Obhohunyurëru 12:4 - Eriiraghano Eriihë

⁴ Omokera o ghuchöka ghuyo, okangʼuura imu ghwi ishato e chanchöta choose na ghoghachirëkëra mo‑se. Oghuchöka ghuyo ghokiimeerera ambërë e mukari uno are arëënda kwibhora, kubha araacha kwibhora, remure omoona uyo.

Obhohunyurëru 12:4 Iomraidhean Croise

Yohana 8:44

Inyu n‑abhaana bhi iso waanyu Erishambu, wiiki mokwënda ghuköra ghano taata waanyu aghwighomba. Erishambu n‑diiti korwera kare, wiiki retasiighiri kwimeerera mo‑bhuhëënë gho kubha, obhuhëënë bhotaanyi mo‑motema waache. Aribha Erishambu rekobhugha obhuröngö, iyo n‑atëëmö yaache gho kubha iryo n‑iröngö wiiki n‑taata o bharöngö bhoose.

1 Bheetero 5:8

Mwikabhaahe, wiiki mubhe miisho eriibhagha ryose, gho kubha omobhisa waanyu, Erishambu, ndehaghëndaghënda kinya aka ino eghwitima eratabhara omooto emure.

Obhohunyurëru 12:7

Niho hakarwera eriihë Mwishaaro. Marayika omokoro, uno akobherekeru Mikayeri, haghirohamu na bhamarayika bhaache, bhakarööna no oghuchöka ghuyo na bhamarayika bha ghuchöka.

Obhohunyurëru 12:9

Oghuchöka ghokarëkëru mo‑se. Ghuno nigho oghuchöka ghuure gho kare ghuno ghokobherekeru Ibhiriisi hamu Erishambu. Ngokongʼiina abhaato bhoose mo‑se. Mahëënë ngurëkiiru mo‑se haghirohamu na bhamarayika bhaache.

Obhohunyurëru 13:2

Oghotyenyi ghuyo ngoore ghotuubhiine na angwe, amare amaghoro ghaache ngaare ghanga gha dubhu, no omonu waache noore onga o ka. Oghuchöka ghuyo ghookaha oghotyenyi changuru cheeche, ne eghetumbe keeche ghe ghitëmi no obhotoro bhwaru.

Obhohunyurëru 13:4

Wiiki bhaghasëngëra oghuchöka ghuyo, gho kubha ngoheere oghotyenyi obhotoro bhooche bho ghukangata. Oghotyenyi ghuyo ghoose bhaghaghusëngëra bharabhugha, “Ghetaanyi‑ho ekende kinya oghotyenyi ghuno! Wiiki, ghetaanyi‑ho kino gheghotora kurööna nagho!”

Obhohunyurëru 16:13

Niho nekarighi emisambu etato ghino ꞉gheetuubhiine ne ebhyora. Umu okaru mo‑monu o oghuchöka, no wonde okaru mo‑monu o ghotyenyi ghuure, no wonde okaru mo‑monu o murööti wuure o bhuröngö.

Obhohunyurëru 17:18

Omukari wuure orooche ne eghetuubhaani ke moghya wuure omokoro uno onyi no obhotoro ighoro e bhatëmi bhoose bha se.”

Obhohunyurëru 20:2

Aghaghughööta oghuchöka ghuure, oghuchöka ghuure gho kare ghuno ghokobherekeru Ibhiriisi hamu Erishambu, aghaghubhöha no omunyörörö kwo riibhagha re meeka egheku kimu,

Obhohunyurëru 8:10

Marayika o ghatato woose aghatëma antaara yaache. Hayo anchöta inkoro chwee eghagho koru Mwishaaro. Neere eraaka kinya oromore, yoose eghagho ahaghiro ha riiteneka rimu ghwi ishato re bhitaaro ni ighoro e bherika bhe manche.

Obhohunyurëru 8:11

Anchöta iyo neere erabherekeru Obhororo. Eghagharura eriiteneka rimu ghwi ishato re manche ghaakabha maroro kayi. Mbe, abhaato bhaaru bhaaghaku, gho kubha amanche m‑maroro ꞉ghaare.

Obhohunyurëru 8:12

Marayika o kane woose aghatëma antaara yaache. Eriiteneka rimu ghwi ishato re ryobha, na re mwëri na re chanchöta bheghatëmu, haakabha ne ekengʼuuri. Eriiteneka rimu ghwi ishato re mwishe reghatigha kurëngaari ne eriiteneka rimu ghwi ishato re bhotiko rekabhori obhwero.

Obhohunyurëru 8:7

Marayika o mumbërë aghatëma antaara yaache. Hayo ambura e rihoorere no omororo bhisangeriini na amasaahë bhekarëkëru mo‑se. Omororo uyo ogheeki imu ghwi ishato e se, oghasireekereri emete, na amanyaaki amabhese.

Obhohunyurëru 8:8

Marayika o kabhere woose aghatëma antaara yaache. Hayo egheghiro kinya egheghoro ghekoro chwee kino gheghwaka omororo, ghekarëkëru mo‑nyancha. Eriiteneka rimu ghwi ishato re nyancha reghiigharura reekabha amasaahë.

Obhohunyurëru 8:9

Mo‑riiteneka riyo re nyancha, ebheghiro bhyose bhino ꞉bhiitëëmuru bheeghaku‑mu, eriiteneka rimu ghwi ishato re chameeri cheghasarëka inkongʼorimu.

Obhohunyurëru 9:10

Emekera gheebho ngeere gheraroma kinya bhuure eghitaamooni, na ngeere no obhosongo bho kobhanyahaara abhaato kwo myëri etaano.

Obhohunyurëru 9:19

Obhotoro bho chabharaasi chiyo mboore mo‑menu, na mo‑mekera gheebho, gho kubha emekera gheebho ngeere kinya chanchöka chino cheenyi ne emitu ghe kunyahaara abhaato.