Obhohunyurëru 16:9 - Eriiraghano Eriihë

⁹ Abhaato bhagheekibhu kobhe chwee. Bhakaretoka Eryobha gho kubha ndeere no obhotoro ighoro e chanaabhi chino, amare bhatatuukuuniri koru bhatareghongiri.

Obhohunyurëru 16:9 Iomraidhean Croise

Ruuka 13:3

ˆNekabhabhoorera taanyi hangʼu! Moraanga ghotuukuunera amasari ghaanyu, hangʼu hangʼu koru inyu moghosireekerera bhoose.

Ruuka 13:5

ˆNekabhabhoorera tiyaanyi! Moraanga ghotuukuunera amasari ghaanyu, hangʼu hangʼu inyu bhoose moghosireekerera!”

2 Abhakorinto 12:21

Neghotiina kubha eriibhagha nekuucha bhowaanyu wiiki, Eryobha reene ndeghuköra nerighi chaasoni ambërë yaanyu. Neekubha na amacheeche korighi abhaato bhaaru ghate yaanyu bhano ꞉bhaaköriri amasari ekeenyuma, bhakeere ghotuukuuna. Bhakeere bhaanyi na atëëmö imbe e bhutaari, no obhoghonchu na amangʼana aghande gha chaasoni ghano ꞉bhaare nagho.

Obhohunyurëru 11:13

Mo‑riibhagha riyo riyo, ase ekarighitera chwee, eriiteneka rimu ghwi ikomi re moghya reghasarëka. Ekerighito kiyo, gheghaghëri abhaato ebheku mohungate (7,000) bhaaghaku, na abhande bhoose bhano bhasaaghiri bhaghatiina chwee, bhakareghongi Eryobha re Mwishaaro.

Obhohunyurëru 14:7

Mbe, marayika uyo aghatiiri eriiraka, akabhugha, “Morisëngërë Eryobha na koreghongi, gho kubha eriibhagha re ghotenera ekiina abhaato ˆrekahika. Momusëngërë uno ꞉atëëmiri rishaaro, na ase, na anyancha, ne ebherika bhe manche.”

Obhohunyurëru 16:21

Ambura e rihoorere eghatëëka. Amabhohe gha mbura iyo ngaare makoro kinya chakiiro miröngö etaano kira rimu, ghaghaghwera abhaato koru Mwishaaro. Abhaato bhakaretoka Eryobha gho ghiri e naabhi iyo e mbura e rihoorere, gho kubha anaabhi iyo neere imbe chwee.

Obhohunyurëru 2:21

Eni nemoheere eriibhagha atuukuune amasari ghaache, amare taakwënda ghotigha obhutaari bhooche.

Obhohunyurëru 9:20

Abhaato bhano bhataakuure gho chanaabhi chino ꞉cheebhabhwine abhaghëndi bhaabho, bhataatuukuuniire amabhe ghaabho. ꞉Mbëëndëriire ghusëngëra emisambu na chasanaamu chino ꞉bhaaköriri abheene gho sahaabhu, na chambiiri, na ashabha, na amabhohe, ne emete. Chasanaamu chiyo chetaare cherarighi, koru kooghu, koru ghughënda.