayo ekeenyuma.

Obhohunyurëru 2:2

Nyeeche amaköri ghaanyu, na ghwiköngʼi koonyu no obhoghumereri bhoonyu. Wiiki nyeeche kubha motaaghughöötana na abhaato abhabhe. Mobhisunchiri bhano bhakwibherekera n‑abhatomu ino tiyaanyi, mokobhamënya kubha m‑bharöngö.

Obhohunyurëru 3:19

Abhaato bhano eni nesiighiri, nehaabhahiinya na kobhahööcha. Mbe, mubhe moriiköngʼi na ghotuukuunera amasari ghaanyu.