Obhohunyurëru 18:3 - Eriiraghano Eriihë

³ Nooghwire gho kubha abhaato bha matöngö ghoose mbanywire adivaayi yaache, mbarëëwuru na amiigha gha bhutaari bhooche, na abhatëmi bha se mbaare bhataariri nawe. Abhasorocha bha mo‑se ꞉mbaamihiri gho ghiri e bhwaru bho bhwame bhooche bhuno bhotaanyi ne ekirëngërë.”

Obhohunyurëru 18:3 Iomraidhean Croise

Ruuka 7:25

Mbe, moore moraghe kumööhi ke? Omooto uno are abheekiri amaghööti machömu? Tiyaanyi! Abhaato bhano bhahaabheeka amaghööti amachömu, na kumanya eriimanya re kyame, bhayo mbahaabha bhariikara mo‑chanyumba chankoro che ghitëmi!

1 Timotewo 5:11

Amare abhasino abhasubhaati, otabhiisherereri ghusöha mo‑mubharo o bhasino, gho kubha amiigha gha mobhere ngakobhakinda, mbaghutabhara ghokwiru ghokera kwiruuseri ghuköra emeremo ghe Kirisito.

Obhohunyurëru 14:8

Mbe, marayika owonde akarööbhëra, arabhugha, “ˆOghagho! Omoghya omokoro o Bhabheeri ˆoghagho! Omoghya uno nuköriri abhaato bha matöngö ghoose bhanyo adivaayi yaache, bhakarëëwu na amiigha gha bhutaari bhooche.”

Obhohunyurëru 17:2

Abhatëmi bha se mbataariri nawe, na abhaato bha se nabho mbarëëwuru no bhutaari bhooche, kinya omooto uno anywire amaro.”

Obhohunyurëru 18:19

Mbakwihomerera orotu mo‑mitu gheebho, kwërëki kubha mbaanyi na amacheeche. Mbakorera bharabhugha, “Horeera nokorighi, horeera nokorighi omoghya omokoro. Omoghya uyo niwe otuköriri itu bhano toonyi na chameeri twamihe gho ghiri e bhwame bhooche. Amare ibheere omoghya woose oghasireekerera kwo riibhagha isuuhu hangʼu.”

Obhohunyurëru 18:23

Hayo hataakubha no omurëngaari o romore wiiki, koru chanyangi che ghokwira hamu ghokwiru chetaakubha‑mu wiiki. Omoghya o Bhabheeri noghuköru hangʼu, gho kubha abhasorocha bhaache mbaare abhaato abhakoro bha se, na gho kubha amatöngö ghoose ngangʼiinuru gho kohetera obhoturutumbi bho moghya uyo.

Obhohunyurëru 18:7

Momutëmë anchagho na momunyaaki gho kirëngërë kino aköriri akiibhönëra aghongo no obhwame. Gho kubha iwe nahiihacha mo‑körö yaache arabhugha, ‘Niikeere kinya marikiya, na nteenyi omosino, koru nteekubhöna amacheeche naabha!’

Obhohunyurëru 18:9

Abhatëmi bha se bhano ꞉bhaataariri nawe na ghusanga obhwame bhooche, mbakorera na kwihiinyërëra bharaacha korighi eryoki re ghosireekerera kwo moghya uyo.