Obhohunyurëru 16:10 - Eriiraghano Eriihë

¹⁰ Niho marayika o ghataano akahoma eghetibha keeche mo‑ghetumbe ghe ghitëmi ghe ghotyenyi ghuyo. Hayo hayo ekengʼuuri gheghakundekeri obhutëmi bhooche na abhaato bhakiiromaroma chandeme cheebho kwo bhororo.

Obhohunyurëru 16:10 Iomraidhean Croise

Mataayo 13:42

Bhamarayika bhayo mbakobharëkëra abhaato bhoose mo‑riinata re mororo, muyo mbaakubha bhararera na ghukararaati amiino gho ghiri e bhuhëmbërëra bhuhaari.

Mataayo 13:50

Bhamarayika bhayo mbakobharëkëra abhaköri bha masari mo‑riinata re mororo, muyo mbaakubha bhararera na ghukararaati amiino gho ghiri e bhuhëmbërëra bhuhaari.”

Mataayo 22:13

Mbe, omutëmi uyo akabhabhoorera abhatamishi bhaache akabhugha, ‘Momubhöhë omooto uno amaghoro na amabhökö na momurëkërë anche mo‑kengʼuuri, iyo niho abhaato bhaakubha bhararera na ghukararaati amiino gho ghiri e bhuhëmbërëra bhuhaari.’”

Mataayo 24:51

Niho omutëmi wuure akomurööna na komutëma anchagho inkoro na komurëkëra hano chaghughuuti cheenyi. Iyo niho abhaato bhayo bhakorera na ghukararaati amiino gho ghiri e bhuhëmbërëra bhuhaari.”

Mataayo 8:12

Amare bhano ꞉bhëëndiiru kubha mo‑bhutëmi bhuyo, mbakurëkëru anche mo‑kengʼuuri. Hayo mbakorera na ghukararaati amiino gho ghiri e bhuhëmbërëra bhuhaari.”

Ruuka 13:28

“Niho mokorera na ghukararaati amiino, hano mokomorighi Abhurahamu, Isaka, na Yakobho, na abharööti bhoose bhaanyi mo‑bhutëmi bho Ryobha. Amare inyu mookubha mwighariiru anche!

1 Bheetero 2:17

Mobhasooke abhaato bhoose, na mobhasiighe abhakumi abhaghëndi bhaanyu. Morisëngërë Eryobha, na momosooke Kayisaari, omutëmi waanyu.

Obhohunyurëru 11:10

Oroko ro bharööti bhayo bhabhere, ndoghuköra abhaato bhano bhataakorekumi Eryobha mo‑se bhachömëru na ghuköra obhughëni na kuhaanana chaatuho. Mbaghuköra hangʼu, gho kubha abharööti bhayo ꞉mbaabhirighwiri chwee.

Obhohunyurëru 11:2

Amare otarëngi eriigho re Risëngërö riyo, gho kubha mbahaabhuru abhaato bha matöngö. Ibho mbaghutacha omoghya omutööbhiyu o Yerusareemu kwo riibhagha re myëri miröngö ene ne ebhere.

Obhohunyurëru 11:8

Amahundughu gha abhiibhateri bhayo ngaghusaagha mo‑nchëra e moghya omokoro. Niwe omoghya uno Omutëmi waabho amamburu mo‑musarabha. Omoghya uyo noonyi na atëëmö kinya e moghya o Sotoma na ase e Miisiri.

Obhohunyurëru 17:17

Eryobha eryene ndebhaköriri bhabhe ne eryënda rimu re kuha oghotyenyi ghuyo obhotoro bhoobho bho ghukangata. Hangʼu nibhu bhaghuköra mbagha bhohikeerane obhorwachi bho Ryobha.

Obhohunyurëru 17:9

Marayika uyo akëëndërëra kobhugha, “Angʼana ino nekwëndëru amangʼiini. ꞉Noorooche emitu mohungate, ghiyo n‑eghetuubhaani ke heghoro mohungate hino omukari wuure are ikariire. Wiiki emitu mohungate ghiyo ꞉ngiimeereriire abhatëmi mohungate.

Obhohunyurëru 18:2

Aghatiiri eriiraka ikoro chwee, arabhugha, “ˆOghagho! Omoghya omokoro o Bhabheeri ˆoghagho! Ibheere nubheere obhwikari bho misambu ghe manga ghoose, na ahaghiro haabho ha kwibhisa. Nubheere ahaghiro ha kwibhisa, ebhinyönyi bhe manga ghoose, ebheghonchu ne ebhesineenu.

Obhohunyurëru 18:21

Akamara, akarwera marayika umu uno anyi na changuru, aghaghëgha eriibhohe kinya orobhohe, akarirëkëra mo‑nyancha, akabhugha, “Gho changuru chaaru kinya chino, omoghya omokoro o Bhabheeri nokurëkëru na kobhora inkongʼorimu.

Obhohunyurëru 18:23

Hayo hataakubha no omurëngaari o romore wiiki, koru chanyangi che ghokwira hamu ghokwiru chetaakubha‑mu wiiki. Omoghya o Bhabheeri noghuköru hangʼu, gho kubha abhasorocha bhaache mbaare abhaato abhakoro bha se, na gho kubha amatöngö ghoose ngangʼiinuru gho kohetera obhoturutumbi bho moghya uyo.

Obhohunyurëru 8:12

Marayika o kane woose aghatëma antaara yaache. Eriiteneka rimu ghwi ishato re ryobha, na re mwëri na re chanchöta bheghatëmu, haakabha ne ekengʼuuri. Eriiteneka rimu ghwi ishato re mwishe reghatigha kurëngaari ne eriiteneka rimu ghwi ishato re bhotiko rekabhori obhwero.

Obhohunyurëru 9:2

Eghiighora eriiribha riyo. Rekarwera‑mu eryoki ryaru kinya re riinata ikoro. Koru eryobha ne eriighoro bheekabha bhetaakorighibhu gho ghiri e ryoki re mwiribha riyo.