Obhohunyurëru 13:6 - Eriiraghano Eriihë

⁶ Oghotyenyi ghuyo ghoghasëëma ghotoka Eryobha, ne eriina reeche na ahaghiro hano reghwikara, niko kobhugha, bhyose bhino bhimanyiri Mwishaaro.

Obhohunyurëru 13:6 Iomraidhean Croise

Mataayo 12:34

Inyu orwibhoro ro nchöka! Nibhu moghotora ghosiikëra amangʼana amachömu eriibhagha inyu moonyi bhabhe? Gho kubha omooto naghosiikëra ghano ghiichwire mo‑motema waache.

Mataayo 15:19

Mo‑körö e mooto, nimu muyo ghakorwera amiihëëbhö amabhe, no obhwiti, no obhutaari, no obhwibhi, no obhwibhateri bho bhuröngö na amatoki.

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

Abharuumi 3:13

Ebhemero bheebho n‑kinya chambeehera chino chetakundekiiru, chandeme cheebho ncheghosiikëra obhuröngö. Koru mo‑menu gheebho, ngakorwera‑mu amangʼana gha bhosongo kinya bho chanchöka.

Abhakorosaayi 1:19

Gho kubha Eryobha ꞉ndeerooche n‑kumangi kubha, obhohikeerani bhooche bhoose bhwikare mo‑Moona waache.

Abhakorosaayi 2:9

gho kubha, obhohikeerani bhoose bho Ryobha mboonyi mo‑mobhere o Kirisito.

Abheebhuraaniya 9:2

꞉Haabhëkuru eriibhuru gho ghiri e korisëngëra Eryobha rino reere ne ebhenyumba bhibhere. Ekenyumba e kimbërë nkeere ne eghesungo ghe ghotoorera ebhemore na chameecha che ghotoora emighaate ambërë e Ryobha. Ekenyumba kiyo ꞉nkeebherekiiru, Ahaghiro Ahatööbhiyu.

Abheebhuraaniya 9:24

Kirisito taasöhiri Ahaghiro Ahatööbhiyu ha Hatööbhiyu hano habhëkuru na abhaato, ahaghiro hayo n‑eghetuubhaani ke ahaghiro ha hëënë hano haanyi Mwishaaro. Iwe ꞉naasöhiri Mwishaaro aheene, kwo riibhagha rino naghotusabhera ambërë e Ryobha.

Obhohunyurëru 11:12

Bhakamara, abhiibhateri bhayo bhabhere bhakooghu eriiraka ikoro koru Mwishaaro rerabhugha, “Muuche ino ighoro!” Bhoose bhaghituumuka ghuye Mwishaaro bhiinaariiru ne erishaaro, ino abhabhisa bhaabho bharabhamööhërëri.

Obhohunyurëru 12:12

Gho ghayo, muchömëru, inyu bhoose bhano mumanyiri iyo ighoro Mwishaaro! Amare horeera mokorighi inyu bhoose bhano mumanyiri mo‑se na mo‑nyancha, gho kubha Erishambu ndirëkiiru haase ghate yaanyu. Ndikariire chwee, gho kubha ndyeche chaasiko cheeche n‑insuuhu.”

Obhohunyurëru 15:5

Hano ghayo ghahetiri, nekarëkëra amiisho nekarighi Erisëngërö righwiru Mwishaaro, niryo eriibhuru re bhwibhateri bho kubha‑ho kwo Waryobha.

Obhohunyurëru 18:20

Muchömëru inyu bhano mumanyiri Mwishaaro. Muchömëru abhatööbhiyu, na abhatomu na abharööti, gho kubha Eryobha ndeteniire ekiina omoghya uyo gho ghaare obhaköriire inyu.

Obhohunyurëru 21:3

Nekooghu eriiraka ikoro koru mo‑ghetumbe ghe ghitëmi, rerabhugha, “Mutëghëërëra! Obhwikari bho Ryobha n‑haghirohamu na abhaato. Ndeghuköra obhwikari bhooche haghirohamu na abhaato, nabho mbaakubha abhaato bhaache, naryo ndeekubha Eryobha reebho.

Obhohunyurëru 4:1

Hano ghayo ghahetiri, nekarighi eriirighi erende. Mööhi! ꞉Neerooche orwighe rwighwiru Mwishaaro! Niho nekooghu eriiraka re ntaara renga rino nyoghwire ekimbërë, rekamboorera rerabhugha, “Nuuche, tiira ino ighoro, kubha nekwërëki amangʼana ghano ghakwëndëru gharwere, ghayo gharamara koheta.”

Obhohunyurëru 4:4

Mbeere‑ho ebhetumbe ebhende bhe ghitëmi miröngö ebhere na bhine bhiinaariiri eghetumbe kiire ghe ghitëmi. Mo‑bhetumbe bhiyo, mbaare bhiikeere abhagharuka miröngö ebhere na bhane. Mbaare bhabheekiri changibho cheero na chahuuru che sahaabhu mo‑mitu gheebho.

Obhohunyurëru 5:13

Niho nekooghu ebhetyenyi bhyose iyo Mwishaaro, na mo‑se, na nyaari, na mo‑nyancha bhereemba haghirohamu, “Uyo ikeere mo‑ghetumbe ghe ghitëmi, no Omoona o Ngʼöndu, bhaghongibhu, na bhasooku, na bhabhe no obhokumi obhokoro no obhotoro emiishe ne emiishe!”

Obhohunyurëru 7:15

Nikyo bhaanyi ambërë e ghetumbe ghe ghitëmi ke Ryobha. Mbakomuhökëri obhotiko no omwishe Mwisëngërö reeche. Naryo Eryobha rino riikeere mo‑ghetumbe keeche ghe ghitëmi, ndeekubha haghirohamu nabho na kobhachonga.

Obhohunyurëru 7:9

Hano ghayo ghahetiri, nekarighi eriirighi erende. Nekarighi erikinda ikoro re bhaato rino retaare reratoru kubharu. Abhaato bhayo mbaare bha chaase choose, na bha matöngö ghoose, na abhahiiri bhoose na bha bhighambo bhyose. Bhiimeeriire ambërë e ghetumbe ghe ghitëmi, na ambërë e Moona o Ngʼöndu. Bhabheekiri chandachana cheero na mbaare bhaghöötëriire amato gha mitëndë.