Obhohunyurëru 15:7 - Eriiraghano Eriihë

⁷ Umu o bhetyenyi bhiire bhine akabhaha bhamarayika bhayo mohungate kira umu eghetibha ghe sahaabhu kino ghiichwire obhororo bho Ryobha rino reenyi ihöru emiishe ne emiishe.

Obhohunyurëru 15:7 Iomraidhean Croise

1 Abhatesaronike 1:9

Hohoose hano tooghuye, abhaato mbaghosiikëra kebhuno ꞉mootughënëhiri eriibhagha ꞉twiichiri bhowaanyu. Mbaghosiikëra kebhuno ꞉mootighiri chasanaamu cheenyu na ghwigharurera Eryobha gho korihökëri rino reenyi ihöru na re mahëënë,

Obhohunyurëru 1:18

Eni neeni obhuhöru! Neere nekuure amare ibheere, umööhi, muhöru neenyi koru emiishe ne emiishe! Wiiki eni neenyi na chahunguru che roko na nyaari.

Obhohunyurëru 10:6

Akaraheri kwo riina re Ryobha rino reenyi ihöru emiishe ne emiishe, rino ꞉riitëëmiri erishaaro, na ase, na anyancha na ebhetyenyi bhyose bhino bheenyi‑mu. Marayika akabhugha, “Eriibhagha re ghughanya reghiisha.

Obhohunyurëru 14:10

omooto uyo woose naakunyo adivaayi e bhororo bho Ryobha. Adivaayi iyo n‑indoro kinya amaro ghano ghatasangeriini na amanche. Eryobha eryene ndekomwitoorerera omooto uyo mo‑ghisënchö ke bhororo bhooche, anyo. Eryobha ryose ndekomunyaaki mo‑mororo muhaari chwee ambërë e bhamarayika abhatööbhiyu na ambërë e Moona o Ngʼöndu.

Obhohunyurëru 15:1

Mbe, nekarighi ekyërëkërëri ekende Mwishaaro. Nkeere ghekoro na ghe koroghoori. ꞉Neerooche bhamarayika mohungate bhararëëta chanaabhi mohungate che kumareereri. Chanaabhi ghiyo ncheere che kumareereri obhororo bho Ryobha.

Obhohunyurëru 16:2

Mbe, marayika o mumbërë aghaye, akahoma eghetibha keeche ke bhororo bho Ryobha mo‑se. Hayo hayo, abhaato bhoose bhano bhaanyi ne ekingʼöchö ghe ghotyenyi ghuure, bhano ꞉bhaasëngiire asanaamu yaache bhaghaghöötu na amabhimba amabhe gha kunyahaara chwee.

Obhohunyurëru 17:1

Akamara, umu o bhamarayika mohungate bhano ꞉bhaare ne ebhetibha bhiire bhe bhororo bho Ryobha akaacha ghokoone, akamboorera akabhugha, “Nuuche, neghokwërëki anchagho e musöngörëëri omokoro, uno ikeere ighoro e manche maaru.

Obhohunyurëru 21:9

Akamara marayika umu o bhaare mohungate bhano ꞉bhaare ne ebhetibha mohungate bhe chanaabhi mohungate che kumareereri akaacha akamboorera akabhugha, “Nuuche hano, nekwërëki omokwiru, uno akubha omukari o Omoona o Ngʼöndu.”

Obhohunyurëru 4:10

Eriibhagha ryose Eryobha ndeere reraghongibhu ne ebhetyenyi bhiire, abhagharuka miröngö ebhere na bhane bhayo, mbaare bharagho kebhuuma ambërë e uno ikeere mo‑ghetumbe ghe ghitëmi na komusëngëra uno amanyiri emiishe ghyose. Ibho mbaare bharatoora chahuuru cheebho ambërë e ghetumbe ghe ghitëmi bharabhugha kubha,

Obhohunyurëru 5:8

Hano akiimokiri eghitabhu kiyo, ebhetyenyi bhiire na abhagharuka bhaare bhaaghagho kebhuuma ambërë yaache. Omooto woose naare ne eritingo na ebhetibha bhe sahaabhu bhiichwire ebheneeso. Ebheneeso bhiyo nigho amasabhi gha bhatööbhiyu.