Obhohunyurëru 13:7 - Eriiraghano Eriihë

⁷ Ghoghiisherereru kurööna na abhatööbhiyu na kobhahicha. Ghokahaabhu obhotoro bho ghukangata abhaato bha matöngö ghoose, na bha abhahiiri bhoose na bha bhighambo bhyose na chaase choose.

Obhohunyurëru 13:7 Iomraidhean Croise

Ruuka 4:6

Rekamobhoorera rekabhugha, “Neghokuha obhukangati bho bhino bhyose, haghirohamu no obhwame bhooche bhoose. Wiiki, gho kubha neenyi no obhotoro bho bhino bhyose, nëngënda komuha omooto wowoose uno nekwënda, nekomuha.

Yohana 19:11

Yesu akamugharokeri Bhiraato akabhugha, “Tongabheere no obhotoro bhobhoose ighoro yaane, aribha otangahaabhuru ne Eryobha. Amare omooto uno antooriri mo‑mabhökö ghaacho, naanyi na amasari makoro chwee.”

Obhohunyurëru 10:11

Nekabhooreru kubha, “Nokwëndëru koruusi obhurööti wiiki ighoro e bhaato bhaaru, na chaase chaaru, ne ebhighambo bhyaru na abhatëmi bhaaru.”

Obhohunyurëru 11:18

Abhaato bhano bhataaghoghokumi ꞉mbaakurëghiri, amare eriibhagha re korehani asiire ˆrekahika. Ibheere n‑eriibhagha re ghoteneru ekiina abhaato bhano bhakuure. Niryo eriibhagha re kobhatuha abhatamishi bhaacho abharööti, na abhatööbhiyu bhaacho bhoose bhano bhaghosookiri, bha myeya emekoro ne emesuuhu. Rino niryo eriibhagha re ghusari abhaato bhoose bhano bhaghusari ase.”

Obhohunyurëru 11:7

Hano bhakumara kuraghani angʼana e Ryobha, atyenyi inkoro yiire ino etiiriri koru mwirooma re mashambu, nekurööna nabho. Nekobhahicha na kobhiita.

Obhohunyurëru 12:17

Oghuchöka ghuyo ghokamukararera chwee omukari uyo, ghooghaye kurööna na abhaana bhaache abhande bhano bhasaaghiri mo‑se. Abhaana bhayo nibho bhano bhaghosooka emeghiro ghe Ryobha na koruusi obhwibhateri ighoro Yesu.

Obhohunyurëru 17:15

Marayika akëëndërëra komboorera arabhugha, “Amanche ghano omusöngörëëri wuure ikeere ighoro yaache ngiimeereriire amakinda gha bhahiiri bhoose, na ase yoose ne ebhighambo bhyose.

Obhohunyurëru 5:9

Bhakamwembera Omoona o Ngʼöndu omwembo omuhë uno ore orabhugha, “Iye nokurëngʼaanera kwimoki eghitabhu kiyo, na kunaanura emehuuri gheeche ghe nyaghame, gho kubha iye ꞉noosinchuru. Amasaahë ghaacho, ghakareghorera Eryobha abhaato bha matöngö ghoose, na bha bhighambo bhyose, na abhahiiri bhoose na chaase choose.