Obhohunyurëru 18:11 - Eriiraghano Eriihë

¹¹ Abhaköri bha bhosorocha bha se mbakomorerera na kwihiinyërëra, gho kubha bhataanyi‑ho abhaato bha ghoghora ebheghiro bheebho.

Obhohunyurëru 18:11 Iomraidhean Croise

Mataayo 22:5

Amare bhano bharaghiinu bhatatereeriri. Bhaaghaye mo‑meremo gheebho, umu aghaye mo‑moghondo waache, owonde aghaye ghuköra obhosorocha.

Yohana 2:16

Mbe, akabhabhoorera bhano ꞉bhaare bharaghori ebheghuuti akabhugha, “Mobheruusi ebheghuuti bheenyu hano! Motaköra anyumba e Taata waane kubha omutëëra!”

2 Bheetero 2:3

Kwo miigha ghaabho amabhe gha kubhöna obhwëra koru ghokoonyu, mbaakubha bharabhabhoorera amaghano gha bhuröngö. Amare korwera kare, Eryobha ndiisëëmiri kobhatenera ekiina na retaamara ryebhu kobhasireekereri!

Obhohunyurëru 18:15

Abhasorocha bhano bhaamihiire mo‑moghya uyo, mbakwimeerera kurë gho ghotiina anyaako iyo, ino bhiitumatiri na korera.

Obhohunyurëru 18:20

Muchömëru inyu bhano mumanyiri Mwishaaro. Muchömëru abhatööbhiyu, na abhatomu na abharööti, gho kubha Eryobha ndeteniire ekiina omoghya uyo gho ghaare obhaköriire inyu.

Obhohunyurëru 18:23

Hayo hataakubha no omurëngaari o romore wiiki, koru chanyangi che ghokwira hamu ghokwiru chetaakubha‑mu wiiki. Omoghya o Bhabheeri noghuköru hangʼu, gho kubha abhasorocha bhaache mbaare abhaato abhakoro bha se, na gho kubha amatöngö ghoose ngangʼiinuru gho kohetera obhoturutumbi bho moghya uyo.

Obhohunyurëru 18:3

Nooghwire gho kubha abhaato bha matöngö ghoose mbanywire adivaayi yaache, mbarëëwuru na amiigha gha bhutaari bhooche, na abhatëmi bha se mbaare bhataariri nawe. Abhasorocha bha mo‑se ꞉mbaamihiri gho ghiri e bhwaru bho bhwame bhooche bhuno bhotaanyi ne ekirëngërë.”

Obhohunyurëru 18:9

Abhatëmi bha se bhano ꞉bhaataariri nawe na ghusanga obhwame bhooche, mbakorera na kwihiinyërëra bharaacha korighi eryoki re ghosireekerera kwo moghya uyo.