Obhohunyurëru 12:9 - Eriiraghano Eriihë

⁹ Oghuchöka ghokarëkëru mo‑se. Ghuno nigho oghuchöka ghuure gho kare ghuno ghokobherekeru Ibhiriisi hamu Erishambu. Ngokongʼiina abhaato bhoose mo‑se. Mahëënë ngurëkiiru mo‑se haghirohamu na bhamarayika bhaache.

Obhohunyurëru 12:9 Iomraidhean Croise

Mataayo 13:39

Omobhisa uno ꞉emiri eghetoki natuubhiine ne Erishambu. Omughësö notuubhiine no orosiko ro ghoteneru ekiina ase, na abhaghësi mbatuubhiine na bhamarayika bha Ryobha.

Mataayo 24:24

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri bhekoro ne ebhiraghe bhekoro, kubha bhasaki kobhangʼiina koru bhano bhaahwiru ne Eryobha.

Mataayo 25:41

“Niho nekobhabhoorera bhaare bhaanyi okubhökö koone gho kumosi nebhughe, ‘Mondwere hano inyu bhano Eryobha riihiimiri! Moghi mo‑mororo o miishe ghyose uno Eryobha riisëëmiri gho ghiri e Rishambu na bhamarayika bhaache.

Mataayo 4:1

Akamara Yesu aghakangatu na Akörö Ahörëëru ghuye mwibhara kubha asakibhu ne Erishambu.

Mataayo 4:10

Yesu akarebhoorera akabhugha, “Iye Erishambu, nooru hano! Mööhi, yandëkuru mo‑Mandëkö Amatööbhiyu kubha, ‘Nekwëndëru omusëngëra Omutëmi Waryobha waacho, no omuhökëri iwe omwene chiri.’”

Mataayo 4:5

Niho Erishambu rekamwimoki Yesu reeghaye nawe mo‑moghya omutööbhiyu o Yerusareemu, rekamwimeereri ighoro arososooni ro Risëngërö,

Mataayo 4:8

Rekamara, Erishambu rekamwimoki Yesu reeghaye nawe ighoro arososooni ro gheghoro kire, rekamwërëki obhutëmi bhoose bho chaase choose no obhwame bhooche,

Ruuka 10:18

Yesu akabhagharokeri akabhugha, “꞉Neerooche Erishambu reragho kinya orunanehi koru Mwishaaro.

Ruuka 13:16

Kana omukari uno, o mo‑rwibhoro ro Abhurahamu, namariri kinya emeeka ikomi ne enaane anyi no obhubhabharu bhooche bhuno Erishambu reere remubhöhiri. Mbe, uyo woose, taakurëngʼaanera asaasoru koru mo‑bhubhabharu nangabha roonyi orosiko ro Riikane?”

Ruuka 22:3

Mbe, Erishambu rekamusöhërëra Yuuta, uno akobherekeru Isikariyoote, umu o bhaanabheegha ikomi na bhabhere bha Yesu.

Ruuka 22:31

Yesu akabhugha, “Oo Simiyooni, oo Simiyooni! Mööhi, Erishambu ndëköbhëënda, ribhönë kobhahonga inyu bhoose kinya bhahaahonga angano.

Ruuka 8:12

Chambusuru chino ꞉cheeghweriire mo‑nchëra, nchekwërëki abhaato bhano bhakooghu angʼana e Ryobha. Hayo hayo, Erishambu riicha reyeruusi mo‑metema gheebho, bhataacha ghokumi bhatooribhu.

Yohana 12:31

Ibheere ˆrekahika eriibhagha re Ryobha ghotenera ekiina ase ino. Ibheere ˆrekahika eriibhagha re Eryobha kuhëëbha Erishambu mo‑bhukangati bho se ino.

Yohana 14:30

Nteeghotora ghosiikëra na niinyu amangʼana maaru, gho kubha omokoro o se ino akaacha. Amare taanyi no obhotoro ighoro yaane.

Yohana 16:11

Naakubha arabhëërëki kubha Eryobha ndekuucha kobhatenera ekiina gho kubha, ndimariri ghotenera ekiina Erishambu omokoro o se ino.

Yohana 8:44

Inyu n‑abhaana bhi iso waanyu Erishambu, wiiki mokwënda ghuköra ghano taata waanyu aghwighomba. Erishambu n‑diiti korwera kare, wiiki retasiighiri kwimeerera mo‑bhuhëënë gho kubha, obhuhëënë bhotaanyi mo‑motema waache. Aribha Erishambu rekobhugha obhuröngö, iyo n‑atëëmö yaache gho kubha iryo n‑iröngö wiiki n‑taata o bharöngö bhoose.

Amaköri gha Bhatomu 26:18

gho ghiri obhahunyure amiisho, mbagha bharu mo‑kengʼuuri bhiigharurere obhwero, na bharu mo‑bhukangati bho Rishambu, bhiigharurere Eryobha. Hangʼu niho bhakwabhëru amasari ghaabho, mbaakubha haghirohamu na abhande bhoose bhano bhamusuru gho nchëra e ghonkumi.’

Amaköri gha Bhatomu 5:3

Bheetero akamobhoorera, “Iye Ananiya! Kana Erishambu ndewusöhëriire omotema waacho, ekirëngërë ghe kobhoorera obhuröngö Akörö Ahörëëru. Nobhughiri chambiiri chino n‑choose, eriibhagha noobhisiri eribhaara re chambiiri chino obhwine gho ghoghori omoghondo waacho.

Abharuumi 16:18

Abhaato kinya bhayo bhataakomuhökëri Kirisito, Omutëmi wiito, amare mbaghukörëra chanda cheebho abheene. Mbaghosiikëra amangʼana amachömu gha ghotegheri, amare bharangʼiina abhakumi bhano bhakeere bhataamara bhaköngʼëri mo‑bhokumi.

Abharuumi 16:20

Eryobha rino rekobhaha omurëmbë, ndeghughëri moritachera haase Erishambu ghano matiko, na kobhaha obhokindi ighoro yaache. Aghareeya e Mutëmi wiito Yesu Kirisito, ibhe haghirohamu na niinyu. [Hawubhaabha.]

2 Abhakorinto 11:14

Mo‑ghayo totaakoroghoora, gho kubha Erishambu eryene ndehiiköri kinya marayika o bhwero.

2 Abhakorinto 11:3

Amare ibheere neghotiina kubha, kinya bhuure Haawa angʼiinuru na anchöka yiire angʼiini, na niinyu motaacha kongʼiinu, motighe komosiigha Kirisito kwo bhughöröröku no obhwero.

2 Abhakorinto 12:7

꞉Niihaabhuru anyaako mo‑mobhere waane ino enyi kinya eriihö. Anyaako iyo n‑omotomu o Rishambu uno atomuru kubha anyaaki, kubha netighe ghwitiiri ighoro e maaru gha koroghoori ghano Omutëmi Yesu anyëërëkiri.

2 Abhakorinto 2:11

kubha Erishambu retaacha ghotokinda, gho kubha ntweche obhongʼiiningʼiini bhooche.

2 Abhakorinto 4:4

Angʼana Anchömu timënyuru mo‑bhaato bhano gho kubha, Erishambu rino reenyi omutëmi o se ino, ndehunyiri obhongo bho bhano bhataakomokumi Yesu. ꞉Ndiiköriri hangʼu kubha bhakindu korighi obhwero bho Angʼana Anchömu e bhokumi obhokoro bho Kirisito, uno anyi eghetuubhaani ke Ryobha.

Abhaebheeso 4:14

Mbe, totaakubha wiiki ke bhaana, torarëkëru na kohiru ino na ino no obhukama bho meeghi ghano ghakurëëtu na abhaato abhabhiihi, kubha bhatongʼiine tutambane chanchëra cheebho.

2 Abhatesaronike 2:3

Motiishereri omooto wowoose kobhangʼiina kwo ryoryose riire, gho kubha orosiko ruyo rotaakohika singa, mbagha chaasiko chiire abhaato bhaaru bhaakubha bharigharuriini Eryobha, wiiki eriibhagha riyo Omwigharurani wuure nakorighibhu. Uyo niwe eriibhagha re ntenero Omutëmi nakomosireekereri kimu.

1 Timotewo 2:14

Wiiki Ataamu tangʼiinuru, amare omukari niwe angʼiinuru, aghasari emeghiro ghe Ryobha.

2 Timotewo 3:13

Amare abhaköri bha masari na abharöngö mbakwëndërëra kubha abhaköri bha masari chwee, mbaakubha bharangʼiina na kongʼiinu.

Abheebhuraaniya 2:14

Mbe, gho kubha abhaana bhano mbaanyi ne emebhere na amasaahë, Yesu woose ꞉niichiri anyi no omobhere kinya emebhere gheebho. ꞉Naaköriri hangʼu kubha gho nchëra e roko rooche, achekinde changuru che Rishambu rino reenyi no obhotoro bho ghughëri abhaato bhabhe bharaku.

1 Bheetero 5:8

Mwikabhaahe, wiiki mubhe miisho eriibhagha ryose, gho kubha omobhisa waanyu, Erishambu, ndehaghëndaghënda kinya aka ino eghwitima eratabhara omooto emure.

1 Yohana 5:19

Ntweche kubha itu n‑abhaana bha Ryobha toonyi, na abhaato bha se bhano bhataaghokumi Eryobha mbaghukangatu ne Erishambu.

Yuuta 1:9

Koru Mikayeri, marayika omokoro, eriibhagha rino ꞉bhaagharokeriini na ghoshangʼaana ne Erishambu ighoro e mobhere o Musa, Mikayeri taasakiri ghotenera ekiina Erishambu gho koritëma amasörö. Amare akarebhoorera kubha, “Omutëmi Waryobha omwene akohiinye!”

Obhohunyurëru 12:12

Gho ghayo, muchömëru, inyu bhoose bhano mumanyiri iyo ighoro Mwishaaro! Amare horeera mokorighi inyu bhoose bhano mumanyiri mo‑se na mo‑nyancha, gho kubha Erishambu ndirëkiiru haase ghate yaanyu. Ndikariire chwee, gho kubha ndyeche chaasiko cheeche n‑insuuhu.”

Obhohunyurëru 12:3

Hakamara, iyo mwighoro hakarwera ekyërëkërëri ekende ghe koroghoori. Mööhi! Ghokarwera‑ho oghuchöka oghokoro ghubhararatu. Ngoore ne emitu mohungate na chahëmbë ikomi, na kira omutu noore obheekiri orohuuru.

Obhohunyurëru 12:7

Niho hakarwera eriihë Mwishaaro. Marayika omokoro, uno akobherekeru Mikayeri, haghirohamu na bhamarayika bhaache, bhakarööna no oghuchöka ghuyo na bhamarayika bha ghuchöka.

Obhohunyurëru 12:8

Amare oghuchöka na bhamarayika bhaache bhakahichu na kuhëëbhu koru Mwishaaro.

Obhohunyurëru 13:14

Kwo bhyërëkërëri bhino rihaabhuru ghuköra gho ghiri e ghotyenyi ghuure o ghumbërë, ghokabhangʼiina bhano bhataare bharakumi mo‑se. Ghokabhabhoorera abhaato bhabhaache asanaamu e ghosooka oghotyenyi ghuure o ghumbërë ghuno ghunyahaaruru ne ekinyamiino, amare ghökëëndërëra kubha ghuhöru.

Obhohunyurëru 16:14

Emisambu ghiyo ngeere no obhotoro bho ghuköra ebhyërëkërëri, ne emeremo gheebho n‑ghuye kobhakoma abhatëmi bhoose bha mo‑se bhakörë eriihë mo‑rosiko orokoro ro Ryobha re Bhotoro Bhoose.

Obhohunyurëru 18:2

Aghatiiri eriiraka ikoro chwee, arabhugha, “ˆOghagho! Omoghya omokoro o Bhabheeri ˆoghagho! Ibheere nubheere obhwikari bho misambu ghe manga ghoose, na ahaghiro haabho ha kwibhisa. Nubheere ahaghiro ha kwibhisa, ebhinyönyi bhe manga ghoose, ebheghonchu ne ebhesineenu.

Obhohunyurëru 18:23

Hayo hataakubha no omurëngaari o romore wiiki, koru chanyangi che ghokwira hamu ghokwiru chetaakubha‑mu wiiki. Omoghya o Bhabheeri noghuköru hangʼu, gho kubha abhasorocha bhaache mbaare abhaato abhakoro bha se, na gho kubha amatöngö ghoose ngangʼiinuru gho kohetera obhoturutumbi bho moghya uyo.

Obhohunyurëru 19:20

Amare oghotyenyi ghuyo, haghirohamu no omurööti o bhuröngö uno aköriri ebhyërëkërëri ambërë yaache, ꞉mbiimokiibhu ke bhano bhaghööturu mwihë. Gho ghuköra ebhyërëkërëri bheeche bhiyo, omurööti uyo o bhuröngö nangʼiiniri abhaato bhano bhatoriiru ekingʼöchö no oghotyenyi ghuyo na ghusëngëra asanaamu yaache. Bhoose bhabhere ꞉mbaarëkiiru bhaanyi abhahöru mo‑nyancha e mororo muhaari chwee.

Obhohunyurëru 2:13

Eni nyeeche hano moghwikara, n‑ahaghiro hano Erishambu reghukangata. Koru hangʼu, mokwëndërëra ghonkumi. Koru eriibhagha riire omwibhateri waane omuhëënë Antibha ituru mo‑moghya waanyu uno Erishambu reghwikara, motanyangiri kubha m‑bhaghëndi bhaane moonyi.

Obhohunyurëru 2:24

Ibheere ghate yaanyu iyo Tiyatira, mbaanyi‑ho abhande bhano bhaanyi abhahëënë. Abhaato bhano bhataaghutambana ameeghi gha Yesebheeri uyo koru bhateeche ghayo abhande bhakobhugha kubha n‑ekebhisere ke Rishambu! Kwo bhaato abhahëënë bhano, nekobhugha kubha, ntëëköbhëëngërëërëri wiiki omorigho owonde.

Obhohunyurëru 2:9

Nyeeche anyaako yaanyu no obhuhabhe bhoonyu. Amare mahëënë inyu m‑bhaame moonyi! Wiiki nyeeche amatoki ghano bhaghughamba ighoro yaanyu na bhano bhakwibherekera kubha n‑Abhayahuuti, abhaato bha Ryobha, amare tiyaanyi. Bhayo n‑abhaghëndi bha Rishambu.

Obhohunyurëru 20:10

Mbe, Erishambu, rino rebhangʼiiniri, ndekurëkëru mo‑nyancha e mororo muhaari chwee. Hayo niho ahaghiro hano bharëkiire oghotyenyi ghuure no omurööti wuure o bhuröngö. Ibho mbakunyaakibhu iyo obhotiko no omwishe, emiishe ne emiishe.

Obhohunyurëru 20:8

Mbe, hano reghotighooroku, ndekuucha rengʼiine amatöngö gha chambaara choose che se, nigho Ghoghu na Maghoghu. Erishambu ndekobhakoma bhakörë eriihë, nabho mbaakubha erikinda ikoro kinya omwishekeenya o mo‑nyancha.

Obhohunyurëru 3:9

Mutëghëërërë! Nekobharëëtëra inyu abhaghëndi bha Rishambu, bhano bhakwibherekera n‑Abhayahuuti, abhaato bha Ryobha, amare tiyaanyi, m‑bharöngö. Mbe, bhano nekobhaköra bhaache bhabhahighamere. Niho bhakumënya kubha, nebhasiighiri inyu.

Obhohunyurëru 9:1

Akamara, marayika o ghataano woose aghatëma antaara yaache. Hayo nekarighi anchöta ino ere yiikiri koru Mwishaaro, na ghugho mo‑se. Ekahaabhu orohunguro ro mwirooma re mashambu.

Obhohunyurëru 9:20

Abhaato bhano bhataakuure gho chanaabhi chino ꞉cheebhabhwine abhaghëndi bhaabho, bhataatuukuuniire amabhe ghaabho. ꞉Mbëëndëriire ghusëngëra emisambu na chasanaamu chino ꞉bhaaköriri abheene gho sahaabhu, na chambiiri, na ashabha, na amabhohe, ne emete. Chasanaamu chiyo chetaare cherarighi, koru kooghu, koru ghughënda.