Obhohunyurëru 14:2 - Eriiraghano Eriihë

² Nekooghu eriiraka koru Mwishaaro kinya eriiraka re manche maaru mo‑makörörömë, na kinya ekerighito ghekoro ke runanehi. Wiiki eriiraka rino nyoghwire ndeere kinya re bhatëmi bha matingo bhaaru, bhano bhatëmiri chantaara cheebho haghirohamu.

Obhohunyurëru 14:2 Iomraidhean Croise

1 Abhakorinto 13:1

Koru nengasiikiire gho ghighambo ke bhaato hamu ke bhamarayika, amare aribha nteenyi no obhosiighi, nengabheere kinya amareghe gha riitëbhë rino retaanyi ne egheghiro, hamu kinya amareghe gha membe ino eghutëmu bhoowa.

Obhohunyurëru 1:10

Orosiko ro Mutëmi Yesu, Akörö Ahörëëru ekanyiikera. Hayo hayo nekooghu anyuma yaane eriiraka ikoro kinya re ntaara.

Obhohunyurëru 1:15

Amaghoro ghaache ngaare ghararëngaari chwee kinya ashabha ino ꞉yeeghuru mo‑mororo. Eriiraka reeche ndeere kinya amanche maaru ghano ghaghughëri mo‑makörörömë.

Obhohunyurëru 11:12

Bhakamara, abhiibhateri bhayo bhabhere bhakooghu eriiraka ikoro koru Mwishaaro rerabhugha, “Muuche ino ighoro!” Bhoose bhaghituumuka ghuye Mwishaaro bhiinaariiru ne erishaaro, ino abhabhisa bhaabho bharabhamööhërëri.

Obhohunyurëru 11:15

Akamara, marayika o mohungate aghatëma antaara yaache. Nekamara nekooghu eriiraka ikoro iyo Mwishaaro rerabhugha, “Obhukangati bho se mbughööturu no Omutëmi Waryobha wiito, na Kirisito waache uno amwahwire ghotoori abhaato. Iryo ndeghukangata emiishe ne emiishe.”

Obhohunyurëru 15:2

Wiiki nekarighi egheghiro kino keere kinya anyancha e kiröri ino isangeriini no omororo. Wiiki rubhareka hayo, mbaare bhiimeeriire abhaato bhano ꞉bhaare bhakindiri oghotyenyi ghuure, na asanaamu yaache, haghirohamu no omubharo o riina reeche. Abhaato bhayo mbaare bhaghöötëriire amatingo ghano ꞉bhaare bhahaabhuru ne Eryobha kubha bhamusëngërërë.

Obhohunyurëru 18:22

Mo‑moghya muyo motaakooghu wiiki amaraka gha bhaato bhano bhakwemba, na ghutëma amatingo, ne ebherereesi hamu chantaara. Taakubha‑ho omukaari wowoose, koru tokooghu omooto arase mo‑robhohe!

Obhohunyurëru 5:8

Hano akiimokiri eghitabhu kiyo, ebhetyenyi bhiire na abhagharuka bhaare bhaaghagho kebhuuma ambërë yaache. Omooto woose naare ne eritingo na ebhetibha bhe sahaabhu bhiichwire ebheneeso. Ebheneeso bhiyo nigho amasabhi gha bhatööbhiyu.

Obhohunyurëru 6:1

Nekamara nekarighi Omoona o Ngʼöndu aranaanura omohuuri wuure o nyaghame o mumbërë mo‑mehuuri ghiire mohungate. Achekumara eghetyenyi kimu ghate e bhiire bhine, ghekaruusi eriiraka kinya re runanehi, kerabhugha, “Nuuche!”

Obhohunyurëru 8:7

Marayika o mumbërë aghatëma antaara yaache. Hayo ambura e rihoorere no omororo bhisangeriini na amasaahë bhekarëkëru mo‑se. Omororo uyo ogheeki imu ghwi ishato e se, oghasireekereri emete, na amanyaaki amabhese.